افرازات بنيه طمنوني الله يسعدكم

[smoor]

السلام عليكم ..
اخباركم ان شاء الله بأحسن حال ..
ابدخل بالموضوع على طول
انا حامل باول الثالث اليوم نزل علي افرازات بنيه مو كثيره بس سببت لي قللللق مو طبيعي يابنات وطيرااااان على الدكتوره وسوت لي سونار قالت كل شي تمام الجنين وكيسه والنبض والرحم وعنق الرحم مقفول على قولتها بس عندي المشيمه بدت تتكون بس مشكلتها انها نازله فقالت احتمال الافرازات منها
وكتبت لي على دفستون على قولتها احتياط والا مافي اي مشاكل بالجنين
انا ماقتنعت بالحبوب وماراح اكلها بس ابي اعرف تجارب الحوامل هل في منكم تعرضت لهالشئ تطمني بلييييييييييييييييييييييييييز
بناااااااااااااااااات الله يخليكم دعواتكم

[فراشة الشارجه]

وعليكم السلام

شوفي حبيبتي افرازات بنيه تراها مو زينه بس دام دكتوره طمنتج خلاص إن شا ء الله خير

وحبوب التثبيت تراها الحمدالله زينه وكلنا ناخذ منها
توكلي على الله وخذي بعد انتي

[smoor]

بنت الشارجه الله لايرد لك دعوه ويسعدك
مشكوره حياتي عالمرور

[يارب ترزقني بطفل أضمه]

ياقلبي الله يثبت حملك ويتممه اهم شي انسدحي وعليك بالراحة التااااااااامة وارفعي رجولك شوي عن مستوى جسمك والله يطمن بالك يارب

[ديلارا]

انا عندي افرازات بيضاء لما كلمت الدكتوره قالت عادي (بس اذا نزل بني حاولي يكون مافي جماع هذي الفتره علشان ماينزل دم)هذا الي قالته الدكتوره لي والله اعلم

[همسآت الوله]

اي آختي آرتآحي مثل مآقآلوآ لك البنآت لآن انآ اول حملي صآر لي كذآ قآلوآ يمكن من الحرركه وآحتمآل يكوون طبيعي لآن الرحم بدى يتووسسعَ والله يثبت حملك ويرزقكَ باللي تتمنين .

[smoor]

الله يطمنكم مثل ماطمنتوني ومشكورين حبيباتي عالمرور

[rose]

حبيبتي سمور
كيف تقولي ماراح اخذ الحبوب انت عارفة الحبوب انها راح توقف الدم عنك
كيف ماقتنعت بكلامها الله يهديك
ارتاحي وخذي الحبوب وانا مجربتها وبججججججججججد احسها مفيدة بوقف النزيف او الافرازات

اتمنى ماتاخدوا كلام الدكاترة ع محمل التطنيش حرام ماراح تكتبلك شي وهي مو واثقة

[مــــــلاك]

لالا دام الدكتوره طمنتك ..ان شاء الله مافيك الا العافيه
بس لازم لازم تاخدين الحبوب واساسا الحبوب كوويس مثبت للحمل هذا وكلنا نااخده
..الله يطمن بالك يااااااااااارب

[ام ميار الشهري]

السلا عليكم.. حبيبتي الله يسهل ولادتك ويطمنكي على اللي ببطنك
انا قريت انها مو زينه بس نصيحه روحي كذا مستشفى وقوليلهم الاعراض ولا تقولي انك كشفتي قبل كذا وشوفي ايش يقولو ولا تسمعي كلام الحريم اللي ما منه فايده ولا تاخذي اي ادويه من غير ما تستشيري الدكتور عشان لاتضري نفسك ولا تضري الجنين لا قدر الله ....


(هذا يا ام ميار مو كلام الحريم نحن اللي مامنه فايده هذا الدكتورة كتبته
اقري الرسالة تبع السائلة بتمعن
ولا في انسان مسلم بهالشهر الفضيل اعتقد راح يضر اخوه المسلم
ولو حبيت روحي عند اكبر دكتور واعطيه اسم الحبوب وقوليله لايش تستخدم )