حبيباتى سيدات ليبيا تفضلو لأعرف ما حالكم

[ليبياقلبي]

ما شاء الله ياجيجي ربي يعطيك صحيحتك ويخل سك بنوتة وزوجك وقصصي عز عم بمنبر ورزيطة طبقات وقولي انت نظام جيابك شنو لمات

[ليبياقلبي]

سوسو سلملي عليها يقونة وشن أخبارها أم فراس أنري واوشي وجنودة شن اخباركم

[أم أجنادين 80]

السلام عليكم ورحمة الله وبركاته

كيف الحال يابنات ليكم وحشة كبيرة

جو حلو في الصور ام فراس وفي انتظار صور الفرح

[أم أجنادين 80]

السلام عليكم ورحمة اللله وبركاته

الحمد لله علي سلامة الولي أم فراس

وفعلا الصور حلوة ومنظر الخريف والاورراق المتساقطة يهبل

في انتظار باقي صور الفرح

صحتين الحوت سوسو ... شن صار نزالت البضاعة عندك ياريت تصوريها

اوشي جوكم حلو في العيد بس ليش الغداء ارز يعني الشواء والقلاية والعصبان يكفي

حتي احني الفطور يكون قلاية والشواء والعيد الماضي درت سلطة مشوية مع سلطة مايونيز

طبعا حوش عمي مايديروش فيها قبل فعجبتهم الفكرة

يــــــــــــاريت هكي نديروا زيكم ياشموسة صراحه كل شي في يوم واحد متعب

وفي النفس الوقت لو بنقسموا علي يومين اول يوم وثاني يوم راح يضيعوا عليا يومين

ومش راح نمشي لاهلي الا ثالث يوم

اهل زوج حماتي يدييروا في العصبان يوم الموسم وعجبتني الفكرة من ناحية الراحه في يوم العيد

كل وحده تغسل البطن متاعها وتحولها ويفضوا بس بالشوي وهكي احسن حتي العيد الواحد يحسه مش جري في جري

كيف الحال ام نوزة عظم الله أجركم

[أم أجنادين 80]

أم ورد شن اخبار حملك

أم معاذ كيف حالك وحال السنافر

سوسو شكرا علي الدعوات يارب مايحرمني منكم

رغــــــــــودة وين الغيبات أحكيلنا شن جديدك بالتفصيل الممل

ألف الف الحمد لله علي سلامة رغودة

ومبروك الحمل

وان شاء الله تحصلوا تأشيرة بريطانيا وشني سبب السفر أكيد دراسة

طبعا ياسوسو اغلبية الأطفال هكي متعودين يكونوا جنب امهاتهم فصعب يتاقلموا علي الروضة

نتفكر في خالتي ولدها دار فيها حالة لدرجة تمشي تقعد معاه في الكرسي

وتوه الحمد لله تعود

[أم أجنادين 80]

هدية شن اخبارك أخبار أهلك

اكيد مشتاقة ليهم

علي شني تكلمي فيهم ساعتين

[أم أجنادين 80]

مُبارك عليك ماشريتي جيجي

بس كيف شكلهم ارواب النفاس

شني التمارين اللي اديري فيهم هدية

اثري شن اخبارك ياغالية

حلو برنامج شعرك

مع البرنامج هدا شعرك كويس مفيشي اي تساقط او تكسر

اووووووووووووه اوشي اكيد كله طلع يهبل

خاطري نشوف كيف طلعت المربوعة

ماحلاه لما تكون الحاجة جديدة ونظيفة ولااحلي التغيير

يغير اجواء البيت وخصوصا التغيير جاك قبل العيد


اثري ماشاء الله يوم عيدكم حلووووو

مبروك الاشراف العام ام فروسي ربي يعينك مسؤولية

بس عندي نصيحة ليك

الاشراف ياخد وقت هلبة منك وراح تلقي نفسك مش مستفيدة من وقتك

يعني بتشوفي المواضيع المخالفة وبتردي علي بعض المواضيع الثانية وبتنزلي مواضيع


وراح اتحسي انه ديمة بالك مشغول بتنزيل مواضيع جديدة ومميزة

وهدا ياخد من وقتك

[أم أجنادين 80]

اسفة لو نسيت اي اسم

او لم اعلق علي أحد الردود

نرجع مرة ثانية ونحكيلكم

[هدية الخالق]

