دم بالاسبوع الثامن من الحمل

[اتمنى اكون ام]

بنات طمنوني ربي يطمنكم بكل خير

انا حامل بالاسبوع الثامن وينزل معي دم بس مو متواصل نزل 4 ساعات تقريبا بس مو كثيف نزل قطعه صغيييره مررره وبعدين زي الخيط ثقيل دم متجمد ومن بعدها وقف الدم طول اليوم
والان اشوف بالمنديل اذا مسحت دم خفيف

المستشفى ماسوو لي شئ قالو ننتظر التحليل الهرموني

طمنوني عادي ينزل دم مع الحمل ..؟

او هذا بدايه اجهاض ..؟

ولو اجهاض كيف تتم عمليه التنظيف بتخدير كامل او كيف ..؟

دعوواتكم ربي يتمم حملي

[هاجر كندا]

انا بعد سقطت بالاسبوع الثامن
ونزل الجنين لوحدة لان لساته صغير
الم مثل الدورة يوم ويخفتي
الله يعوضك

[اتمنى اكون ام]

طيب هاجر ايش كان السبب

واحتجتي تنظيف ..؟

[هاجر كندا]

السبب الغدة الدرقيه وهذا رابع اجهاض الي
بس دكتورتي نصحتني ماسوي عمليه تنظيف
لان ممكن تسوي مشاكل بالحمل بعدين
فنزل لوحدة وابدا محسيت بااي الم لان صغير

[حياتي توأمي]

فال الله ولا فالكم
ان شاء الله يارب مايكون اجهاض

حبيبتي كثير حوامل نزل عليهم دم. عادي وانا أولهم وكنت اعتقد انه دم دورة وطلع حمل وبعد مادخلت الشهر الثاني والثالثث كان ينزل مني خفيف جدا وكنت آخذ مثبتات ولو تشوفي كثير بنات بالمنتدى حوامل صارلهم نفس الشيء في بداية الحمل

لاتخافي ووكلي امرك لله وربي يثبت حملك ياربلازم تشوفي الدكتورة ضروري وتعملي سونار تتأكد إذا امورك تمام تاخذي مثبتات وحتى التحليل الهرموني ممتاز عشان يشوفوا نسبه الحمل إذا هي مستمره وممتازة ويارب مايخيب لك أمل ويررزقك الحمل الثابت يارب

بس قوليلي انتي تحسي بمغص ولا مجرد دم خفيف فقط ؟

وبخصوص الدم المتجمد احتمال يكون خارج المشيمة ونزل يعني مو شرط من الجنين
أنا لما كان ينزل علي الدم قالتلي الدكتورة هذا تجمع دموي خارج. جدار المشيمه وعادي ينزل وخلاص مايضر الجنين
يارب انتي تكوني مثلي وربي يثبت حملك يارب

[Bent alriffa]

حبيبتي تاكدي ساعات يكون الدم الزايد في الرحم
وفي بعض البنات ينزل عليهم دم طول فترة حملهم وولدوا
وصديقتي نفس الشي كان دايما ينزل عليها وولدت توها الحمدلله
ان شاء الله مافيج شي ولا تعبين نفسيتج ترى النفسية لها دور

انا في حملي السابق اجهضت في الاسبوع الثامن و 3 ايام
وماكنت ادري شالسبب .. بس قلت يمكن من الجامعة
بس سبحان الله في حملي هالمرة اكتشفت ان سبب احهاضي كان من مثبت الحمل حبوب دوفاستون
الحمدلله انتبهت على نفسي هالمره
من بديت اكله كان ينزل علي افرازات بنيه
بس ماخطيت في بالي انه منه وتم ينزل بيج وبني ليين الدكتورة قالت لي زيدي حبة وزيدت
وبنفس اليوم تزل معاي دم
وحسيت ان منه .. ةشفت اول يوم نزل البني كان اول يوم استخدم فيه المثبت
ورحت للدكتورة ووقفوه عني لان طلع مو مناسب حق جسمي
بعض الناس مايناسبهم لان يكون قوي على رحمهم وبدل مايثبت ينزل الياهل
وكتبت لي التحاميل وقالت لي اذا نفعوا بتواصلين عليهم
والحمدلله نفعوني واايد .. وما استخدم وباهم اي شي ثاني
فخبيت انبه بعض البنات

وشي ثاني بالنسبة للاجهاض على حسب كل وحدة غير
انا كان معاي الم الطلق من الصبح كان بطني يعورني واايد ورحت المستشفى قالوا لي غازات
وماكان مبين معاهم السونار واضح
ووصفوا لي حق الغازات حبوب
ورجعت البيت مو قادره من الالم لدرجة اني كنت اتشهد
وتمييت ادعي اقول اذا الله مو كاتب لي هالحمل عادي بس ابي ارتاح من الالم
وبعدها شوي شوي خف الالم وقعدت مكاني ماتحركت
زوجي قالي اقوم عشان ابدل وجاف دم تحتي
وعرفت اني اجهضت
وشفت الياهل طايح ... والحمدلله على كل حال
بس نصيحة لا تسوون عملية تنظيف لان اغلب اللي يسوونها يتأخر عليهم الحمل واعرف اكثر من وحدة
لان توه الحمل في البداية فينزل كل شي بسرعه .. انا رقدوني بالمستشفى وعطوني تحاميل تنظف وتنزل الباقي وتمت بقايا خفيفة مع الحسو وهالاشيه الحمدلله نظفت بروحي

والله يتمم عليج حملج يارب . وان شاء الله مافيج الا العافية

[ندى الوردة]

أختي لاتوتري نفسك خليك مرتااااااحة تماما حتى تعدي الشهور الأولى على خييير ان شاء الله
اصبري المستشفى عارفين شغلهم ربي يطمن بالك ويتمملك على ألف خيييير وفيه كثير ينزل عليهم دم وحملهم كان تام عادي أختي المهم ريحي حالك