حبيباتى سيدات ليبيا تفضلو لأعرف ما حالكم

[dr.loly]

اوشي هذه سلاطه بسيطة وطعمتها حلووة

هي انك تديري مكعبات بطاطا وبادنجال مكعبات مقلية .. وبعد يصفن كويس من الزيت

تضيفي لهن مكعبات طماطم وزيتون مقطع لونين اسود واخضر .. وجبنة تشيدر مقطعة مربعات..


وتحطي ع نار هكي نصف طماطم مبشورة وفصين ثوم مهروسات مع رشة كسبر ورشة شبت ..الشبت يضيف نكهة رهيبه ويمكن الاستغناء عنه عادي .. خلاص تاخدي الخلطه هذه وماتكونش واجد وتضيفيها للمزيج وتخلطي..



طبعا لاضافه رونق اكثر تقدري تضيفيلها رشة مفروم ..


وتزين باللوز المقلي ..

وعادة نخلط فيها نا باللوز ونزين فيها باللوز الخزايني ( الجووووز)


مع لمسة خطوط بسيط بالمايونز من فوق وبشرة جزر ع الاجناااب ووردات الليمون لتعطي للطبق لمسة جماليه




وهذه السلاطه من ابتكااااري ولا تخلو منها عزايم ام فرووووووسي

[dr.loly]

وفي سلاطة نحبها برضة هي سلاطة العدس والجزر ..

هي انك تطبخي كمية عدس وجزر وثوم وتصفيهن كويس من الميه وتحطيهن ف ست البيت

لازم يكون الناتج ثقيل اشويه ... وبعدها اتضيفي هريسه عربيه حسب ماتحبي وتخلطيها بها ,,\





وهالسلاطه كانت ضمن سلاطات حفل تخرجــي ,,, وهي من ابتكار خالتي

[dr.loly]

سلاطة جبنة بوك ..


وهي من اختراعي أيضآ



وهذي نذكرهااا ديما في اول ايام زواجي ههههه

حتي للسلاطات ذكري عندي خخخخخخخخخ


مش عارفه ليش نزلت عليها اول ايام زواجي بجد؟؟



وهي ببساطة انك تقلي مكعبات باذنجـــال وبعد يصفن ويجفن كويس من الزيـــت..

تضيفي لهن تقلية الطماطم


بعد تخلطيع ع النار .. مكعبات طماطم وقرن فلفل وثوم مهروووس ورشة شبت وبهارات وخصيصا كمون حوت هو لي يضفي نكهة رهيبه ... خلاص تجي تاخد هالخلطه وتخلطي بهالبادنجال ,,,


وبعدها تضيفي مقدار بسيط من جبنة بوووك ...


ومرات اندير فيها بجبنة مالحه ..






وهالسلطة درتها في فرح سلفي ... يوم الزفة عندهم بعد قالولي نبو نوع سلطة

ونذكر يومها كرهت قلي البادنجال خخخخخخ خصيصا كنت حامل بفروسا باخر السادس ومنفخه وحركتي ثقيله



بس الحق عجبتهم بكــل ,,,

[dr.loly]

اوشي بالنسبة لاول سلاطة تقدري تفحميها تضيفي لها فحمه يعني


تعطي نكهة ولا ارووووع


وتقعد سلطة ملكية

[dr.loly]

وفي سلطات اخري بالبقوليات وسلطة المكرونه الملونه ,,

اما سيزاار وكول سلو اكيد تعرفيهن ..




والتبووووله راهي لها طله أنيقه ف المناسبات حتي هي ..


ومن عشااااااااااقها نا ...

[dr.loly]

بنات حبيت انفيدكن بهالطريقه ...
http://forum.hwaml.com/t276233.html#post3470675

[هدية الخالق]

السلام عليكم ورحمة الله وبركاته
شن أخبار الجميع ليكم وحشة
والله مش عارفة خيرني هالأيام نحس في روحي مش على بعضي
متعبتني سوما شوية الله يهديها المشكلة كلهم اهلي او زوجي لما نحكيلهم على مواقفها يقولولي عادي وانتي مبالغة هلبة ممكن لاني جديدة عالأمومة ومش متعودة على فكرة إني مسوؤلة على عيل صغير
تعبت الصراحة نحس في روحي نبي فترة استجمام يوم عالأقل نسترد فيه قواي وتتعدل نفسيتي شوية والله إمبارح لين قعدت نبكي لما هي تبكي نتوتر نحس في اكتافي وظهري متشنجات لما هيا تبكي والله نستنى في أمي أمتى تجي تشدها عليا شوية المشكلة ممكن تتعطل جيتهم شوية لانه راجلي قال على اساس قبل بيحصلوا سوبر فيزا تطلع في اسبوعين لكن لقاها صعبة شوية ومايصيرش منها توا مش عارفة امتى تطلعلهم الفيزا العادية أقل شي تبي أربعين يوم ربي يسهل وخلاص

[أم أجنادين 80]

السلام عليكم ورحمة الله وبركاته

صباح الخيرات

ماشاء الله امتة كتبتوه هدا

لي عودة لفضفضة وللتعليق علي كل الردود

لاننا بنطلعوا بعد شوية وعندي امتحان يوم الاثنين بصراحة عليا ضغط مش عادي

هذه صورة لحجرة الصلاة في المعهد اللي نقرا فيه

عجبتني اللقطة رغم انهم مش مسلمين والله تفاجات بالتجهيزات اللي فيها

حلوة الفكرة

[أم أجنادين 80]

اوشي ان شاء الله راح نفيدك بهلبة سلاطات

وماشاء الله الخبيرة ام فراس ماقصرت

ماشاء الله عجبوني راح ناخدهم عندي ونديرهم

شموسة ياغالية ان شاء الله اخبارك كويسة

وباقي البنات كلكم سامحوني لو ماسالت علي الكل

في امان الله سلامات

[sosolibya]

السلام عليكم

كأني سمعتكم تتشكو من الكساد اكيييد هذا في غيابي هههه

كيف حالكم على قولة الشراقة راااايفت عليكن بجد


ومانعلقش عليكم يافروسة عيب عليك ههههههه