يـــارب اجـــبـــر بــــقـــلــبــي

[حلمي الامووومه]

اولا: السلام عليكم

قصتتي قبل وبعد الحمل والولاده المبكره انا متزوجه من 7 سنوات تقريبا وطال انتظاري وانا احلم بالامووومه وابحث عن السبب ما يذكر لي عن امراءه تعالج بالاعشاب او مستشفى
فقبل 4 سنوات دخلت العنايه وكدت اموووت وكان الموضوع صاير امس مو قادره انساه
والسبب دكتوره بمستشفى خاااص اعطتني جرع زياده ابرمنشطه وصارت مضعافات لي وانتكاسه بالحاله وغيرها من التعب والم العلاج
وقفت العلاج سنه لكني ما استسلمت وبداءت ابحث من جديد عن السبب لحملي

عملت انابيب ونجحت طرت من الفرحه ماصدقت سجدت لربي سجدت شكر
حللت كذا تحليل علشان الصدق ياه ما انسى طعم الفرحه
بحملي تعبت ما اطلع من بيتي الا لظروره جاني بالشهر الثالث تقريبا نزيف تنومت بالمستشفى وكان قلبي بيوقف اخاف انه يطيح بس الدعي ربي وتوقف الدم والرحم ما انفتح وطلعت لبيتي
كل وقتي بس احط ايدي ع بطني واكلمهم احس انهم يسمعوني كانوا تؤام احلم فيهم واتخيلهم معاي بالبيت ابسوي كذا لهم وبحط كذا...........
كملت الرابع قالوا لي ولد وبنت احس بحركاتهم طاير عقلي من راسي بفرحتي فيهم بس اعد للولاده ومثل المجنونه تلاقيني احب اجلس بوحدي واكلمهم واسولف عليهم
كان يجيني مغص مثل مغص الدوره اسفل البطن ويروح قالت لي الدكتوره عادي
وانتم بالكرامه كان ينزل وياي بكثره افرازات مثل المخاط تميل للون الاصفر او الاخضر
بعدها باسبوع طلع شوي دم واشتد علي الالم اول اسفل بطني وبعدين اسفل ظهري
اتصلت الساعه 12 صباحا ع اخوي يجي يوديني وجلست ابكي يارب احفظهم لي لا تحرمني ريحتهم يارب.....يارب..... يارب..... والدموعي كاني كنت حاسه من اول حملي وانا بس الدعي ربي يحفظهم ساعه الصدق اني حامل وساعه لا
رحت للمستشفى واشتد علي الالم قالوا لي نبظهم زين وموجدين لكن هاذي الالم والدم اعراض الطلق ولاده مبكره خلينا نشوف الرحم كم منفتح رغم اني ميته من الالم والصراخ والدموووع الا اني رفضت انهم يكشفون كنت مستعده امووت وياهم
وكان عندي امل انهم يبقووون جابت الدكتوره اخصائي يحاول يفهمني لكن لاحياة لمن تنادي
والساعه 2 صباحا حسيت شي بيطلع سكرت ارجولي ما ابيه يطلع مع اني جالسه اعذب نفسي لكن الله لا يواخذني غصب عني بتحمل كل الم بس هم يبقوون المهم
طفلي طلع هو ومشيمته متسكره عليه الدكتوره شالتها عنه بالمقص وطلع الولد وانا احس روحي بتطلع وياه بكا ابي الضمه الدكتووره لما شافت حالي جلست تهديني ودمعت عيونها وهي ماتعرفني سالتها دكتوره طاح الولد باقي البنت ممكن تبقى قالت الله اعلم لكن غالبا لا خليكي مؤمنه وربنا انشاءالله بيعوضعك
بعدها بعشر دقائق تقريبا طلعت البنت بدوون المشيمه اصغر حجم من الولد صحتها مو زينه وبجسمها بقع خضراء وبعدها انزلت مشيمتها
وانا الله يصبرني ويرزقني الله لا يواخذني ع الي سويته غصب مو بيدي صراخ بكا من بكره طلعت لبيت اهلي اول الايام ماكنت انام لا ليل ولا نهااار بس دمووع
هالحين احسن شوي انام لو انه نوم متقطع
بس اتخيلهم افكراحيانا اسال زوجي وين دفنهم ودي اروح لهم يقولي استغفري ربك وانسي
غصب القي نفسي اكلمهم وافكر فيهم ووش كنت بسوي لهم صعب انسى احيانا القي نفسي حاطه ايدي ع بطني ولا شعوريا اقول ربي احفظهم لي واحسن خلقهم واكرار هالحركه كثير وبعدها التذكر انهم راحوا واستغفر ربي
الدعوا لي بالهدايه اللهم لا عتراض

[Mقمة البرااااائهM]

حبيبتي....هل تؤمنين بالقضااااء والقدر؟؟؟؟؟
فهذاااا ربي قدره لج تدرين ليش؟؟؟؟لأنهم لوعاااشوا بتتعبين أنتي....الله أراد أنهم مايعيشووون عشااان ماتتعذبين أنتي...لأن يمكن بولادتهم يكونون معاقين وتتعبين طوووول حيااااتج معااااهم....أحمدي الله وأشكريه في السرااااء والضراااااء.....ورددي....(( ربي أجرني في مصيبتي وأخلفلي خيرا" منهاااااا )).....والسااااقط لاااااقط بأذن الله.....ريحي نفسيتج يالغلااااا وكثري من الأستغفااار.....
أنا من سنه سقطت ولدين وبعدني ماااحملت والحمدلله ع عطااااياااه....الصبر ثم الصبر....الله يسر قلبج وخااااطرج ويفرحج يااااارب......

[زهرة الربيع]

ربي يعوضك حبيبة قلبي والله حاسة فيك انا لسه لي12 يوم من اجهضت ونفسيتي تعبانة مرة ونومي متقطع بس ارجع واقول الحمد الله في السراء والضراء ربي يعوضك ويعوضني خير

[حلمي الامووومه]

خواتي قمه وزهره مشكورين ع مروركم انا مؤمنه بالقدر
لكن وربي غصب مو بيدي الدموعي مو راضيه تخلص
الله يعوضنا ويصبرنا

[روح الورد]

الله يعوضك انشاءالله لاتيأسي اختي

[rose]

اختي فعلا هذا قضاء وقدر
انا مريت قبلك بتجربة اجهاض
وفعلا بكيت ونفسيتي لليل تعبت وخلاااااااااااااااااص حسيت الدنيا ماعرف كيف
بس سبحان الله والله اكثر البنات بالمنتدى قالولي وكانوا مشكورين كانوا دايما كلمتهم قضاء وقدر
فعلا استوعبت هي الجملة بعد فترة وحسيت انها فعلا صحيحة
مهما ملنا ربي اراد كذا واراده لمصلحة او دفع ضرر او مشيئة نحن مانعلم مكنون خفاياها
اتمنى ان ربي يعوضك ويجبر خاطرك يارب

[Mقمة البرااااائهM]

الله يرزقج فرحه في غفله يااااااااااااااااااااارب...........

[قوت القلوب]

الله يعوض عليكي يارب

[يارب ترزقني بطفل أضمه]

ياقلبي يالغالية استهدي بالله والحمدلله انشالله بيجيك عيال وتشوفينهم واولادهم وانتي بصحة وعافية ورددي الحمدلله الحمدلله
تذكري ياقلبي من هم اسواء منك حالة وتهون حالتك انتي الحمدلله قدرتي تسوين انابيب ومشاء الله نجحت لكن فيه حلات مساكين مايحصلون بويضة ولاحيوانات منوية وعمرهم في 45 لكن وكلوا امرهم لربهم وصبر وتذكري ان الله مع الصابرين ان الله مع الصابرين
الله يااااااااااااااااااااارب ياكريم يرزقك الذرية الصالحة وكل محروم المعافاة عجلا غير اجل ويغسل همك فرحا وحزنك سعادة يقلبي

[دلع]

الله يصبرك ويربط على قلبك ويجعلهم شفعاء لك يوم القيامه..
لله مااخذ ولله مااعطى وكل شي عنده بمقدار..
اللي مريتي فيه مو سهل بس الله كريم ومااخذهم الا لحاجه في علم الغيب ..
صح احنا نزعل ونحزن ونبكي لما تجينا مصيبه ماندري ان كل شي يصير لنا مايكون عبث له سبب عند الله والله لايضيع اجر الصابرين..
الرسول صلى الله عليه وسلم يقول(عجبت لامر المؤمن ان امره كله خير ان اصابته سراء شكر فكان خيرا له وان اصابته ضراء صبر فكان خيرا له)
عن أبي موسي الأشعري رضي الله عنه أن رسول الله صلى الله عليه و سلم قال ( إذا مات ولد العبد قال الله تعالي لملائكته : قبضتم ولد عبدي ؟
فيقولون : نعم ,
فيقول : قبضتم ثمرة فؤاده ؟
فيقولون : نعم ,
فيقول : فماذا قال عبدي ؟
فيقولون : حمدك واسترجع , فيقول الله تعالي : ابنوا لعبدي بيتا في الجنة وسموه بيت الحمد)) رواه الترمذي وقال : حديث حسن.
لاتحرمين نفسك من الاجر العظيم وباذن الله يعوضك ..ويجمعك باطفالك فقصر الحمد باذنه
ان العين لتدمع وان القلب ليحزن ولا نقول الا مايرضي ربنا انا لله وانا اليه راجعون..