حبيباتى سيدات ليبيا تفضلو لأعرف ما حالكم

[sosolibya]

بوركت عزيزتي فروسة وضح الفكره نعم..

وألإنسان كل يوم يتعلم..

أم نوزة مبرووووووووك الهدايا رائعة ربي يباركلك في الهدية وصاحب الهدية..


رغودة ربي ييسرلكم أمور السفر..

[شموسه 88]

السلام عليكم ورحمة الله وبركاته

[شموسه 88]

كسااااااااااد بكل
ام فروسه عطك الهنا سهفتيني بل العصيده خاطري انديرها بس خايفه زوجي ايتوحش عليا بكره ان شالله موعدي ياربي ان شالله خيييييييييييير

[شموسه 88]

المشاركة الأصلية كتبت بواسطة أمل ليبيا

بنات حاق البكرة لازم تعطل ع موعدها؟؟وهل لازم تحسي ببوادر وجع قبل قرب الولادة والا عادي ؟لانه ليا 10 ايام في التاسع وماعنديش اي بوادر للولادة قصدي الوجع الي يقولو زي وجع الدورة ماجانيش بكل!!


عندي بس الالام في الحوض واعلا الفخدين هلبا لين مظايقني في المشي


بالله قولولي تجاربكم وشن هي الحاجات الي جربتوها تسهل الولادة ؟؟
اني عندي مية زمزم بنرقيها ان شاء الله وعاطيتني امي ربي يحفظها عشبة الي تنقعيها في مية لين تنفتح وبعدين تشربيها جابتهالي من الحج من فيكم جربها؟؟

اموله ربي ايسهلك ان شالله حتى انا في شموسه جبتها قبل موعدها اب 10 ايام ماكنش عندي أي بوادر ولاده الا الم في الحوض اوهذا ايدل ان راس البيبي نازل في الحوض يعني ايقول مفروض ايجنك لية التساهيل ما جتنيش بكل
نذكر في شموسه كنت راقده ساعه 6 الفجر جتني زي حالت القلق طحسيت بطني ثقيله ماقدرتش نرقدخشيت لحمام درت دوش طلعت من حمام القيت نازل مني اشوية دم "سدادة الرحم"طبعا عرفتها بوادر ولده لاني كنت ديما نصفح عل النت كليت تمر اوكباية حليب دافيه اوبرمن عل حوشي ساعه 11مشيت لمستشفى كاين الم الليه تمسك فيا كل ربع ساعه ونا عارفه انا طلق حقيقي مفروض عل اقل 5 دقايق مشيت لمستشفى طلع رحمي مفتوح 4 سانتي اهييييييي مانبيش انكمل باقي القصه هههههه لانها مرعبه بس لما اتشوفي البيبي تنسي كل شي

نسمع بيها العشبه هيا تقريبا عشبة كف مريم بس ضروري ايكون رحمك مفتوح لما تشربيها بس الايام هذينا ادهني بطنك ابزيت زيتون اوحبة البركه اكويس اوعليك او عل اكل التمر

[شموسه 88]

سوسو اوجيجي اورغوده ان شالله اموركم تمام

[أم أجنادين 80]

المشاركة الأصلية كتبت بواسطة *ام فراس*

يعني في حد نفس زوجي به نحسابه هو بس مش مقتنع نا هههههههه

لان الحق صاحباتي كلهن متزوجات ودايرات فيه اكاونت ويشكرن فيه

حتي بعد قبل مانسافر بعثلي ايميلاتهمـ ,, وقالو ضروري تفتحي

فيه حساااب .. ووضحتلهن الصورة ان زوجي مانع عليا اي مواقع فيها اختلاط

ومن ضمنها الفيس ,, وقتلهن من ايامات العزوبيه عارفتني ماخشليش رااااس


وبه انتي دارلك صفحه انا من سابع المسحتيلات يفكر حتى التفكير ان يديرلي صفحه

وهو بروحه مايحبش دار اكاونت هناااا بعد زنين خوته واصحابه القروب\\\


ومنها ضاف صفحات اخبار من ليبيا اخرتها مسحهن بكل قالي مافيهن الا الفتنه لان فيهن اخبار مغلوطه وتحريض...


ومخلي صفحه اسمها ثقف نفسكـ ,, وصفحات اصحاااابه فقط لاغير طبعا هو يفتح وييوري فيا

بعض الحاجات او الفيديوهات من ليبيا وينزلوا فيهن اصحااابه...





وهذه وجهة نظرتنا نحن ال2 ومش معناها ان الفيس مش حلو او غلط او هكي ...

(للتوضيح فقط)

صباح الخيرات ام فروسي

مش عارفة كيف الفيس فيه اختلاط .....

فيه مش مافيشي بس انتي تحددي هدفك وغرضك من الفيس

في صفحات الصراحة محترمة جدا جدا

وقروبات نفس الشي مافيها ولا شاب

باهي توا المنتدي متأكدين انه مافيشي شباب صاحب المنتدي مايطلعش شاب

عادي لو اي شخص ناوي شي مش كويس في الفيس او المنتديات

انا حبيت نوضح وجهة نظري

انه الفيس فس قروبات كلها هدرزة بنات زي تجمعنا هدا

[أم أجنادين 80]

استغفر الله استغفر الله

مش عارفة كيف ندير

من يوم جينا لامريكا لما نفتح التجمع ونفتح اي صفحة يفتحلي موقع اباحي استغفر الله

علي طول نحول عيوني ونسكر الصفحه شن الحل

علي فكرة فيي تجمعنا بس

[شموسه 88]

اليوم طيبت غداي طبيخة فاصوليا اورز ابيض واسلاطه

[أم أجنادين 80]

حـــــــــــلو التاكم ام نوزة تلبسيه بالهناء

ليش ام فراس تعالي لامريكا سايرينا انا والأمل

والله هداك اليوم قعدت نفكر فيك قلت بنشوف ام فراس وين بتجي كان هدا اتجي

معانا نتونسوا ببعض

ام نوزة ماليزيا افضل ؟؟

[ام معاد]

اطلعت فجأة رقدت الصغار وجيت .شموسة مبارك عليك الحمل وربي يتبته .من امبكري ايرنوا عليا ارقام غريبة افف انخاف لما يرن رقم غريب