تكفون ساعدوني بخصوص حوضي مناسب للولادة الطبيعية او لا

[Falsaegh]

مرحبا بنات
انا من البحرين وقاعده احاتي ولادتي
دكتورتي مو قاعده تفيدني وفي سؤال محيرني
اجوف وايد ناس يولدونهم قيصري لان حوضهم ضيق وانا اعرف وحده يوم ولادتها حاولو معاها طبيعي لاخر نفس واخر شي سوو لها قيصري لان راس البيبي ما يطلع من حوضها وحوضا وايد ضيق
لما سألت دكتورتي عن حوضي اذا كان مناسب او لا قالت لي احنا نحاول معاج طبيعي لاخر نفس ولو ماقدرتي وصار حوضج ضيق نسوي لج عملية
وانا بصراحة ما ابي ابهدل روحي و المفروض من البداية يقولون لي حوضي مناسب للولادة او ضيق. مثل ما كان لازم يخبرون صديقتي اذا كان حوضها ضيق ولا يبهدلون البيبي ويبهدلونها. وغير هذا خذو علبها مبلغ الولادة طبيعية وقيصرية يعني كأنها والدة طفلين مو طفل واحد وهاي يسمونها غش
شنو تنصحوني

[عذب الندى]

اهلين
ربي ييسر لك اولااسأليالله الخيرة واستخيري وادعي. بالشهر التاسع يشوفون حجم الجنين ووزنه ويشوفون حجم الحوض
المفروض يحددون قبل موعد الولادة

[ρυяỉтч •]

حبيبتي المتعارف عليه الشهر التاسع هو وقت تحديد اذا الحوض مناسب او لا
وممكن صديقتك كان حوضها مناسب بس الجنين وزنه زايد فماقدرت تولد طبيعي
عموما انتي بالشهر التاسع سوي سونار وتأكدي من وضع جنينك وحجم الحوض ، روحي لغير دكتورتك وتطمني
وربي يفرجها لك

[ام ريتان]

شكل دكتورتك ماعندها سالفة

غيريها احسن .......

[جونة]

روحي.لدكتورة غيرها
ان شالله.مسهله مادام.الله.معاكي.
استخيري.قبل ماتسوي.اي شي

[حيآتوو]

حبيبتي
انت اكيد بكريه ومافي طريقة يتأكدون اذا حوضك يكفي والا لا
الا بتجربة الولادة
ماافي !
فيه طريقه قديمة ومو دقيقه ماادري اذا للحين يسوونها والا كلام كتب
بس لازم اشعه لحوضك
وطبعا الاشعه ضارة للجنين

وممكن صديقتك البيبي كبير عن كلام السونار
معروف السونار انواع ودقات متفاوته
ممكن بعضهم يغلطون بكيلو كامل


توكلي ع الله

[ملكتني بهمسك]

المشاركة الأصلية كتبت بواسطة ρυяỉтч •

حبيبتي المتعارف عليه الشهر التاسع هو وقت تحديد اذا الحوض مناسب او لا
وممكن صديقتك كان حوضها مناسب بس الجنين وزنه زايد فماقدرت تولد طبيعي
عموما انتي بالشهر التاسع سوي سونار وتأكدي من وضع جنينك وحجم الحوض ، روحي لغير دكتورتك وتطمني
وربي يفرجها لك

نفس كلامها بارك الله فيها
والله يهون ويسهل عليك ويرزقك ساعه طيبه

[سمراء مزيونة]

غيري الدكتوره
وان شاء الله يكون مناسب
وتقومين بالسلامة

[Falsaegh]

تسلمون حبيباتي ما قصرتو
بتوكل على الله واللي الله كاتبه بيصير

[اطخم بنت]

الواحد يخاف من هالشيء
وانا احاتي هالشيء ومابعد سئلت دكتوره مدام لسى بدري الله يثبت اجنتنا يارب
ويسهل علينا ولاده طبيعيه ميسره من رب العالمين