الوحام ذابحني

[عطر الغرام]

السلام..

بنات الوحام ذابحني ..حتى دم يطلع من معدتي من كثر مارجع ..

رحت المستشفى واعطوني نفيديكسين ورانتيدين.. ومو فايد معي..

عسى لو اشرب ماي علطول ارجعه.. نفسيتي تعبت .. حتى صرت اغيب عن الدوام من كثر شدة اللوعة والقذف..

من عانت مثلي ومتى ارتاحت من هالوحام ..

[ام عبدالرحمان]

الله يعينك حبيبتي شوفي اول ماتقومي من النوم الصباح وقبل ماتقومي من السرير كلي بسكويت مالح بايخفف شوئ من الوحام بداية دخولك بلشهر الرابع ينتهي والله يتمم حملك علئ خير

[يـآآرب عوضنـــي...]

الله يعييينك ...جربي ليمون امكن ينفع معاك يريح شوووي ....

[ام نانا و لولو]

حبيبتي هدا الوحام الله يعينك مافي اي شي بخفف لا العلاج ولا اي شي ماخليت طريقة اعملتها ولا نفعت اصعب شي الشهر التاني الشهر التالت اهون وبينفع معه الدوا وبخفف اما الشهر التاني ولا شي بينفع ماالك غير الصبر انا بكره الحمل من الوحام
الله يهونها عليكي

[عطر الغرام]

الله يثبته لي يارب ..ويعيني على الوحام..

ويقومكم بالسلامة

[حرم سعد]

انتي مثل حالتي الحين
قسسسم بالله تعذبت اقول خلاص ماعاد ابغى شي
عايشه ع المغذيات تعبت حيل والله
ومن كثر الالم اقول لا هذا مو وحام سبب لي نفسيه
لاعلاجات ولا اي شي نفع معاي
خلال اسبوع ونص وزني راح كل من شافني انجن من شكلي
حيل نحفانه وصايره صفرا قسسسم بالله تعب
وكل يوم اكلم ماما وابكي
متى يخلص ع خير وارتاح
والله يسهل علي وعليك وع كل وحده يارب

[همسات ام]

ماتنفع العلاجات يا اختي ربي يعينك ويعينا
انا قلت للطبيب دكتور خلص الدنيا ضاقت في عيني ارجوك سويلي حل وظليت ابكي قعد كتبلي دوا لحرقة المعده!!! لا اله الا الله
ودخلت عالشهر الرابع والماساه مستمره يارب ماتكوني مثلي لان الاغلبيه وحامهم يخف ببداية الرابع وينتهي
اما انا في طفلي الاول والله استمر معي الوحام كم يوم بعد الولاده ههههههه صدق او لاتصدق يا ربي ماتكوني مثلي ابدا يارب ماتوري اي وحده اللي شفته
امي ما مصدقتني الله يعطيها العافيه ماشافت وحام ابد*
على كل حال ربي يخفف عنك ويعينك ويعين كل اللي مثل حالك وشده وتزول يا اختي صبرك بالله وكله بعدين يصير سوالف وذكريات معليش قوي نفسك
ربي يتمملك بخير ويقومك بالسلامه

[جريحة المحبه]

حبيبتي انا جلست خمس شهور من قوته بدا فم المعده يوجعني

واسبوعيا مغذي الله ياجرنا

خس امريكي وذري عليه ملح ناعم واشربي زنجبيل رطب وخلي اللبان دايم بفمك

الله يهون عليك

[الأنيقة]

عانيت مثلك
عيشي عالمغذيات في الثلاث الشهور وبعدين راح تخف الوعه والوحم
وحاولي بعد ماترجعي من المستشفى تحاولي انك تاكلي أشياء خفيفه ومفيده
لان بعد المغذي ودوا المستشفى تروح اللوعة شوي

انا كنت ماأقدر اشرب الماء الا بالمستشفى !!!

[روزالي]

عزيزتي اللة يعينك انا كنت عايشة عالمغذي طول فترة حملي وصار وزني 44 كيلو ... اللة يتمم لكي على خير