للمتزوجات... زوجك بيييطير...؟!!

[كشه ناعمه]

صباحكم\مساكم ورد وجوري يآسمين


حبيت احط موضوع >>لاحظو "احط" من أولها!!
موضوع حييلووو ان شاءلله

بسم الله الرحمن الرحيم

أبدا بقتباس من كتاب : "شلالات من ورد" للكاتب الرائع خالد المنيف


ايها الزوجان ابتعدا قليلا...
يؤكد علماء الاتصال على ان الاحتكاك الدائم في العلاقات الزوجية يولد التوتر ويورث الملل والفتور
فالمقابلة المستمرة بلا انقطاع بين الزوجين لربما تورث الزهد بالآخر وعدم تثمين إجابيته,فالمداومة على النعم والاعتياد عليها قد يفقد الإحساس بقيمتها والشعور بأهميتها في الحياة ومعه قد تخبو المشاعر وينطفئ شعاعها فالضجر والسآمة من الشيء المتكرر طبيعة البشر..!
ولهاذا ينصح الخبراء بإجازة زوجية تجدد الحب والرومنسية من وقت لآخر.
وقد قرأت عن إحدى القبائل الباكـسـتانية فوجدت أن من عادتهم الزوجية هو ابتعاد الزوجان لمدة شهرين في كل سنة ويعودون بعدها وفي قلوبهم لوعة الشوق
بل تكاد أفئدتهم تطير حنيناً الى الشريك, ولعل هذا من أسباب تدني نسب الطـلاق عندهم..!.
--------------------
>>موسهلين البكستانيين عندهم حركات ولله
بعكسنا بضضبط مستحييييل الوحده تفارق زوجها كأنه بيطيير منها!!
ياقلبي غير جو شوي زوجك حبيبك مارح يتغير
بل عكس راح تعيشيين تجربه حلوه تجربين فيها كل شيء الحب..الشوق..الغزل....
غيبي عنه شهر 3 اسابيع على الاقل المهم تغيييبين ودلعي نفسك ارتاحي وريحيه دللي نفسك يازين القعده ببيت الاهل ترفه الوحده عن نفسها وترجع بنوته...
كم موضوع شفته لما الوحده تسال تروح عند اهلها تريح شوي وتخلي زوجها عشانها حامل؟؟
مااافيها شيء روحي...
بس البنات الله يهديهم مايخلون لا اقعدي عند زوجك.. هو محتاجك.. ويبغاك.. وخليك يمه.. ولا تتركينه..إلخ
طيب وهي؟؟!
البنت تبي تترتاح بعد من حقها
يعني بقول لكم سالفه والله العظيم هاذي وحده اعرفها شخصياً متزوجه عندها 4 اطفال الله يخيلهم لها موظفة وماشاء الله جميله وحلووه بتصرفاتها ونعومتها
حياتها ببيتها:
ماتقصر على زوجها بشيء ابدااا ماتخلي بنفسه شيء
اذا دخل البيت تستقبله احلى استقبال
واذا جى ينام مايسمع حس العيال مربيتهم احسن تربيه ادب وأخلاق ونظافه فيهم
