حبيباتى سيدات ليبيا تفضلو لأعرف ما حالكم

dr.loly · 09-09-2013, 01:01 PM

اقتباس:

المشاركة الأصلية كتبت بواسطة شموسه 88

من قبل في جيبتي في شموسه اول ماجبت طلعت في حوش هل داري لعند لسبوع بعد السبوع ابصرحه تحشمت اوروحت قعدت اول يوم ثاني يوم جتني حالت اكتائب اوماتبدا شموسه تبكي نقعد نبكي امعاها اولمما انخش الحمام حشاكم تقعد تهايالي صوت اعياطها في اوذاني ولي قهرتي بعد ماروحت لحوشي جوني هلي فرحت نحاسبهم يبو ايجو ايونسوني طلعوا يبوا ايسلموا عليا يبوا يمشوا لااسنطبول خخخخخخخخخخخخ عليك قهره

هههههههههه عليك قهرة بجد...

بس ماتقيدتيش عند هل دارك؟؟

هنا تقاليد زمان هكي صح يقولون..

بس انا بم ان زوجي م اجدابيا وهلي ف بنغازي طبعآ مصحتي فيها

ف فراس جيت قبل موعدي بأسبوع ,, وكانوا هلي حايسين ف اخر موالح متاعات اسبوع فروسي ..

وجتني اللية العالمية بعد يومين اربع وانا نتقطع لعند مانزل بسلامته..

طلعت عند هلي قعدت به 3 ايام وبعدها عدن معايا ماما واختي وخالتي لشقتي ف اجدابيا

والباقي جو في الزفه ههههههه

يوم الاسبوع جابو االحولي والمصروف ودبش العريس

ليلة الاسبوع قصدي وجو فراس نفس العرس بدن الصبايا يقرضن ف خضرة العصبان ف الليل

و زوجي جاب الكروت .. وقلت لصبيتي الكبيره تقوله ع معازيهم

وبجد كروت روعه كانن ...

والاسبوع يوم عالمي كان ما جا حد عاون من عربي جا الكيد ع خواتي 2 وماما

في حشي المصارين وسلطات وحوسة الحواله وتنظيم اللحم اللي بيتوزع واو عليك يوم

مع اني نصبيلهم ف مناسبتهم اللي حضرتهن

بس ماما تضحك هي والبنات يقولني والله خفيف ومافي تعب حاجة فروسي ماتعبش

وجا لمة اسبوع تهبل ولتوا عمــتي تحكي عليها وعربي ...

درنا رز بالخلطة .. وامبطن بطاطا .. وشيش طاووق .. ونجمة البحر واصابع دجاج
كل واحد بطبقه مع سلاطاته

وطبعا قبلها مشروب طبيعي و شوكلاته.. وقهوة و5 انواع حلويات

واخرها فروت سالاد ..

وخلوط ف صندوق هديه معاها حلقوم كبير وكرت شكرا للحضور .. ودبدوب سماوي صغير هديه

وزي الكيس عليه تحفه دب وم داخل لبان واسواك وفاسوخ وبخور

ومسكر برا زي مساكه الدبش

طبعا ماما اشرفت عليه هذا ... قالت نبيه واجد مش طشه خخخخخ

والحاجة الاخري اشرفت عليها نا زي المسكة هكي فيهااا

3 طروف ملبس ف وسط الورد واللمعه وزينة لهن مكان خاص

ومعاها لاصق فيها كيس فضي شفاف بلمعه

حطينا فيها شوكلاته وحلوة تركيه فاخرة

وكانت هالمسكة بالابيض الناصح مابيتش ناخدها سماوي نفس الاخرات

وهذه لمة فراس اللي ف اجدابيا........

dr.loly · 09-09-2013, 01:05 PM

لمته في بنغازي درناها ف الصاله ... جوها روعه كان درت داتا شووو او بروجيكتور

وحطينا صوره وصوري بحمل وشهر العسل و زواج

ودرتله صورة كبيره له للتوقيعات والذكري ودرتها حتي في فرحي

وديكور دباديب ...

