زوجي وتطعيمآت ولدي :'(

[lody]

مسآء الخير ،،
بدخل لكم في الموضوع على طول لأنه من جددد حآرق قلبي ،
ولدي عمره الحين 7 شهور ونص ، واتطعم بسسس تطعيمة الشهرين بآقي له تطعيمة 4 شهور وتطعيمة 6 شهور ..
وكل ما اقول لزوجي يللا نطعمه يقول الاسبوع الجآي ، طبعاً مدري متى يجي الاسبوع الجآي صارلي الحين ثلاثه شهور ونص استنى الاسبوع الجآي ..

وكل ما اشدّ عليه في الموضوع تكبر السآلفه وتوصل لزعل ثلاث ايآم وبدون نتيجه ،،
طبعاً لودي ما وقفت عند كذا ، كلمت مآمتي تجي تآخذه وتطعمه رفضت وقالت مبغى مشآكل مع زوجك ،،
واتصلت على مآمته وكلمتها ، قالت ما يصير كذا وانا راح اكلمه يا يوديه ولا انا اجي آخذكم ونروح نطعمه < طبعا هنآ صآر فيسي بيتشقق من الونآسه ،، ومسكت زوجي وهزأته وقالها خلاص بطعمه بكره ولا صار شي ..
صرت افتحله صور اطفال مشلولين واقوله شوف حرام ما تخآف على ولدنا ،، يقول اعوذ بالله من فآلك شوفيني انا ما اتطمعت وما فيني الا العآفيه < نقآش عقييييم كَ العآده ..

مع العلم انو زوجي ابددد مو منقص بشي ثآني ، سوق ، تمشيآت ، مطآعم ،، كلللل شي الا التطعيم ..

والله تعبت وتو اتخآصمت معآه على هالموضوع وجيت هنآ اشكي لكم لعل وعسى يكون عندكم حل او فكره ..

وصعب مررررره ارجع اكلم مآمته مره ثآنيه ،، بتقول هذي كل يومين في السوق ولا في مطعم وما تقدر تروح تطعم ولدها ،، بس والله العظيم حآولت بكل الطرق مآ في رآسه ميبّس من التطعيم ،، وبعدين بتجلس تقول هذي ما تعرف تحل امورها بنفسهآ وتتصل تشتكي ..

ملآحظه / زوجي مرررره يخآف على حمودي ويحس انو يعذبه بالتطعيم ، < حآولت بكل الطرق اشيل هالفكره من رآسه ما قدرت قلتله انت تخآف عليه من دقت ابره ما تخآف لو سمح الله صآر فيه شي اكبر لو ما اتطعم ، ولا كأني اتكلم ...

الله يخليكم أفيدوني كيف اتعآمل معآه ..

[روز بااريس]

يقهرر وش خايف ؟

مدري لو مكانك بروح مع اي احد ثاني كلش الا ولدي بس تقولين امك قالت لا

يختي بكيفه يزعل يومين ويرضى اهم شي ولدك وصحته لا تندمين

حااولي فيه قولي وديني او عططني الاذن اني اروح مع امي اذا مو مستحمل تشوفه ياخذ ابرة

يابيقولك خلاص بودية والا روحي مع امك واذا قال لا مرة ثانيه لمحي لامه

الله يعينك ويخلي لك ولدك يارب

[lody]

روز بآريس ،، تسلميلي حبيبتي على انفعآلك < ودي ارسلك زوجي تتفآهمين معآه ..
قلتله مليوون مرررره خلاص انا بروح مع اي احد من اهلي او اهلك يقولي لآ ،،
قلتله اروح معآك ولا تدخل بعد يقول لآ ..

والله انا مررررره مخنوقه ،، خآيفه على ولدي ..

[روز بااريس]

ان شاء الله مايصير له شي يارب تطمني

والله يعينك على زوجك ياارب

[om aseel]

الله يعينك عليه

بس ده ابنك حبيبتى لازم يتطعم لاقدر الله ممكن يتصاب بأى مرض الله اكبر عليه


الله يهديه يارب ....~

[ح ـسسآيف]

حبيبتي الاستغفار ودعاء الهم والحزن والكرب
وأكثري من قول لا حول ولاقوة الا بالله
وان شاء الله بتييسر أمورك ....

[مـثـل الـقـمـر]

حطيه قدام الامر الواقع لو والله تقولين تعبانه بروح المستشفى وتروحين مع احد وتطعمين الولد

او تطلعين لاهلك وتاخذين سواق وتطعيمنه

لاتخلينه حرام لاسمح الله لو صار له شي انتي االي تتعبين معاه انتي الام وانتي اللي معاه على طول الاباء مادروا عن عيالهم الا من رحم ربي

انا كذا مع زوجي اخووفه اقول له البنت تعبانه مافاول عليها بسم الله عليها بس اكبر الموضوع لين يخاف ويوديني
لان لو قلت له مايخلف وعادي صدقيني مايهمه

هذا ضناك اهتمي فيه وعالجيه وطعميه وماعليك من ابوه

وش الفايده مايقصر تمشيات ومطاعم والتطعيمه مهملها ؟؟؟؟ مو شرط عشان هو ماتتطعم وماجاه شي غيره مايجيه

ليه يفكر كذا ؟؟؟

ترى الطب تطور مو زي قبل تجيهم امراض وبلاوي وماحد يدري وش السالفه وتراها كلها غزة ابره


توكلي على الله وحطيه قدام الامر الواقع ولاتخليه على كيفه خليه يوديه باي طريقه وخليك مصره وحازمه معاه

[آم سآرونه]

الله يعييينك هما كذا الرجال فيهم كسل مو طبيعي
بس انتي حاولي لييين يطفش ويوديكي
الحمدلله انا زوجي يخاف ع بنته لو مااخذت التطعيمات
الله يصبرك ويعيييينك يارررب

[أسيرة زوجي]

استفسار قديم
يغلق الموضوع