حبيباتى سيدات ليبيا تفضلو لأعرف ما حالكم

[اوشي]

السلام عليكم ورحمة الله وبركاته

كيف حالكن اليوم ياطيبات

[هدية الخالق]

وعليكم السلام اهلين أوشي كيف حالك وحال زوجك والصغار

[اوشي]

المشاركة الأصلية كتبت بواسطة *ام فراس*

ماشاء الله صار كنتي في الجبل لحد وين عديتوا ... وبتوا غادي ووين قعدتوا والا رحلة يوم واحد..
تسئله بالتفصيل ع الجبل عشان الارياف هههههههه
ومطعم الكهـــــــف اول مرة نسمع به ؟؟
خاطي استراحة الحيط مافي مطعم كبير امشرق
اكيد فاتح جديد لان المنطقة الشرقيه امشطينها تمشيط
سوا ايام هلي كنت بنت والا بعد الزواج
وديما قاهرينا بعد نعدي نا وزوجي مثلآ اسبوووع نملوا من اكل الفندق وسوسه وشحااات مافيهنش مطاعم كبااار من الكساد نعدوا البيضااا وينزل زوجي يجيب وخلاص تنويع بيتزا مثلآ
كلا مطعم سمك وجو هك ماقابلنا الا واحد اكتشفلناه صغيرووون ف سوسه قريب م فندق ..

واللي قاهرتني مش مستغلين المناظر الطبيعيه والاثار بالسياحيه طبعا ايامات المقبور مايبيش يحكي عليهن يبي روحه المشهور بس

تعرفي يافروسة كان فيه فندق بانيه الملك ادريس فيمكان خيالي ...

المقبور هذه وواساه بالارض ومعقب فيه بس نظام زي الشاليهات

الله الله لوكان الملك كمل راهي ليبيا جنة

المشاركة الأصلية كتبت بواسطة *ام فراس*

اهلا اوشي والله لا يوريك باس تسلمي وعليش بنكرهك بالعكس التنبيه كويس.. ولولي ماخشتش ع رجاله .. حتي نحن قلناهاا كان هذا قلنا عين
والرقيه منزلة في نقالي و ع لاب توب ونستمعلها .. ونشغل فيها
ولي حطيتها مابتش تفتح يقولي نوت فاليد
وبالنسبه للفاسوخ خوفتيني واللي صار صار هههههه

بس قصدك ع جو الجان وهك..؟ بس نا سامعه انا لي عنده جان مايحبش بنة الفاسوخ ..؟ ويقعد يرجع حشاااك..؟
وشفت حاجه هك ع طبيعه مره ...
بس كان مش كويس ليش جداتنا وامهاتنا يطلقن فيه للجياب وللمولود الصغير ..
مش يعتبر من الطيب .. ؟؟
عادي حتي المسك لي يجي مكعبات نحب بنته نا و زوجي وديما تمسح منها ع دبش العيال داخلي ...
يقولوا كويس .. حتي هو .. وحاطه ف كل جهة مكعب ...يقولوا الشيطان اعوذ بالله منه لايطيق رائحته
بالنسبه للبيت .. حاليا يذكر فيه الله دائمآ وسكنته مسلمين هذا الاهم
ونطمنك ان صاحب الحوش ... المالك يعني (مسلم)

الفاسوخ ... بالعكس اللي فيهم حاجة هم اللي يتريحو له

وانا كنت كيفك مش مقتنعة بكل بالكلام اللي يقولو فيه عالفاسوخ لين ولله الحمد ربي ابتلاني

وصبرت واحتسبت لله بالحسد والسحر والشيخ اللي نعالج عنده سعودي ماشاء الله عليه

لم يقل لي بالحرف الواحد ابتعدي عن الفاسوخ ولكنه حببني في انواع بخور العود وبخورنا نحنا

اللي انديرو فيه وقال هذين هن البحور اللي يطردن الشياطين ويجلبن الملائكة للبيت

مع القران وخاصة قناة المجد للقران امولعتها حتى ونحنا مرقدين كنوع لتحصين البيت

والمسك اكيــــــــــــــــــــــــــــد المحارب الاول للشياطين

ولو نقولك حاجة انا زمان كنت انخاف من بوكبير يقولو مش كويس لين مرضت فعلا يقولو تبخيره مش

كويس بس شمه واخذه بمقدار معين تحت اشراف متخصص له فوائد كثيرة ومنها طرد الجان

وهو كويس بكل للمولودين جدد يشممو فيهم بوكبير لطرد الغازات وسبحان الله

بمجرد ما يشموه تطلع الريح علي طول ...

المهم الفاسوخ يعتبر تقليد عندنا ومستحل اتجي لتقليد ومعتقد زي هذا في لحظة وتقولي بنغير

تفكيره عليه ...

