خواتي ماهي اعراض الزلال

[ورودي البيضاء]

سارا

لو قصدك ضغطك عالي دايما حتى من قبل الحمل .. بيختلف الوضع

التسمم مابيجي الا من ضغط الحمل او الضغط اللي مو طبيعي ع جسمك

فيه ناس جسمهم بيعتاد ع ضغط مرتفع يعني بدون حمل بدون شي هو مرتفع

تروحي مستشفى يقولولك مرتفع لكن هو بالنسبة لك نورمل

يعني الضغط المثالي المعتاد بينطبق عالناس اللي ضغطهم دايما مثالي وعادي في النورمل

لكن الناس اللي كتير بيرتفع الضغط عندهم حتى لو ماعندهم اساسا ضغط مثلا عايشين بمشاكل كثير او كذا وضغطهم بيرتفع كثييير فجسمهم بيتعود عالضغط المرتفع ومن هنا بيصير مزمن

فالمرتفع عند الناس بيكون طبيعي لهم فهمتيني

فلو انتي من قبل الحمل طبيعي عندك انه مرتفع دايما نبهي الطبيبة لهالشي وطبعا برضو تستمري بالحذر وكل شيء لكن ضروري تنبهي الطبيبة انه انتي دايما عندك مرتفع هو ضغطك الطبيعي مرتفع اساسا .. دا لو قصدك كدا اما لو تقصدي بالحمل دايما مرتفع الله يعينك مابيدنا شي غير انو ناخد بالاسباب

[ورودي البيضاء]

ع فكرة كثير اطباء بيفوتو هالشي وانا كنت اراجع عشان زوجي كثير وتعبنا مع العلاجات عالفاضي لين رحنا لواحد شاطر شرحلنا الموضوع

وقلي خطأ تاخدو اي علاجات تخفض لأنه خلاص كان لازم من الاول لكن الحين خلاص هو نورمل بتاعو انه يكون مرتفع .. لو خفضناه بيتعب ...

جسمه تكيف ع كذا .. ونفس الشي عندنا ... بس للأسف اطبائنا من بين كل عشرة اثنين يكونوا فعلا متنبهين للتفاصيل الدقيقة هذي

اما العادة خلاص ضغطك عالي خذ ابلع دوا وانتهينا

[ديمه الطيبه]

على حسب معرفتي أختي أرتفاع ظغط الدم زيادة نسبه البروتين في البول

[Jouly]

الله يرفع عننا انا فيني زلال بنسبه 1 لاكن هل ممكن انه يزيد وانا الان بالاسبوع 28 و3 ايام