بعد10 أيام طلق وصل حمودي!!

[عذب الجوارح]

السلام عليكم حبوبات
اليوم نوييت أخبركم بقصة ولادتي بحمودي تعبني هالولد لين طلع الحمدلله على كل حال الحمدلله انه طلع أصلا خخخخخخ
أول القصة كانت ان زوجي سااافرهو وعمتي وخلوني برووحي وكنت فأول أسبوع من التاسع وبعد سفرتهم بأربعة أيام بديت احس بآلام وعالليل خلاص ما عدت استحمل وروحت المستشفى عند أخو وأخت زوجي وكان الرحم مفتوح 2سم وعلى كلام الدكتورة ان ولادتي راح تكون الفجر بإذن الله ومارضيت أتنوم واللي يضحك سألوني فالمستشفى شويقربني أخو زوجي وقلت لهم وأنا موجوعة (ماي فريند)فشششششششلة ضحكوا علي كلهم وقالولي يايبة صديقج الساعة وحدة ونص بعد نص الليل
ورحت البيت وياليتني مارحت لأني رقدتوراااااااااااح الوجع وراحت الولادة ؟؟؟؟
رحت لهم اليوم الثاني قالوا الرحم لسه مفتوح بس بدون تقلصات
بعد يومين رجعت الآلام من أول وجديد وكانت أشد وبعددد رقدت قمت بدون وجع رحت المستشفى مفتوح4سم كنت الصراحة في حالة لا يرثى لها وزوجي يدق على تلفوني كل شوي وصديقاتي وأمي وخواتي وجيراني حتى اني كنت أشحنه 3مرات فاليوم
وبعديومين نزل علي دم مع آلام مستمرة وأنا على حالي من المستشفى للبيت ومن البيت للمستشفى حتى رجع زوجي الغالي وصرت بصراااحة مهزلة الكل يضحك علي يقولون كنت بس أبيه يرجع ما يحسون فيني
يالله وبعد وصوله بيومين بدأ (الطلق الحقيقي )
من الساعة 4 العصر حتى الفجر صباح اليوم الثاني وأنا أعاني وعيت زوجي ورحنا بسررررعة للمستشفى والحمد لله مفتوح 7سم وشوي دخلوني الولادة من الساعة 6 ونص حتى 8 وأنا وهالياهل اللي مو راضي يطلع وتعبني وما قدرت أزفر فالنهاية والدكتورة عيت من تصرخ علي البيبي بيموت نزلت نبضات قلبه فجأة وزوجي برع انهااار وبالنهاية جزاهاالله ألف خير نزعته مني فاللحظة الأخيرة ماهمني جروحي ولا تقطيعهم لي دام إني شفت ضناي وارتحت الحمدلله رب العالمين

[ساهرة]

حمدالله على سلامتك
الولد مابغى يجي اله وابوه موجود
يتربى بعزكم:)

[دانيه]

الف مبروووووووووووووك و الحمدلله على سلامتكم و ان شاالله تشوفيه عريس و تفرحي فيه ياااااااارب..

[عذب الجوارح]

الله يسلمكم
وانابعد أقول انه كان يتريى أبوه وعلى فكرة هاي اول ولادة يكون موجود فيها عندي ^^

[جنون بيبي]

الف الف الف الف مبروووووووك..

[جولييت]

الف مبرووووووووووك والحمدلله على سلامتكم

ادعيلي بتيسيير ولادتي

[قطرات ندى]

الف مبرووووووووووك والحمدلله على سلامتكم

[أإأم ع‘ـــزُوـوزُ]

ألف مبروووك ويتربي بعز أبوه وعزك ...

والحمد الله على سلآمتك إنتي والبيبي ....

[نبع المحبة]

ألف مبروووووووووك خيتوو
يتربى بعزكم ان شا الله ..

[غيمة بيضـاء]

حمدالله على سلامتك