تجمع سيدات وبنات المغرب..

[huyam]

وأخا يا لاللة سهام نحط برنامج من راسي من الأرشيف ههههه

[huyam]

الفطور تقريبا يوميا نفس الشيء مسمن بيض مقلي فرماج زيت أركان زيت الزيتون حسب الرغبة قهوة بالحليب عصير البرتقال (هذا فطور راجلي المفضل جامي يمله ويطلب التغيير ههه)
ممكن أحيانا نغير ندير آتاي وندير حرشة نرفسها بزيت الزيتون ونقطع فيها التمر او ندير البغرير

غادي نكتب الاسبوع كامل مثلا
غداء
شلادة(خص ماطيشة خيار جبن )+بسطيلا بالسمك +فواكه
شلادة منوعة(بطاطا خيزو باربا رز ماطيشة خص...خيار)+الحريرة+بيض مسلوق+خبز+بطاطس مقلية+فواكه
شلادة(خص وماطيشة)+دجاج محمر+بطاطس مقلية +خبز+فواكه
عدس+سمك مقلي+شلادة+خبز+فواكه
مرقة باللحم والجلبان وخيروا+شلادة+خبز+فواكه
سلطة+بايلا+فواكه
كسكس ولبن

الكوطي راجلي خاطيه وأنا مرات ندير كيكة ولا بغرير ومرات الخبز والشيكولة مع آتاي

العشاء
لازانيا+ياغورت او فواكه
صوصيص ولحم مشوي +سلطة+فواكه
كران (عارفة متعرفوهش يديروه غي فالجهة الشرقية وما فيه ما نشرح هههه)+باكيط
أكثر شيء نشوي اللحم فالعشاء +عصير لافوكا او فواكه
وأكيد أحيانا ناكلو ما تبقى من الغداء

[huyam]

Wa finkom?khalitoni bohdi

[أم شّهد]

تبارك الله عليك سهام عافاك عطيني مقادير ديال هادي...

[أم شّهد]

لعشاء : طرطه بالخضر و الدجاج و البيشاميل

[أم شّهد]

فينكم البناتً

[zouzou 012034]

sbah lkhir 3likoum kif sbahto okif sabho wlidatkom wa lakrichat natmana tkouno mazian

[siham-it]

slame banoutat kif sbahtou nharkome mobark sa3id, khti asmae hram 3lik zarbana3la hada programe 9adi lina massaile wache khayfa,n3andoukome wakha fik
kifach katssibou hdik okla char9iya wagha gouli lina, hata ana baghine njrabouha

[siham-it]

المشاركة الأصلية كتبت بواسطة أم شّهد

لعشاء : طرطه بالخضر و الدجاج و البيشاميل

عل راس و العين ختي كوثر :
* الخضر كتحتاجي : البطاطه ، الدنجال ، والكرعه الخضره( لاكورجيت )
كتصلقي بطاطه ،دنجال والكرعه كتقليهم ولا تبخريهم إلا مبغيتيش طرطه تكون ميدمه ، لكن إلابخرتي دنجال ولاكرعه خاصك تنشفيهم مزيانمن الماء باش متجيش الطرطه ميهه
* صدر الدجاج حسب عدد ناس أنا كندير نصف صدر : كطيبيه عادي في شرموله بالبصله والربيع بحالى كتصيبي مريقه من بعد تخلي مريقه تنشف شويه ،وتحدي هداك الصدر و تفرتيه
هاديك المريقه الي تبقا ليك ضيفي ليها لاصوص طوماط وخليها طيب مزيان .
* صوص بيشاميل أنا كنشريها واجده يمكن ليك تصيبها في الدار

هادشي كولو كتواجديه إوا يا لالا كتجيبي طاوه ديال الطرطه كتصبي شويش صوص طماط في قاع دهنيه بيها و تحطي البطاطه المصلوقه من بعد كتصبي صوص طماط تاني عل بطاطه ،وكديري طبقه من دنجال ، ثم صوص طماط ، ثم الكرعه ثم صوص طماط ، من بعد كديري الجاج و كتخوي شويش صوص طماط ، و عاد كتغطي لاطارط بصوص بيشاميل تغطيها مزيان ولا عندك فرماج حمر محكوك زيديه سينو بلاش ، ودخليها فران حتى يحمار صوص بيشاميل و بصح و راحه

[siham-it]

machae lah lyouma rakome occupées,iwa tolou 3lina marra marra