قصة ولادتي باحلا تسنيم

[ابنائي حياتي]

السلام عليكم ورحمة الله وبركاته
مرحبا بنوتات كيفكم ؟؟
اليوم صارلي 14 يوم والدة وجبت تسنيم ... ما شاء الله بنوتة زي القمر
كل من شافها صلى على النبي
صلو على النبي ويلا نبدأ بمغامرتي
دكتورتي قررت تولدني يوم السبت 22-10-2011
بسبب الزلال
وانا من التعب قررت اولد يوم الاربعا 19-10
لانو نزل علي 4 بواسير صرت ما انام الليل وطول الوقت بكا وصراخ بسبب الالم
حتى اكل ما اكل
قررت اولد قيصري
لانو طبيعي ودفع استحالة وفي عندي بواسير
ومن التعب كل قواي انهارت
يارب ولا وحدة فيكم تشوف اللي شفتو بحملي هاد
تعذبت كتير باول الحمل واخرو بس الحمد لله كلو باجرو ان شاء الله
المهم قررت انو يوم الخميس 20-10-2011 اولد غصب عن دكتورتي بعملية وبكون دخلت التاسع يوم واحد
توكلت عالله ورحت ما كنت افكر بشي غير باني اتخلص من الم البواسير
دخلت العمليات الساعة 9 الصبح واخدت تخدير نصفي ( ابرة الضهر)
ما حسيت فيها كتير سهلة اول شي حسيت تنميل برجلاي وبسرعة تخدرت
كنت حاسة بانو الدكتورة بدت تشق بطني بس مو متاكدة
المهم فجاة وانا بالعملية حسيت اني بموت وبختنق وحرارة مو طبيعية
حكيت لدكتور التخدير اللي كان واقف فوق راسي
بؤلي ما بدك تسمعي صوت البيبي ؤلتلو امبلا نفسي
حكالي شوي وتسمعيه
ما بعرف شو صار بعدها ما سمعتو وبعد 3 ساعات تقريبا صحيت بؤلي دكتور التخدير مبروك والحمد لله على السلامة
ؤلتلو شو جبت بؤلي بنت
ؤلتلو هي منيحة بؤلي ايه
ورحت بالنوم صاحية ومو صاحية
وطبعا مو حاسة برجلاي ولا الجزء السفلي من التخدير
بعد مصحيت منيح عرفت انو ضغطي صار عالي كتيييييييييييييير
وانو البنت وزنها صار قليل ببطني بسبب قلة اكلي
وطبعا انا بطلت اكل من وجع البواسير والمهم
بنتي وزنها صغير 2 كيلو وراسها قد الجوزة بس زي القمر
طبعا بعد حوالي 6 ساعات اجت الممرضة وحكتلي لازم تمشي عشان ما يصير تجلط بسبب ابرة الضهر
ؤمت ومشيت شوي وياالله على الوجع شو صعب
الطبيعي مية الف مرة اسهل من العملية
ضليت بالمستشفى 5 ايام بسبب الضغط والزلال
والدكتورة اثناء العملية دخلتلي البواسير وحكتلي ضلي عالعلاج
الحمد لله هلاء اموري احسن عم بقدر اتحرك عالخفيف
صار عندي وجع بحلمات صدري وردحت للدكتور اتعالج
لهيك نصيحة بنات من الشهر الخامس ادهنو جليسرين عشان الحلمات ما ينشفوا ويتشققوا
هاي بحالها معاناة تانية بعد الولادة
واي سؤال بخصوص ابرة الضهر انا جاهزة خاصة انو كتير متخوفين منها
وانا بنصح فيها حتى لو ولادة طبيعية
احلا شي تولدو طبيعي بدون الم
اخر شي دعواتي لكل حامل يارب تؤومو بالسلامة ويكون حملكم وولادتكم ميسرين يارب

[احساس أنثى]

أولا حمدا لله على سلامتك بجد لاقيصري صعب كتير الحمد لله عدت على خير

وثانيا تتربى بعزكم تسنيم القمر بس اعتقد انها بحاجة لحضانة بالمشفى لأن وزنها كتير صغير حرام

وثالثا احيكي على روح المغامرة بجد ... تضحية ,,, انك تولدي وانتي لسى بأول التاسع

ادعولنا نحمل ونجرب ياااااااااااااااااااااااارب

[ماريّة]

أبناائي..

الحمدلله ع السلاااامة.. والف مبروووك العروووس تسنيم..

الله يجعلها من الذرية الصالحة..


وان شاء الله بضاعفلك حسناتك ع التعب اللي تعبتيه فيها..



المهم انكم هلأ بخير انتي وهي.. وان شاء الله بتفرحي فيها وبتشووفيها احلى عروووس يارب..

[ام الهادي]

حمدلله على سلامتك حبيبتي والف الف الف مبرووووووك وانشالله صحتها بتحسن وبترجع وزنها
وناطرنك في التجمع

[Leena.A]

أللللللللللف الحمدلله على سلامتك و سلامة الأمورة ..
بورك لكِ في المولودة و شكرتِ الواهب و رُزِقتِ برها و بلغت أشُدها
ان شاء الله كللللللللو بأجره .. و اهتمي بصحتك دحين أكتر و معافاية بإذن الله

[ابنائي حياتي]

يبارك فيكم بنات
اختي دمعة شوق منيح اللي وصلت للتاسع
عندي ولدين وولجتهم بالسابع
ربك يعلم كم تعذبت لحتى اوصل واصمد لاول يوم بالتاسع
والحمد لله البنت ما احتاجت حضانة امورها تمام
والوزن بتعوض
هيني عم برضعها لحتى تسمن
اشتريت لها لبس اللعب تبعون البنات عشان تلبسهم
شكلها يجنن
يارب يرزقك ويرزق كل محرومة يارب

[al-sham5h]

الف حمدالله عالسلامه وتتربى بعزك وبعز ابوها الله يجعلها عبده صالحه من حفظة كتاب الله ...
والله يهون وييسر حمل باقي الكروشات ويفرحهم ولايضيع تعب وحده منهم يارب ...

[noona 28]

ماشاء الله تبارك الله
الف مبرووووك تتربي بعزكم يارب
الحمد لله على سلامتك واجر وعافية يارب
دامها بنوته بعد ولدين دلعيها كتير

[ابنائي حياتي]

تسلمي يا الشامخة ويارب يهون عليكي وعالجميع
نونا تسلميلي يارب
وتسنيم مدلعة حالها من هلاء
وطلباتها اوامر عكل اللي بالبيت
سبحان الله حب البنت غير الولد
او ممكن لاني واعية هلاء بولادي كنت 18 سنة وصغيرة ما وعيت عليهم وعتربيتهم

[noory]

الف الف الف مبرووووووووووك ابنائي
والحمدالله عالسلامه والله يحفظ لك اولادك يارب
لاتتاخري علينا