تعالو ندعى لبعض ونفضفض لبعض ونفيد بعض

[f3mhs3]

السلام عليكم ورحمة الله وبركاته

اما انا متزوجه من اربع سنوات ...السنتين الاولى كل شي تمام انا وزوجي بس من بعدها في شهر من الشهور تاخرت الدوره قلت ممكن حمل سوينا تحليل حمل كان سالب انتظرنا فتره مانزلت فسويت كشف كامل على الهرمونات 😢😢😢 فكانت المفاجئه هرمون fsh مرتفع جداً وصل الى 105 فقالت لي الدكتوره سن يأس مبكر
مبايضك توقفت عن العمل 😭😭😭😭 كيف وليه هذا امر من الله فصرت اكل حبوب كليمين مستمره بس بعض الشهور اوقف الحبوب لان اجرب علاج مختلف اعشاب و عسل وكان بعض الاحيان تنزل الدوره وكل فتره احلل الهرمون لان الدكتور يقول اذا نزل مع الحبوب ووصل 12 بيسوي لي اطفال انابيب اخر تحليل كان الهرمون واصل 82 😭😭😭😭

الحمد لله على كل حال والله لا يحرمنا ولا يحرم كل من يتمنى الذريه



على فكره انا اشرب البردقوش والمراميه ينفع مع حالتي او كيف. وسمعت عن عشبه رجل الاسد او عبائه السيده يقولون انها ممتازه بس ما ادري اجربها او لا


يارب انت القادر على كل شي يارب قل كون فيكون

[مَلك]

مساء الخير
.
هذي اول مشاركه لي بالمنتدى
بالنسبه لي اول سنه ونص من زواجي استخدمت مانع .. ماكنا نبغى اطفال اول سنتين والطبيبه طمنتني ان المانع مابيضر اذا ماتعديت سنتين ..
بعد ماوقفت المانع كملت ٦ شهور بدون حمل وبدون مراجعه ولما دخلت السنه الثالثه قلت اراجع وباختصار راجعت وكانت النتيجه انو عندي تكيس وقالت لي استخدم الكلوميد واستخدمتها ولاصار شي بعدها رحت للدكتوره ثانيه قالت نفس الكلام ،استخدمت لي كلوميد وابر تفجير ولا صار حمل ، يعني ثلاث شهور جربت فيها المنشطات ، بعد كذا نصحوني بدكتور يعالج بالحميه الغذائيه وانه ممتاز ورحت عنده اول شي سواه لي تحليل هرمونات والنتيجه التبويض عندي ممتاز ولاكان يحتاج منشطات وهرمون الحليب تمام لكن هرمون lh كان اعلى من هرمون fsh وبهذي الحاله لازم يكون اقل منه ، قالي الحل معك فقط حميه ورياضه الحميه ممنوعه من السكريات والنشويات ولازم اكل بروتين كثير ، وفعلاً مشيت ع الحميه وبعد اشهر حملت قالي استمري ع الحميه لان لو خبصتي بالاكل واكلتي سكريات ممكن يصير اجهاض ، وصرف لي اسبرين لكن اهملت في بعض الايام واكلت سكريات وبعدها اجهضت وطبعاً السبب بالنهايه بيد ربي والحمدلله ، زوجي سوى تحاليل اكثر من مره ،كلها تمام الان لي ٣ اشهر من بعد الاجهاض وعدت تحاليلي والحمدلله هرموناتي تمام بكمل بعد اشهر ٤ سنين زواج الله يرزقني وايآكم الحمل السليم التام