المهم انه لولي بخير وردت رضعت وعينك منها ومن فروسي ديما سمي اسم الله عليهم

واستودعيهم الله لما تبو ترقدو عشانى يحفظهم لك

والحمد لله ان البيت بيت مسلمين جاتك علي قد نيتك

ثرثرت واجد خخخخخخخخ

المشاركة الأصلية كتبت بواسطة شموسه 88

بكرا عندي فرح صاحبتي واخذينها عرب من شحات "اوشي توصي بيها"ياربي ايهنيها امس طلعت خذيتلها لانجري حلو بكل لونه اسود بلذهبي اليوم ماشيتلها عندها حنه اصغيره اوبكرا الحفله في قاعه في ليلة العمر
توا درت حمام اوبرمت عل روحي ابمكينه ابرون واشويه اخر نبي نبدا بشعري انفكر نلبس فستان تايجرشيفون كم

مبروك علي صاحبتك ربي يتمم لها علي خيروهنا من واخذينها بالك توة تطلع جارتي والا حاجة

وصاحبتك لو نعرفها نحطها في عيوني عشان خاطرك يالسمح

المشاركة الأصلية كتبت بواسطة هدية الخالق

السلام عليكم ورحمة الله وبركاته
كيف حالكم يا بنات
اااه يابنات مريييضه ومش قادرة نوقف لا نقعمز
راسي وحرارة وجسمي كله متكسر وشعور مش قادرة نوصفه
أمس الصبح كان مافيا شي مشينا لوحدة ليبية دايرة عملية عالمرارة قعدنا تغدينا عندها وروحنا العشية
أمس الجو يا لطيف سييييل مطر خيط من سمي وصقع واني ما لبستش كبوطي مانحسابش الجو هكي
والله قريب تجمدت وشكلي كليتها بردة قوية
وقاعدة بلا ماكلة وشراب من أمس الغدي مع إني حتي أمس الغدي ماكليتش زين والبركة في سوما
المهم والله نضت الصبح بالسيف مندير فطور لراجلي لأنه حتي عشي ما تعشي مسكين علشان ما تعشيتش حتي أني ماباش يتعشى حتي هو وتوا قبل مايعدي شد فيا هلبة عالفطور قالي عالأقل علشان سما قتله تو نفطر غير امشي والله أني ما خاطري نحط حاجة في فمي يااارب وبس
تو منحاول انوض ناكل شويه ونتنشط علي شان سوما تبي من يرد باله منها راحت حركية سلامتها وتمرد كل مرة انوض نجيب فيها مرة من المطبخ مرة ماشية تحت الطاولة الله يعيني وبس

لاباس عليك هدية ... طهور ان شاء الله

[اوشي]

مرحبتين هدية كيف حالك توة ان شاء كويسة لاباس عليك حبيبة

[اوشي]

شكلك طلعتي هدية ... انا مشي نكتب في ردود وانت طلعتي

نمشي انديرطله عالمنتدى سريعا وتصبحن علي خير في حفظ ال رحمن

[جوهرة ليبيا]

منو موجوده ؟؟

[هدية الخالق]

المشاركة الأصلية كتبت بواسطة اوشي

مرحبتين هدية كيف حالك توة ان شاء كويسة لاباس عليك حبيبة

الله لا يوريك باس حبيبة الحمد لله أحسن شوي بعد كليت تنشطت شوية
لكن قاعد جسمي متكسر وحاسة بدوخة أخف من قبل

[هدية الخالق]

المشاركة الأصلية كتبت بواسطة جوهرة ليبيا

منو موجوده ؟؟

أنا موجودة
كيف حالك جيجي وكيف حال بنيتك وراجلك

[جوهرة ليبيا]

بنمشي ان شاء الله من الصبح بكري لحوش بوي مع اني تاعبه بس حوش بوي يبدا جوي غيييير

طيبت مرقه فاصوليا وتبلت افخاد دجاج

باش قبل مانمشي الصبح انكملهم يبو نص ساعه بس لحد منجهز روحي باش ايروح راجلي ويلقي غداه جاهز مع انه والله مايبيني

انطيب بس مانقدرش انحس نفسي كاني مقصره ونقعد انخمم فيه هكي ديما اندير من اول متزوجت

[جوهرة ليبيا]

تمام الحمد لله هديه بس هاليومين تاعبه برده وانحس نفسي بنجيب مش عرفه خيرني وسوست هالايام

بطني نازله هلبه والم في الظهر زي الم بدايه وجع الولاده وخايفه لو قعدت لغدوه نمشي انعاين اتخوفني الدكتوره او تطلبني نرقد

ربي يسهل يااااارب