وعديت لكوافيره لبست بدلة بيضا قصيره وحنـــــــــــــيت

ودارتلي تسريحه روعه احلي من تسريحة فرحي.. ضفاير من الخلف وجوها غريب وجديد

ومع الحنه والابيض دارت جو

لبست ابيض لان فرحي فيلويا سكري بالذهبــــي كان جددت

وبعدها لبست ثوب خليجي عنااابي ...

dr.loly · 09-09-2013, 01:12 PM

اقتباس:

المشاركة الأصلية كتبت بواسطة هدية الخالق

أتري اهلين وسهلين ومرحبتين اخييييرا نورتي ألف مبروك علي سلفك ربي يتمم علي خير
واااه علي ريحة حوش العرسان فكرتيييني أني حوشي سيبته وجيت وهوا قاعد بريحته
يالله إن شاء الله نروحله عن قريب
فروسة ماشاء الله ربي يبارك فيك علي السفرة الراااائعة محظوظه جارتك بيك أني زمان
معاي حماتي قعدت عندي تلاته أيام وبعدها روحت علي خاطر قرايه راجلها وهيا بعيدة علينا
مسافة ساعه قعدت تجيني مرة في الاسبوع وخلاص لكن ارتحت بروحي خير هدوء ونرقد براحتي لان هيا عندها بنتين سلامتهم دوشة وعياط وكل ما نغفل شوي عليهم نلقاهم خاشين لبنتي ف قلت أحسن روحوا الحق ناخد راحتي أكتر وبدي يقعد معاي راجلي يقراء في الحوش ويونس فيا
وجاراتي اتنين مصريات ووحدة أردنية كل يوم وحدة تبعتلي أنواع وأشكال نين نتحشم ونحلف فيهم معدش يجيبوا يقولولي لا احني في غربة زيك وحاسين بيك بارك الله فيهن
الحمد لله ما تعبتش الحق
وحلوة الهدية اللي خديتوها تو يستفيد منها أكييد أني اللي قلتلك جاني هدية لسوما مش زي هذا قريب منا شوية تو نحاول انزل صورته

اي والله به الليقعدت 3 ايام معناها عندي بنات سلفتي دارن طب في اجياب فراس هههه

كسرن حتي تحف ومره لقيت وحده بتحط صبعها فينه مش عارف كيف خشت دار النووووم

ف لذلك احسن حاجة 3 ايام بس وحتي انتي و زوجك بروحكم فيها جووو

هي النافس يقولوا يفضل مايخلوهش بروحهاااا...

حتي في جيبة الاء ماما جتني وقعدت معايا .. بعد لمتها قعدت اسبوع

وبعدها تحشمت خلآص قالت راجلك يرقد ف مربوعه وهكي

قتلها عادي قالت لا ونا عارفتها حتي ع حوشنا شايلة حيرة العيال والبنات وكانت فتره امتحانات
ف لذلك ماقعدتش مع مسكان زوجي ونا

وبعد روحت خطرلهم اللي ما جوش ف لمة يجووو

وانسخن ف الموالح والمثرودة يوميااا ... من يومها حلفت ع اللمات خخخخخخخخ

تعالي هنا يا هديه سبب ثالت انك تجيبي براااااااااا ... تفتكي من دوسة انتي ونافس هههههه

....... توا تقوليلي كنك معايا تبيني نحمل خخخخخخخ

dr.loly · 09-09-2013, 01:13 PM

خسارة حاجات الولي ف لمة وتجهيزاتها مصورتهن كلهن بس نقالي ال 95 اللي قعد ف ليبيا ف اخر اللحظات

dr.loly · 09-09-2013, 01:17 PM

اقتباس:

المشاركة الأصلية كتبت بواسطة أم أجنادين 80

صباح الخير

الف الف مبروك المزيوده علي اختك [color="rgb(255, 0, 255)"]جيجي[/color]

وربي يدوم الأفراح

من رايي مش شرط كل فرح لبسة جديدة حبيت نقولك بس

[color="rgb(255, 0, 255)"]ام فراس[/color] صـــاحبة واجب ربي يكثر من أمثالك ياريتك جارتي

ومثل ماقالتلك [color="rgb(255, 0, 255)"]شموسة[/color] خليك مع جارتك والله راح تفرح باهتمامك

وماشاء الله ذوقك حلو وكل الملابس قنينة ونويزكة زيك

[color="rgb(255, 0, 255)"]شموسة[/color] الف لاباس علي عبسي

[color="rgb(255, 0, 255)"]شموسة[/color] حسيت بيها صعبة قعدتي عند اهل زوجك فيها نوع من الحشمة

لو زي حالتي عندي سلاف صغار في الحوش

ان شاء الله ح نقعد معاها مش جنبها ديما نقصد مصبيتلهاااا

وياريتك جارتي وكل البنات هنا جاراتي وحده طماعه ههههه

بالنسبة للصورة ...ياجنودة متاع الصورة الشخصية لازم تقعد ثابت ماتحركس

لكن التوقيع عااااادي ...

