الراس تحت في الشهر السابع

[ام عبودي 2]

مساء الخير ياحوامل
حبيت اخذ رأيكم واستفيد من خبرتكم
انا حامل بطفلي الثاني ولمارحت لمراجعة الشهر السابع قالت لي الدكتوره ان راس الجنين نازل لتحت وكان معي الم شديد اسفل البطن بس الحمدالله مانزل للحوض وعطتني حبوب زيت السمك اويغا 3 وحبوب dupbaston للتثبيت
هل من الممكن ان الجنين يتغير وضعه ويرتفع الرأس؟
مع العلم اني في حملي الاول ولدت نهاية الشهر الثامن
واسفه على الاطاله وشاكره للجميع

[سارونة الكويت]

بما انج ولدتي من قبل بدري انتبهي واخلصي تجهيزاتج وارتاحي لاتشتغلين ولاتبذلين مجهود
انا ولدي كان راسه تحت من السابع وماتغير الحمدالله لحد اخر اسبوع بالتاسع ولدت

الله يهون عليج

[فآنو~!]

انـآ من الشهر السابع قالت لي أن راسه تحت
وقالت لي تضلي وآقفه وقت طويل ؟؟؟ قلت لهآ لـآ
بس قالت هذا شي عآدي أهو وضعه راسه تحت مو معنآتة ولـآده لأن مو نآزل الحوض
والحين أسبوع من التآسع وللحين مآولدت فمآله دخل راسه تحت بالولاده المبكره

[ام عبودي 2]

يسلمو اللي ردوا طمنتوني

[jorri sham]

ماشالله البنات ما قصروا
حبيت ادخل وادعيلك
الله يتمملك على خير وشووفي طفلك بخير
والله يقوومك بسلامة انتي وجميع الحوامل يارب

[ام هيثووووم]

انا في حملي الاول من الشهر السابع تحت وعادي وصلت لنهايه الشهر التاسع وولدت الحمد لله

[ام امير وملاكي]

صحيح ما حملت بس الي اسمعه دائما راااااااااااااحه
ان شاء الله تقومين سالمه

[بنوته شي]

انا كنت بالشهر السادس وكان راس البيبي تحت
وعطتني الدكتوره ابر وحبوب تثبيت .. ولزمتني بالراحه التااااااااامه
يعني لا تشيلين ولا تحطين ورحت لها بعد اسبوعين والحمدلله رجع راسه فوووق .. ( رجع لوضعه الطبيعي )

واعرف وحده من قرايبي .. توها داخله الثامن واهيه بكريه وراس البيبي تحت
قالت لها الدكتوره عادي ومافي اي خطر

الله يطمنج اختي