السلام عليكم ورحمة الله وبركاته
أهلين جنودة آنستي وييين هالغيبة ليك وحشة
كيف حالك وحال زوجك ان شاء الله أموركم تمام
اني وسوما كويسين الله يسلمك غير عندي شوية زكمة مبهدلتني
واني الزكمة امتاعي أعوذ بالله تقعد قريب 10أيان تطول ويكون خشمي ساخن ومنمل ما نحكيلكش عالشعور وعيوني يدمعوا ومنفوخات والله امبكري نين قعدت نبكي قالقة منها وسااااااخنة
ان شاء الله ماتستمرش للعيد يستر الله
ومش أهلي اللي نكلم فيهم ساعتين لا لا قلتلكم كلمت أهلي وبعدها حماتي اللي اهني في كندا غير في مدينة ثانية وقعدت معاها ساعتين لأن المكالمات مجانية داخل كندا والزسائل مجانية لكل أنحااااء العالم لكن اشتراك شهري ندفعوا 40دولار شهريا وابعتي رسايل لاي بلد مجانا لكن الاتصال داخل كندا بس مجانا
وأهلي نكلم فيهم مرة أو مرتين في الأسبوع كرت يسد فيا نصف ساعه
وبالنسبة للرياضة كنت ندير للبطن بس لانه جسمي كويس لكن بطني شوييية قاعدة بعد الولادة لكن سمعت انه تماربن البطن بروحهم مايديروش مفعول صروري تمارين للجسم كامل بديت ندير في تمارين للجسم كله نفتح في مقاطع في اليوتيوب وندير معاهم وبس

[هدية الخالق]

اليوم ماخشيتش لانه عطلة كالعادة مانحبش نخلي راجلي ونقعمز بالساعات عالنت الصبح درت الفطور فطيرة وجبنة ومربى وزبدة وزبدة الفول السوداني ودرت لروحي شاهي قدااااش ليا عليه درتله نعناع وقرفة وزعتر علشان الزكمة وراجلي حليب طبعا لانه مايحبش لاشاهي لاقهوة وبعد كملنا الفطور درت دورة عالمطبخ والحوش عالسريع وطلعنا مع الظهر صلينا وطلعنا مشينا للسوق جبنا بضاعة المطبخ الاسبوعية وخدينا لسوما حوايج حوش قطنيات لانها كانت تلبس صيفي وتوا خش صقع الخريف وحوايج الشتي امتاعها صغروا عليها واني طبعا مانحبش حوايج الشتي في الحوش لانه دافي ديما مصيفة صيف شتي لكن دورت منآخد فانيليا للطلعة تحت الكبوط لاني قبل مانحبش نلبس تحت الكبوط الا نص كم ومرات سيور بكل لكن بعد مرضة هالزكمة تبت المهم خشين محلين فقط ولقيت وحدة عجبتني تهبل نصها جلد ونصها صوف وقماشها غريب لكن لقيت مرسوم عليها علامة الصليب من وراء والباقي لقين نظام الفانيليات المشبكات اللي تلبسي تحتهم بدي والا فانيليا مقصصة وجو أجانب مايمشبش معانا والحق راااسي من الزكمة منطيح نحس في روحي قتله خلاااص مانبيش نآخد مرة ثانية بالك ينزلوا بضاعة ثانية شتوية توا يعتبر ماخشش الشتي مزبوط قلتله خلاص دايخة نبي نقعمز مشبنا قعمزنا في قهوة وجابلي كابتشينو وخدي لروحه عصير مثلج وقاللي منجببوا حاجة نأكلوها قلتله كان لروحك ممكن اني حتي القهوة نشرب فيها بالسيف علشان راسي امشي ماصارلاش حتى هوا قاللي شن منآكل بروحي مايصيرش منها قتله امالة هي منروحوا لاني منطييح والله اليوم بس كملت باكو كلينكس كبييير كان تشوفوا الكلينكس حداي أكوام أكوام
ماشااااء الله فروسة حلو جو الخريف تعرفي احني مازال مافيش جو تساقط لكن لون ورق الشجر أحمررر لكن الأرض قاااعدة خضرا ماشاااااء الله تقول عز الربيع صورهلي راجلي لكن ماعنديش جو ننقل الصور عاللاب توب وقصة طويلة عريضة وتنبلة ههههه
لكن نحاول غدوة ان شاء الله كان صحصت انزلهم
سلامااااات