اكله؟ تشكله كل الاشكال والسفره الوان ماشاءلله مهتمه بكل شيء بيتها دايم نظيف ماقد زعلته بشيء ولا خلته حتى ينام ومو راضي عنها رضاه عندها اهم شيء بدنيا لدرجه مصروف العيال ماتخذ منه اذا عطاها خذت وسكتت واذا ماعطها شرت لهم كسوتهم من فلوسها هي
عايشه حياته احلى حياه ومعيشته فوووووق
وزوجها يشهد عليها بهذا كله لاكن ايش سوى؟؟؟
راح تزوج عليها!
انصدمت قالت ليه؟؟؟؟؟؟؟؟؟؟؟؟ انا وش سويت عمري ما أزعجتك عمري ماسويت شي يضايقك او مايرضيك وماقصرت ببيتي ونفسي وعيالي وو..و..!!
قال ادري ولله ادري يعلم الله انك شايلتني من الارض شيل بس..!
وشو بس قووول...!!
انا بصراحه اشوف ازملاي بالعمل مره يجي مبسوط ومره يجي زعلان ومره يجي ولهان ومشتاق
وانا ماجربت الزعل معك او حتى اشتاق لك او اي تغير كل شيء نفس كل يوم بيت نظيف كل شيء حلو..
نفسي اتهاوش معك على موقف واجرب نفسي وافرض رأي غصب او حتى ازعل وما أكلمك ولا تزعلين وتغلين واأدور رضاك
انتي مستغنيه عني.. كل شيء متوفر, ماقد حتجتي لي بشيء اوحتى قلتي فلان شوف العيال تهاوشوو فككهم جننوني
تحسسيني برجولتي ومكانتي بالبيت صدق لاجيت ما أسمع حسهم ومعلمتهم بس ابي انا افرض الخوف هذا والاحترام مني انا.........
عشان كذا اسمحي لي تزوجت ولي شهر من تزوجت وبسسوط الحمدلله
طبعا هي بكت وبكت..
قال شفتي دموعك هذاي ماقد شفتها ما أدري اذا انتي تبكين ولا ماعندك دموع اصلا ماقد شفتها!!
قال طلبتك ايش بتسوين تزعلين؟؟
خليني ادلعك وارضيك
قالت لالا
طلقني ..
قال الاهاذي لو ايش ماطلقتك قالت طلقها اجل
قال مقدر
وضلت عنده وضل هو على الثانيه بس الثانيه ماخذها من مكان بعيد عن سكنه وكل فتره وفتره ترجع لهلها تغير وترتاح وهو عاد يجلس عند الاولى وكل خمس دقايق يطلع الجوال عشان الرسايل والاتصالات وهي تحترق وتموت كل ماشافته يفتح الجوال وينتظر على جممر رجع كن توه متزوج على قولته ومبسووط حده اما هي تغيرت صارت تغار وتطنش ساعات وتزعل وترضيه وتاخذ العيال وتغير عند اهلها وتشوف راح يفقدها ولا لا؟؟
بس بعد ايش تحركت وتغيرت لما تزوج وحتى مع تغيرها الي حبه هو مارضى يطلق الثانيه باقي عليها يقول رجعته للحياه بتصرفاتها...