جنودة عندك خلفيه ع الفوتوشوب؟؟

امس نزلته عشان اوسمة مسابقتي بس الحق كيف باديه نتعلم ...

وحسيت روحي ماعنديش وقت مع جزء عم والعيال وتوا جياب جارتي خشت بعضها

درت وحدات كويسات بس قبل نبيهن يتحركن

كان تقدري اديريهن ليا او تساعديني ياريت والله

dr.loly · 09-09-2013, 01:17 PM

سوسو وين ...
اثري .. لاهية ف العرس

dr.loly · 09-09-2013, 01:20 PM

جيجي مبارك ع اختك وتربي ف عزها ان شاء الله وحمدلله ع سلامتها

وعقبال سلآمتك انتي والبيبي الجديد ان شاء الله ومش خساره فيك دبش اكيد احبيبه...

هدا صورته ايامات مسابقه ف رمضان

بس لي خديته بعدها احلي بجد لها ولفراس بس مليت م تصوير بجد

حتي بنزل موضوع ع كتب تعليميه والعاب اطفال بعمر سنه الس سنتين متنبله

من حاجات لي خديناهن لفروسي هناااا

dr.loly · 09-09-2013, 01:23 PM

اوشي مرة قلتي ماشفتش صور لي حطيتهن قاعدات ف مشاركتي بمسابقه العشا متاع احساس

شوفي توا طلعن...؟

dr.loly · 09-09-2013, 01:26 PM

وهدا عقابها

واخيرآ نحلي ..بالحلآ
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2721KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2721KB.

تشيز كيك كراميل
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1200x1600 الابعاد 112KB.

كبك كيك قلوب الشانتيه والفواكه..

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1729x1296 الابعاد 804KB.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2010x1664 الابعاد 412KB.
فطائر فرنسيه لذيذه جدآ وسخنتها بالميكرويف..عشان نكهتها هي وساخنه اشوي اطيب(بعشق هالفطائر)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2582KB.

كاسترد (عملته مخصوص للاحباء الصغار)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2486KB.

ثم قدمت الشائ ..بالنعناع مع المكسرات اللبنانيه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2560x1920 الابعاد 1117KB.

وبخرت البيت من رائحة الاكل ..
وتجادبنا الحديث عن البخور وعرفت ع بخور بلدي ومن انواعه البخور المعسل احبه جدآ ... وعجبك ايضآ... هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2560x1920 الابعاد 1447KB.

ضحكنا و لعبوا الاطفال كثيرآ .. حتي حان وقت ذهابك عزيزتي... والاوقات الجميله تمضي بسرعه ..

ومن عادات بلدي ان الضيف يجب ان نكرمه بهدية عند مجيئه لآول مرة لدينا..

قدمت لكي علبة عطرمن dolce & gabana
عطري المفضل

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 895x683 الابعاد 224KB.
وقدمت بعض الهدايا البسيطة جدآ للاحباء الصغار حتي يتذكروني بهآ
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 3299KB.

مع السلآمة...

dr.loly · 09-09-2013, 01:26 PM

وهدا عقابها

واخيرآ نحلي ..بالحلآ
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2721KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2721KB.

تشيز كيك كراميل
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1200x1600 الابعاد 112KB.

كبك كيك قلوب الشانتيه والفواكه..

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1729x1296 الابعاد 804KB.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2010x1664 الابعاد 412KB.
فطائر فرنسيه لذيذه جدآ وسخنتها بالميكرويف..عشان نكهتها هي وساخنه اشوي اطيب(بعشق هالفطائر)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2582KB.

كاسترد (عملته مخصوص للاحباء الصغار)
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 2486KB.

ثم قدمت الشائ ..بالنعناع مع المكسرات اللبنانيه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2560x1920 الابعاد 1117KB.

وبخرت البيت من رائحة الاكل ..
وتجادبنا الحديث عن البخور وعرفت ع بخور بلدي ومن انواعه البخور المعسل احبه جدآ ... وعجبك ايضآ... هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2560x1920 الابعاد 1447KB.

ضحكنا و لعبوا الاطفال كثيرآ .. حتي حان وقت ذهابك عزيزتي... والاوقات الجميله تمضي بسرعه ..

ومن عادات بلدي ان الضيف يجب ان نكرمه بهدية عند مجيئه لآول مرة لدينا..

قدمت لكي علبة عطرمن dolce & gabana
عطري المفضل

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 895x683 الابعاد 224KB.
وقدمت بعض الهدايا البسيطة جدآ للاحباء الصغار حتي يتذكروني بهآ
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 3264x2448 الابعاد 3299KB.

مع السلآمة...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM