أبرة الظهر للولادة الطبيعية..

[(..حيرتهم..)]

بسم الله الرحمن الرحيم

السلام عليكم ورحمة الله وبركاته..

مبارك عليكم الشهر وكل عام وانتم بألف خير

خواتي انا عندي استفسار بسيط عن ابرة الظهر

أنا حامل في الشهر التاسع وموعد ولادتي بأذن الله 8 رمضان

ومن كثر مااسمع عن الآم الولاده صرت أفكر فيها كثير ومتخوفه حييييل منها بحكم اني بكريه وماجربت الولاده من قبل

ولما قريت عن ابرة الظهر للولاده الطبيعيه بصراحه اعجبتني وفكرة اخذها
بس بنفس الوقت حسيت بتردد لاني خفت من أثارها بعد الولاده

عشان كذا فتحت هالموضوع واطلب من كل وحده جربتها تحكي لنا عن تجربتها وكيف كانت
وهل كان لها اثار بعد الولاده ام لا..؟؟

تكفون لا تبخلون علي بنصائحكم
ولكم الدعاء في ظهر الغيب

[ناديا]

انا توي قبل 3 شهور ولدت وكنت بكريه وخايفه مثلك وبرضوا سألت عن الابره وبحثت عنها وبعدين خفت وترددت والحمدلله اني ماخذتها ربي سهل علي ولله الحمد اهم شي تختاري المستشفى الي بتولدي فيه انا ولدت بمستشفى الجامعه الخاص واحمد ربي من دخلت غرفة الولاده بس عطوني االكمامه وابره فيدي غبت عن الوعي ماصحيت الا بعد ولدت وخيطوني والحمدلله هذا انا مافيني شي يعني لاتفكري فأبرة الظهر لان فيه حريم جربوها وسببتلهم الآم فالظهر .. واي استفسار عن اي شي يخص الولاده انا حاضره اصل انا مريت بوضعك وكنت ابغى احد يفهمني ويساعدني ,, الله يسهلك ,, وتقبلي مروري ..

[(..حيرتهم..)]

نــاديــا

مشكوره عزيزتي كلامك ريحني وانا بصراحه متردده حيل اخذها

طيب بسألك معليش / الكمامه وش فايدتها تخفف الالآم ولا كيف؟
والشيء الثاني انتي تطلبيها ولا هم يعطونك اياه ؟؟

[حلاااااا]

الله ييسر لك ولادنك
انا مثلك بكرية سألت عنها كثير ويقولون مالها اضرار نهائيا
في المنتدى تجارب البنات اللي جربوها ابحثي وان شاء الله تلقينه

[ناديا]

الكمامه ماطلبتها وصراحه من عطونيها وانا بغرفة الولاده مادريت عن نفسي الا بعد صحيت يعني ماحسيت بخياطه ولا لما خرج الحمدلله ..