عشان كذا ياحلوه شيلي اغراضك واخذي الي تبين بس مو على هواش تشيليها؟؟! وتقولي أم كشه تقول احسن لنا الاثنين لالالا
تروحين برضاه

إن كان عاد ولله في شويت وزن زايد نقصي عند اهلك سوي رياضه مثل بدايت الزوااج خخخخخخ
شوفي جسمك وش يحتاج بس عاد من شغل البيت
شعرك اذا جف ويحتاج عنايه زيتيه يومياً وحمامات سوي الي تبييينه عند اهلك عادي لفلفي شعرك واهتمي فيه عاتي مايمك احد زوجك مارح يشوف شيء ولا يشم شيء يعني لا تخلين خلطه الا وحاطتها براسك >>معليش يتحملون اهلك بنتهم وش يسوون

بشرتك شوفيها اذا شاحبه أدهني جسمك بكريمات كلها ونامي دهنيها ونامي لين تمتصه كله وترجع نعومتها
أييي شيء تشوفينه مو عاجبك اهتمي فيه استغلي جلستك
اطلعي معهم شوفي قريباتك فرفشي حشي في الناس >لاتصدقون!!
وهو راح بعد يغير شوي يشوف اصدقاه ممكن..
قبل مايقدر يروح معهم كشته بحر بر جبال جلسات شبابيه
>>مو يخربونها ويدججون يعني مع اصدقاء كوييسين
مسييكين مايطلع كثير خايف يتأخر عليك وانتي قاعده بالبيت لحالك ويرجع لك مبكر ولا مايطلع اصلا كلى عشانك
وصدقيني
لا جات ساعة العوده
بتحسين بشوق موطبيعي ماتدرين وش تسوين وش تلبسين
عاد انتي وشطارتك تكشخي لبسي قصير فستان حلووو تمكيجي ناااعم قصي شعرك او اصبغيه اوخليه بس زينيه جهزي هديه بسيطه او اطلبي منه بدلع هديه بدون اي مناسبه
تغنجي اول ماتشوفينه كنكم عرسان
حسسيه كأنه رجع متزوج جديد
عاد هو لا جاك يجي محتار بوشباب وش يقول وش يبدي وش يخلي مايدري وش يسوي فيك من الشووووق
خليه يحس بقيمتك خليه يحس بغيبتك في البيت ويفقد حسك ويموت على مايسمعه بالبيت مره ثانيه
مارح تخسرين شيء
تخيلي عندك عصفور تحبينه وتهتمين فيه و24 ساعه ماسكته بيدك تأكلينه وتشربينه وتلعبين بيعيش لك يوم
ويومين
وثلاث
بعدها يمووت مايعيش عكس لما تخلينه يطير بقفصه وينطط ووقت الاكل تمسكيه وتأكليه وتخلينه
بتشوفينه يدوووم معك ولا بعد لو تغيبين عنه تلقينه يستنى الوقت الي تجين تمسكينه وتأكلنيه...
خلييه يحس بغلاتك عنده لاغبتي أملي حياته خليك له الاولى والثانيه والثالثه كل مره شكل
زوجك موطااااااااير

أتمنى الموضوع يفيدكم وتسمعونا أرائكم الحلوه والانتقاديه بعد عشان نستفيد
ولاتنسوني من التقييم أذا اعجبكم طبعا

[!راما!]

رااااااااااااااااااااائع

[كشه ناعمه]

انتي الرئعه ياذوق
تسلميين

[jode]

تسلم يمناك ياقمر

[أم أصيـــل]

موززووووووووووووع رووووعه,,
شاقه الضحكه وأقرأ
بس بصراحه بعض الأزواج مايقدر ولايستاهل عاااااد إنتي حزتها كبري راسك وخليك يمكن يشوفك مطنشته أسبوعين ثلاثه ويحبك ويجيك ملهوف من غير ماتطلعي من بيتك,,,
يسلموا حبي..

[الجوهره المصونه]

رووووووووووعه الله يسعدك يارب

[ياورد]

موضوع والله حلو وصادقه لازم التغييير
صديق ابوي تزوج يقول ابوي له ليه تزوجت قال والله ياام فلان ماعمري شفتها تلبس او تسرح شعرها قدامي اذا دخلت الغرفه لمت شعرها عشان مااشوفها وهي تسرحه وماعمري حسيت اني متزوج كل شي تسويه بالدس
عاد ابغاكم يوم مسرحات شعوركم عشان يقولو >>واااااااااااااو زوجتي تجنن
ويوم خليك ام كشه منكشه >>عشان يخاف منك خخخخخخخخخ
وكل يوم غيري
ويوم البسي قميص قطني كله ريحه بصل عشان يقول يازين زوجتي طباخه
ويوم خليك مرتبه بفستان والا جنز وريحتك عوده
ويوم تهاوشي مع العيال ويوم خليك هاديه ورومنسيه
الله الله يابنات هههههههههههههه

بس انا جارتي تقول انا يوم افك شعري ويوم البس طرحه قلت سلامات ليه تقول تغيير لوك>انا قلت لها امحق لوك هههههههههههه
وصراحه صراحه صراحه عن نفسي ومااكذب ماعمري رحت لاهلي يوم او يومين او ساعه لوحدي لازم حرس الحدود معي >>ههههههههههههههههه
او اجلس ببيتي يمكن عشان خلاص تعودنا اهلي بمدينه وانا بمدينه ونروح سواء اسبوع ونرجع سواء بس ماعمري رحت لوحدي
لاكن حلو التغير وحلو الواحد يرتاح شوي من هم البيت والعيال ويازين الراحه النفسيه

صراحه موضوعك مره عجبني

[لمعة الماسة]

يعطيك العافيه

[may]

صادقه والله البعد شوي بين الزوجين حلو يجدد الحياة وفيه شوق

الله يعطيك العافيه

[فوق مستواااك]

مووووضووووعك روووووووووووعه الله يسعدك يااااااااااااااارب