ممكن اكون حامل وانا ارضع واسوي عزل ؟؟

[Mishael]

السلام عليكم ،،
بنات مررره ضايق صدري ،، انا توني والده وهذي اول بنت وجبتها بعد معانات ، مو اعتراض على حكمة ربي
بس ماودي احمل اللحين ابي استمتع فبنتي واشبع منها وتشبع مني ،،
المهم انا ماكنت استخدم مانع اخذة حبوب الرضاعه وماناسبتني وانا ارضع بنتي وعمرها اربع شهور وسمعت ان الرضاعه ميه بالميه بالشهور الاولى تسوي مانع ومع ذالك اسوي عزل طريقة القذف الخارجي معليش عالصراحه بس اعذروني لتوضيح ،،
اللحين اححس باعراض حمل مبيضي اليمين يوجعني وخموول ومغص دوره وهالاسبوع اخذة ابرة منع الحمل بس ماتبين لي اذا انا حامل او لا ولا تضر الحمل اذا فيه حمل ،،
تتوقعون اصير حامل من سوة زيي وطفلها كان باول عمره بالاشهر الأولى وطلعت حامل

[Abrar_Rsh]

والله ماادري بس الرجال ماينضمنون
بنت عمتي زيك ترضع وتسوي عزل
ومادرت عن نفسها انها حامل الا لما تممت 4 شهور
وقبل امس ولدت وجابت بنت الله يخلي لها اولادها

[Mishael]

طيب كم كان عمر طفلها لما حملت

[Mishael]

وينكم بنات

[Abrar_Rsh]

لما حملت بنتها كان عمرها 3 شهور وكم يوم

[هيبة أنثى]

اختي الله يعينك بس روحي حللي يمكن الهام اللي فيك
واذا طلع حمل رزق من ربك وارضي فيه وربي بيعينك على تربيتهم

وترا طريقه العزل حقتك حملو كثير عليها لاتعتمدين حاولي تشترين جهاز ليدي كامب انا مرتاحه عليه لي سنه وانا استخدمه ولايضرك
ولاشيء ويصلح للي تبي الحمل

[أسيرة زوجي]

ما أعتقد إنك حامل

أنا أرضع و ما أعمل ولا عازل و ماني خايفة

لأنه الدورة ما جاتني بعد النفاس

لهيك ما أعمل ولا عازل لحد ما تجيني الدورة

[Mishael]

الله يجزاكم الجنه ،،
هيبة انثى ايش الجهاز هذا مااعرفه ،
،،
اختي اسيره والله كثيير يسوونها ويحملون شوفي اخت ابرار تقول بنت عمتها حملة وهي ترضع ،
ان شاءالله تكون اوهام بكرا الصباح بحلل

[Dana]

حبيبتي حللي لحتى ترتاحي
والله يقدملك إللي فيه الخير

[*شفق*]

حللي وان شاء اللة ماكو شي ..... هذا الموضوع جدا مقلق