حبيباتى سيدات ليبيا تفضلو لأعرف ما حالكم

[اوشي]

شموسة المطبخ هظا ديما عاجبني ...

وماشاء الله حوشك قريب يتم وحطي الورق ونحنا نختارو معاك

[أمل ليبيا]

السلام عليكم

كيف حالكم حبايبي ان شاء الله تكونو بالف خير







ام فروسي ااااااه والله تمنيتك جارتي بنت اصول ربي يحفظك وان شاء الله كل شئ درتيه في ميزان حسناتك واهم شئ كسبتي الاجر لكن فعلا يوجعك خاطرك لما تلقي المعامله مش بالمثل

تعرفي اني لما رقدت في المستشفى مرتين مرة قعدت 4 ومرة 5 ايام والله مع انها اقرب جارة ليا لكن ماجتني ولاعبرتني وفي ليبيات هنا علاقتي بيهم سطحيه بارك الله فيهم جو وحسو بيا وقاعده لتوا جميلهم فوق راسي وهي توا لما جابت نمشيلها يوميا في المستشفى ونطيب حاجه نرفعالها وقبلها باسبوع رقدت بولدها يوم واحد ومشيتلها ورفعتلها غداها لعندها وقتلي قعدت نبكي اخي الشعور في الغربه وبروحك في المستشفى

قتلها في خاطري امالا علاش ماحسيتيش بيا قبل وماقلتيش اكيد محتاجه من يوقف جنبها





عموما ان شاء الله ربي يسامحنا كان فضفضنا وا شاء الله الوقت مايغيرنش ونقعدو نديرو الواجب وزيادة حتي بدون مقابل









ولقيتك تسألي ع الة تجفيف الفواكه تعرفي هنا رسمي يستعملو فيها للقديد وطماطم القشور والبصله ويشكرو فيها هلبا اني الحق ماجربتهاش

[ليبياقلبي]

يسعد مساكم \
مشكورة ام فروسة عالسلطات بارك فيك
ومشكورة اتري علا اسلوبك اللبق يبارك فيك
واوشي وشموسة ربي يعاونك مش بتسافري علاش تمي في حوشك جنودة ربي يعاونك
جيجي شن الجو

[أمل ليبيا]

سوسو تسلمي ياعسوله كيف حالك انتي وسنافرك وكيف حال الزاويه الله قداش مستاحشتها وقداش خااااااطري ندور فيها
بالنسبة للاجازة للاسف زوجي مستحيل يقدر ياخد اجازة لانه فترة ولادتي تقريبا قرب امتحانه النهائي ف يستر الله كيف بيصير لاني ماعنديش غيره هنا وماعابيه ع حد بعد ربي الا هو يوقف جنبي في وضعي هذا وان شاء الله ربي مايغيبه عليا




شمووووووسه الف الحمد لله ع السلامه وردي بالك ع روحك حبيبتي وان شاء الله ربي يثبتلك حملك ويسهله لك ويرزقك الذريه الصالحه وان شاء الله ربي يخليلك زوجك ويكون البيبي من قسمك يااارب وماشاء الله ان شاء الله تدخلو حوشكم ع خيروهنا ويكون عتبة خير وفرح عليكم يارب



اوشي الحبيبه الف مبروك وان شاء الله ربي يتمملكم الفرح ع خير وربي يسعد خوك ويهنيه ان شاء الله ومبارك ماشريتي انتي والصغار تبيدوهم بالهناء ولاشك ح تكوني مثل الملكة في الفرح ربي يحفظك من العين ومن شر الحاسدين




عزيزتي اثري بارك الله فيك حبيبتي ومبارك ع بنت اختك وان شاء الله ربي يهنيها ويدوم الافراح عندكم وماشاء الله تخيلتك مع الوردة الجوريه اكيد روووووعه ربي يحفظك




جي جي الحلوة مبارك ع اوخيتك والفال ليك يارب شن زعما جبتي والا مزال؟



هدوشه الامورة ماشاء الله ان شاءالله ربي يسهل اجرائات الماما وتجيك في اقرب وقت وتونسك يارب وربي يعينك ع سوما الحلوة ربي يحفظها صح المسؤليه صعبه لكن توا تكبر وتريحك ويقعد ذكريات كله


جنودة ربي يكون في عونك هذه اللغه هكي مزالك لما تنزلي مواد معاش تفضي بكل ان شاء الله ربي يوفقك ياغاليه

ام نوزة ان شاء الله ربي يفرج همك ويسر امرك ويحفظلك صغارك



ام ورد ان شاء الله ربي يتمملك حملك ع خير واديري الي خاطرك فيه كله

[جوهرة ليبيا]

