بنات بجد ابى نصيحتكم وربي ميته رعب ابني طاح ع البلاط

[rose]

السلام عليكم ورحمة الله وبركاته

بنات الله يسعدكم من سمعت بهالشي واباها تنصحني انا نفسيتي دماااااااااااااار
اليوم انا وولدي كنا نايمين فجاة حبي الله يحميه وطاح ع البلاط
مادققت رغم انه جلس يصييييييييييح بقوة وعلمت بجبينه كورة واتنفخت
ماخدت ولا اعطيت قمت كالعاددةفطرته والعصر جا بينام رضعته
قام المغرب كالعادة قرب العشا وابى اغديه واكلته كم لقمه الا وانتوا بكرامه استفرغ
برضه ماخدت ولا عطيت قلت يمكن شبعان صبرت نص ساعة رجعت اعطيته ياكل برضه استفرغ
كلمت بنت خالتي بحكيها عاادي عن يومي وبقولها انه استفرغ قالت ضروري توديه المستشفى مو كويس ان الطفل يطيح ويرجع بعددين
سكرت وكلمت قمة البرائة قالتلي روحي فورا اتطمني عليه
انا ساعتها تنحت وبديت ابكي اخر محاولة كلمت دكتورته قالتلي فووووووورا جيبيه نعمله اشعه مقطعية
والله يابنات اني ركبت السيارة مادري كيف وانا مو لابسه عباية بملابسي وابكي
رحت وعملوله اشعة طلعت سليمه بهذيك اللحظات وربي ماتمنها لعدو وانا لاصقة جنب الدكتور وتنزل صور الاشعة وولدي منووووم وانا اقوله ليش الصورة زرقا وليش في لون احمر قالي اتطمني دماغه سليم
بس جاه شعر بسيط بالجمجمة من ناحية جبهته
اتطمني لو رحتي وخلال 24 ساعة مارجع او اتشنج او سخن خلاص مافيه شي
بنات انا مرعوبة يعني ولدي ايش فيه
يقولي الشعر راح يلتم خلال ثلاث لست شهور عادي ماله علاج هو جمجمة الافال لينه راح يلم
طيب ولدي فيه شي
انا حلفته وقالي والله ابنك سليم
طيب بنات انا جالسة ع اعصابي لبكرة ايش اعمل انا لما رجع اكلته سيرلاك الحمد لله مارجعه
ومافيه حرارة
يعني ولدي سليم يابنات
امانة طمنوني من سمعت عن كدا

[*قلب(H)حبيبي*]

ما عليه شر إن شاء الله
دام الدكتور طمنك لا تخافي
و الله يخليلك ولدك و يحميه
طمنينا عنه

[احلى من العسل]

الحمدلله على سلامته
وتطمني مادام انه عادي يمشي ويمارس حياته طبيعي لاتقلقي عليه واذا اكلتيه لاتئكليه كثير شوي عشان مايرجع واذا ترضعي اكتفي بالرضاعه هذي اليومين واقري على راسه المعوذات والفاته وحصني ولدك كل مساء وصباح وان شالله ماقدامه الاالعافيه وهما كذا الاطفال يطيحون كثير

[ماﺀ السماء]

اسم الله عليه يوفي حبيبي ربي يحميه

شوفي حبيبتي الشعر هذا ان شاء الله عادي جمجمة الاطفال وعظامهم بشكل عام تلتئم بسرعه

وبالنسبه هل هو بخير او لا شوفي وراقبي خلال 24 ساعه هل ارتفعت حرارته ؟؟ خلي الترمومتر عندك وكل شوي قيسي وكوني حذره جيبي ورقه وقلم واكتبي حرارته ولاحظيها بدقه
لو حرارته ظلت عاديه خلاص ان شاء الله ما فيه شي وترا كل الاطفال بيطيحو عااااادي على روسهم وبيحصلهم اكثر الله يسلم اطفالنا ويحميهم اهم شي تكوني قويه وتصبري ولا تخافي ادعي ربك بس وهو اللي يحميه ياما يا روز تكون بنتي على وشك تطيح على اشياء حاده او زوايا او شي بالارض وربي يسلم معاها في اخر لحظه وياما حاجات تحصل وربك يستر الاطفال استودعيهم الله قولي استودعتك الله الذي لا تضيع وداااااائعه واهدأي واتوكلي

وان شاء الله الحين يوسف ما فيه الا العااااافيه باذن واحد احد وبالمستقبل لو الله لا قدر طاح مره ثانيه اصبري لمده لا تاكليه فيها ولا تنيميه ولا ترضعيه واذا استفرغ لحاله خلال هالمده خذيه للمستشفى علطووول وكمان شوفي توازنه ولاحظيه هو يقدر يوقف لحاله او لا وبذولا الاختبارين تقدرين تحكمين على مدى قوة الضربه اللي تعرض لها

ربي يشافيه ويحميه ويطمن قلبك وبالك عليه ولا تنسي تيجي تطمنينا عنه امانه ربي يحفظه ويخليه

[●•• ShąhǿǾǿĎ ••●]

ماعليه الا العافيه يارب طمنينا عليه

[*رحمه*]

ربنا يطمنك عليه يا رووز و ما يشوف شر ابدا

[كناريا.24]

الله يحفظه ويشفيإ
انا ولدي يطيح كثير
وطاح بعمر 4 شهور وماوديته طبيب
ويارب لك الحمد إن شاءالله مافيه شي

[كناريا.24]

بنآاإاإات وانا ارد واقرأ بالمنتدى ولدي طاح عالبلاط عمره 7 شهور
وبكى وإذا فركت مكان الطيحه يبكي رأسه من ورآ
والحين سكت ونام
إذا إيش صارله اعرف إنو فيه شي او الطيحه خطيره
اتمنى اعرف لأن ولدي كثير يطيح

[أم دجانة]

للمعلومات العامة

الضربة على الراس سواء من الوقوع أو من أي شيء آخر والتي لا تعقبها آثار أخرى كالاستفراغ أو ارتفاع درجة الحرارة أو الغياب عن الوعي ليس لها تأثيرات على الطفل ولا على دماغه ولو أن طفلك وقع على رأسه ثم ارتفع حرارته أو غاب عن الوعي أو استفرغ فهذا معناه أن من الأفضل مراجعة الطبيب

أختي روز الطبيب يطمئنك على ولدك فلماذا هذه الحيرة؟ وهل عضوات المنتدى أكثر خبرة من الطبيب في هذا المجال؟؟

الله يطمن ألبك يا رب

[ليتني]

ماعليه شر ان شاء الله
وربي يخليه لك ويحميه وان شاء الله مافيه الا العافيه