قائمة ترتيبات جهاز الام والمولود وطلعة الاربعين

[معلومات2011]

السلام عليكم ورحمة الله وبركاته











بنات أنا حابه أنكم تساعدوني
لاني جالسه أسجل في مدونتي
وموعارفه من وين أبدأ

أبدأ بتجهيزاتي الخاصه بفترة النفاس ولا تجهيزات المولود
وكتبت في القائمه كل شي وقسمتها عدة تقسيمات

اللي تشوف موضوعي مهم ترفعه واللي عندها أضافه لاتبخل علي

-تجهيزات فترة النفاس
المطلوب(ملابس+صيدليه+الاستقبال+شنطة المستشفى)

-تجهيزات النونو
المطلوب(ملابس+صيدلية+الاثاث+شنطة المستشفى)

-تغذية النفاس
(خلطات وأعشاب من العطارين +أكلات أحد يعملها لك في البيت أو طلبيه من حريم
+أكلات جاهزه وسريعة التحضير مثل الشوربات+ أكلات من الجمعيه مثل برتقال وعصيرات)

-برنامج عناية كامله من خلطات وغيرها بفترة النفاس الخاصه بـ
(الشعر-البشره-الجسم)

-تجهيزات عرووووووووووووس
(ملابس نوم-بيت-خروج/أكسسوارات وشنط وأحذيه/عطورات وبخور/مفرش عروس وملحقات رومانسيه)

--وختاما الصالوووووووون

(حمام مغربي أو ملكي أوأو -حف كامل-منيكير وبديكير-صبغ وقص -مكياج-تسريحه)

- بعد فطام الطفل من الرضاعه (أختياري)
(جهاز رياضي أو تمارين رياضيه أو نادي رياضي- تنظيف و تبييض الاسنان-ليزر)


هاااااااه أشرايكم

أنا سويت بحث كاااااااامل عن فترة النفاس الخاص بالام

اللي تبي القائمه لاتتردد

لكن مابلشت بالامور الثانيه ومحتاااااااااسه

كل اللي أقوله

كل شي أكتبوه هنا

قوائمكم الخاصه زي ماأنا كتبت القائمه الخاصه فيني

وراح أبلش من الاسبوع الجاي

وأخيرا أنصح كل وحده تتجهز من الشهر السابع
وتخلي فترة الاربعين فترة نقاهه وأستجمام وراحه

[أم دحسون]

مــاشاءالله عليكـ أختي ,, شــغل مرتب ,, يدل على شخصيتك النظاميهـ ,, أحب هالأسلوب وأهنيك عليه.,
الله يتمم عليك وعلي والمسلمين أجمعين ,,
أحس القائمه كامله ومرتبه ,..

[معلومات2011]

المشاركة الأصلية كتبت بواسطة أم دحسون

مــاشاءالله عليكـ أختي ,, شــغل مرتب ,, يدل على شخصيتك النظاميهـ ,, أحب هالأسلوب وأهنيك عليه.,
الله يتمم عليك وعلي والمسلمين أجمعين ,,
أحس القائمه كامله ومرتبه ,..

مشكوووره أختي
بصراحه حمستيني أكمل الموضوع
وشكرااعلى الدعوات الحلووه

[معلومات2011]

أول نقطه راااح أتكلم عنها
-تجهيزات فترة النفاس
المطلوب(ملابس+صيدليه+الاستقبال+شنطة المستشفى)

بليزززز نبي تفاااعل ضخم وكبير جداااا

يتبع

[ماروكوو]

مع الاسف ماطلعلي الكلام طلع مخربط

[معلومات2011]

-تجهيزات فترة النفاس
المطلوب(ملابس)

-شنطه كبيره راح تاخذيها لبيت أهلك
-دلاغات
-طقم سليبات(اندرويرات)
-بجايم قطنيه عباره عن فنيله وسروال طويل
-سراويل طويله
-شورتات
-ستيان قطن الخاص بالرضاعه
-مشد وكورسيه
-شلحه قطن
-فوطة أستحمام
-رووب
-بجايم( بشرط يكون ذوأزارير أو سحاب للرضاعه)
-دراعات( يكون بازارير أو سحاب للرضاعه)
-ملافع للراس
-قفازات يدين
-شال للرضاعه
-ثياب أستقبال رووعه(واحد للمستشفى علشان الزوج وواحد للزوار على غفله وواحد بيوم أستقبال وجمعه الناس عندك)
-سليبرات
-ديباج (حق الكرف لاربعين ليله لان راح يتوسخ من الادويات )
-مخدة رضاعة
-أدوات شخصيه تجملك قدام الزوج والاهل:
( مشط-شباصه-أستشوار-مقلمة مكياج-مسكرا-كحل-محدد-قلوس-روج لحمي أوزهري)

ولاتنسون الاشياء المهمه والضروريه
-كتاب يحتوي على آيات الولاده وأذكار الصباح والمساء )
-جوال وشاحنه
-مسجل لسماع القرآن
- كاميرا (أختياري)
-نوته وقلم
- كيس وعلب فاين غير معطر متوفر بجانبك+ سلة مهملات
-سلة أو كيس كبير ترمي فيهم ملابسك وملابس النونو الوسخه
(خليك ذربه عند أهلك)
- مطارتين وحده للاعشاب والثانيه للحليب بالحلبه +حافضة متوسطه لعجوة التمر

[Ameera ™]

ما شاء الله عليك جد إنسانه منظمه ،
حمستيني افكر بكل حاجه احتاجها قبل وبعد والولادة من الحين ،
الله يوفقك ويرزقك الذريه الصالحة يآرب ،
ودي ..

[أم دحسون]

ماشاءالله حــلو حلــو ,. ^_^

[معلومات2011]

-تجهيزات فترة النفاس
المطلوب(صيدليه)
-شامبو شعر
-شاورجل
-كوتكس
-قطن للصدر
-مزيل عرق
-فرشاة أسنان
-معجون أسنان
-مناديل لتنظيف الوجه
-كريم مرطب للبشره
-كريم لحلمةالثدي بعد الرضاعه
-كريم بعد الولادة للجسم شد وترطيب
-قطعه مطاطيه لحلمة الصدر ولتفادي التشققات
-كمادة حاره للجسم
-شفاط الصدر
وطبعا فيه كريمات سمعت عنها
كريم بانثينول وكريم ميبو وكريم زبدة الكاكاو
يستخدمونها الحوامل للتششققات

بنات بليز اللي تشوفونه ناااااااااااقص خبروني

كل نقطه تاخذ حقها
علشان نضيفه هنا بدال مانبحث ونتعب

ناطره تفاعلكم

[معلومات2011]

المشاركة الأصلية كتبت بواسطة ماروكوو

مع الاسف ماطلعلي الكلام طلع مخربط

أفااااااااااا ليش ياعمري
عاد القائمه مهمه لك ولغيرك شوفي المشاركات اللي بعدها
طلعت عندك نفس المشكله ولا لا

أنا عندي طالعه