قروب يد بيد نضع للسمنة حد

[االريمة]

يابنات هذا الجدول الا ماتسجل وزنها يوم الجمعة تستبعد ويمكنها المشاركة في اليومية
الا بتدخل تشارك الله يحيها لكن خلاص الجدول جاهز ما راح اسجل احد لاني تعبت على الجدول

[االريمة]

ياهلا بنيروز ممكن توضحي لنا ايش هي الاكياس يعني فيتامينات او ايش وممكن الصورة اذا قدرتي
القمر موجود ياهلا بقمورة وانا اقول القروب منور
قول لي رايكم بالجدول
طبعا اليوم الغداء اكلت نصف سندوش محشي ملعقة جبنة قليلة الدسم وكوب شاي
طبعا تعبانة من الدورة ماقدرت اطبخ فااكلت من الموجود

[~قموووره~]

طفى نبضي انتي معايا اليوم مافي حلااااا
حلوه في احد يشاركني

[~قموووره~]

هلااا هلاااا ام العيال النور نورك ياعسل
والجدول روووعه ويحمس زياااده
بعد بكره نعبي الخانه الثالثه الله يعين

[قرة 1]

ام العيال الجدول يجننننن ويحمس يعطيك العافيه

قموره ياحليلك تعزمين بعد مين ينحرم من الحلا لا شكرا هذا عقابكم لحالكم

طفى يازينك بس قال قعدت اطبخ واذوق اليوم تقعدين ورى انتي وقموره ولا الساموراي دق علي يقولي يده تحكه وده يحش ادين احد

ام العيال بليز استني عليا زوجي لسى ماجاب ميزان يومه بسنه لا تطلعيني بره بس بزن عليه لما يجيبو ودي اوزن بس ما بقدر هذا الاسبوع

قموره نصيحه لا تسوين البسبوسه انا سويتها واكلت 4 قطع ووزعت الباقي عشان لو خليتو عندي بطفحو بس بجد احس اول خصري خف ما كان فيه مرتفعات من يوم اكلتها صار في مرتفعات ومنخفضات بسوي تمرين نيروز حق الجبه ترى 4 مربعات صار مره الي اكلتهم بس شكلهم مليانين سعرات حراريه وندمانه الحين

اليوم مافطر الغدى نص صح وسط رز مدري كم ملعقه ماعديت وربع دجاجه مقلقله بس كانت مزيته صراحه وانقهرت رغم انها من غير جلد بس مزيته
وامس تعشيت كشري ( ياذى الكشري ماغلق لا بس سويت صينيه وسط بس محتوياته تنتفخ وما اعرف اقيسه زين المهم ايشركم غلق ( اخيرا الحمد الله ما بغينا نفتك والحين اشرب شاي اخضر بزنجبيل وقرفه

[قرة 1]

قموره بسالك يعني الشاي الاخضر انتي قلتي تشربينه بارد طيب يفيد ينقص وهو بارد لاني انا ظنتي انه لازم ينضري حار عشان ينقص ويفيد

ثانيا انا قبل سنه سويت رجيم وخسيت عليه حتى التنانير صارت تطيح ويش هو انه كنت يوميا افطر قطعه وحده توست او قطعة بيتزا او معاجنات او اي شي قطعه وحده مع كوب شاي حليب سكر دايت ونجي للمهم انه يوميا الغدى اندومي الي لونه ابيض مع تونه ابو مويه مو زيت يوميا لمدة شهر ولا عمري غيرت الا اذا استغنيت عنها رحت نمت وخسيت عليها مزبوط لانه فيها بس 375 سعره حرايه قولي مع التونه 400 التونه حبة صغيره مره نصها او ثلاثة ارباعها واذا عطشت شاي بالحليب او مويه لا حلا ولا عصير ولا غيره بس فعلا صرت عظمه وما كنت اسوي رياضه ولا شي ولا مشي حتى والسعرات الي مع الفطور قولي تنحرق بروحه والجيه والحركه يبقى حق الغدى للجسم وما يبقى شي يتخزن واما العشى كنت اتعشى كوب شي حليب وفعلا يسد النفس بس ماحب النسكافيه ايل يبي يمشي عليه ياحيابه

تحياتي فعصه

[~قموووره~]

اممم تصدقي بديت رجيمي السبت كان وزني 65 طيب والحين كم تتوقعي وزني ؟؟؟
صاار 63,1 نزلت كيلوين في خمسه ايام مع اني لاحرمت نفسي اكل ولاشي بس اخفف وبعد الساعه 8 مافي اكل وشاي اخضر 4 اكواب بالليل اشوف انه جااب نتيجه حتى لو كان بااارد

[قرة 1]

ماشاء الله حمستيني قموره مره بس سؤال انتي بعد 8 ماتاكلي شي طيب زوجك ما تتعشي معاه ان شاء الله بشوف وزني وبشوف لي حل بس انتي تمشي او تسوي رياضه او لا يارب ينحفنا من غير شر عاجلا غير اجل

[قرة 1]

قموره من وين شريتي ميزانك مفحطه على ما اشتري

[~قموووره~]

اشتريت الميزان من ساكو وزوجي خليته يسوي معايا رجيم خخخخخ العشا الساعه 8 اوقبل بعدهاا مافي
تمارين كنت كل يوم اصحى 10 اتمرن مع هيفا في قناة الآن
والحين بنتي عشانها تعبانه الظاهر بيطلعلها اسنان اسهر معاها ومااصحى بدري
بحاول الاسبوع الجاي اتمرن معاها من جديد