السلام عليكم ورحمه الله وبركاته

[جوهرة ليبيا]

ماشاء الله الصفحات طيران ربي يدوم هالمات الحلوه

انا امس مش قلتلكم عندي وذني موعد في الصبح ماحصلت دكتوره الا بطلوع الروح

طبعا بعد مامشيت وقعمزنا نستني طلعت الممرضه واعتذرت الدكتوره ماهيش جايه والعشيه موجوده وانا عندي اللمه صعب نرجع

المهم راجلي قالي تعالي نفطروا وخلاص توقعته قصده انروحوا

بس تفاجاة ايدرس قدام المطعم بصرااااحه فرحت لاني تاعبه ونبي انغير جو

اخدينا فطورنا وصكرنا الحاجز وفطرنا برومانسيه واحلي بنوته معانا كملنا رفعناها جيهة العاب الاطفال لعبت وبعدها روحنا بجد هالساعه غيرتلي جوي

وجيت بعدها قلتلكم بندير غداي وبنستشور

عالغدي جت عزوزتي وسلفي وطلعت سلفتي بايته في حوش بوها كملت غداي كسكسي عراس حطيتلهم مع بعض لانه الكميه يادوب

لانهم خشو فجئه درت سلاطه وقليت بطاطا ومع الفاكهه ومشروب وامسير وزيتون بركه


كملت حوستس ودرتلهم شاي اخضر وخشيت استشورت شعري عالسريع ساهل الحق واكتشفت انه طوال اكثر بهلبه حتي خواتي قالولي


لفيته كله مع بعضه كعكه ولفيت قصتي

رجعت قعمزت بعد مطلع سلفي جنب عزوزتي هدرزنا ومع الخمسه ونص توضيت ومكيجت وابرز حاجه رسمت العين

لبست قفطان مره قلتلكم شريته في العيد شيفون بسيط لنص الساق وفضفاض وفيه 3وردات علي الكتف لونه زي الياجوري في العسلي

ومشيت لبست اكسسواراتي عند اختي ولما بدو ايجوا الناس فكيت شعري ايهبل جاني كانه مطبات علي طوله ودرتله ربطه في النص كيوت وحلوة
مع اكسسوارات عسليه وبس

لكن تعرفوا اندمت اني خليت بنتي مع بوها خفتها ادير اللازم وانا تاعبه ومش قادره قعدت طول الوقت نسال في بوها ولما ردت هي عليا

قالتلي ماما ولوحت التلفون وتبكيييييي قريب متت قلتله تعالالي توه قالي غير كملي لمتك وفعلا كيف حطوا الكيكه واللمه في نصها

خلاص قلقت زدت وانخمم فيها لين ركبت في السياره ضميتها وقعدت نبكي راجلي يصبر فيا ويضحك

واللمه كانت مرته وحلوه

دارت شكلاته ورزاته وعبمبر وكيكه ونسكافيه والعشاء اربعه حاجات زوز دجاج وزوز لحم ورز وسلاطات مع المشروب واللي يبي عصير

ومكسرات وكونفيتي وبقلاوه

[شموسه 88]

السلام عليكم ورحمة الله وبركاته

[شموسه 88]

مبروووك لمة خيتك يا جيجي والعقبالكي

اموله ان شالله ربي اينوضك عل لخير او سلامه اتجيبيلنا احلى بطوطه
اوشي لاهيه في العرس بي ايتمم بلخير ان شاله

ام فروسه اليوم مش باينه
ام نوزه حبيبتي شن دايره اليوم اوكيف حال حمودي انا تاجلتت السفره حاجة اسبوعين ثلاثه لعند ما نطمن عل وضعي وانكمل احويشي اونظم فيه ادبشي اوباقي الاثاث انجييبه من غادي

[شموسه 88]

اليوم زوي جابلي صور من ورق الحائط اخخخخخخخخخخخخ راسي داخ ومعش عرفت شنو نختار الاهم خذيت دار نومي لون عسلي في موف والدار شموسه كلها ورد املون بس اكثر لونين بارزات فيهن الوردي والاصفر والدار عبسي كلها حروف انجليزيه اوكثر لونين بارزات فيهن احمر والازرق والدر المعيشه ورق حائط جلد لونه دمي والصالات وحده بيج بلذهبي والثانيه كريم بلفضي وصاله الراجاله عسلي بلدمي طبعا اخترنا اغلبيت الدرجات عل البيج لاني مش معروف الصالون لي نبي نشروه من غادي برغم في اشكال والوان ايجنن بدات لغرف نوم الاطفال بس اغلبهن صور حيونا او وجوه ونا حوالت انتباعد عنهن

[اوشي]

السلام عليكم كيف حالكم اليوم