ولدت لكن..........

[ريوف الجنوبيه]

السلام عليكم ورحمة الله وبركاته

بنات انا ولدت بقيصري والحمدلله بس انا جاني رعب من الكلام اللي اقراه انه القيصري يسبب الموت وخطر لو حملتي مره ثانيه عندي اكتئاب احس اني بموت وصرت ادعي اني ماعاد احمل من الخوف عندي اكتئاب النفاس اسالكم بالله طمنوني تعبت اسال الله العظيم اللي ترد عليه ان ربي يرزقها من حيث لا تحتسب

[نوونـآ]

لابسم الله عليك

الحمدالله على سلامتك

ولاتشغلين نفسك وتوسوسين كلا له يومه

وياما ناس اعرفهم مشاء الله لها 3 بنات كلهم قيصريه

عاتي ياستي

[ريوف الجنوبيه]

نوووونا والله جاني اكتئاب النفاس وبس ابكي

[اميرة الخيال]

انا اختي مشاء الله تبارك الرحمن 4 مرات قصيري
ومافيها الا العافيه ..الله يعطيها الصحه والعافيه..
انت ماتتأثري كل كلام يتقال واتوكلي ع ربك ..
والحمدالله ع سلامه

[ولاااء]

اصلا هالايام وش كثرها الناس اللي عندنا قيصري صاروا النص تقريبا

وبعضهم الاولى قيصري والثانية طبيعي

وكلهم الحمد لله مافيهم الا العافية يجيبون ماشاء الله ويحملون
مرت عمي جابت 3مرات من قبل 18سنة يمكن

عادي القيصري ماتخوف ومعروفة و قدييييييمة

[ام الغلاه]

انا امرة اخوي مشاء الله تبارك الرحمن 5 مرات قصيري
ومافيها الا العافيه ..الله يعطيها الصحه والعافيه..
انت ماتتأثري كل كلام يتقال واتوكلي ع ربك ..
والحمدالله ع سلامه

[om 7amood]

اوووه انتي كل كلااام ينقال بتصدقينـــه
والله كلآم فآضي وخرابيط شنو تموووت الي قاآلك يقص عليك ويخرب عقلك

وسمي بالرحمن وبلا هالوساويس الي مالها اي معنى

[جودان]

ياحبيبتي عادي
ولدت مرتين قيصري والثالث انشالله باالطريق صح ان الخوف لازم بس لايهمك كلام الناس

[**سماسم**]

يالغاليه تذكري أن مايصيبنا إلا ماكتب الله لنا ..
وشيلي عنج هذي الأفكار الوهميه شنو تموت بسبب ولاده قيصريه خالتي ثلاث ولادات قيصريه بينها سنه فقط بنتين وولد و ماشاء الله لا إله إلا الله مافيه إلا العافيه ..

[شموسه]

الحمدالله على السلامه

والف الف الف مبروووووووووووووووووووك


لا حبيبتي لا تخافين خالتي جلبت 7 قيصري

وكاهي الحمدالله مافيها الا العافيه