جهاز تحديد الاباضة ، ارجوا الرد

[أمنيتي طفل]

السلام عليكم


انا اليوم نزلت دورتي الحمد لله بعد تأخيرهآ 6 أيام ،

حابة آستفسر عن جهاز تحديد الاباضة هل هو دقيق جداً و من جربته و حملت بعدهآ ..؟ و ابغى اعرف كم سعره ..

اتمنى اللي تعرف ترد علي

و الله يجزاكم الف خير

[يآ أرحم الرآحمين]

الله يرزقك هذا الشهر حبيبتي
للأسف ما جربته من قبل ما حبيت اطلع من دون رد
ربي يفرحك بالحمل قريبا

[مسك أبيض]

ان شاءالله البنات يفيدونك و انا حابة اعرف افكر اشتريه

[ندى الوردة]

أنا مثلك ناوية أستخدمه لهذا الشهر باذن الله
والله سعره باليورو 25 يورو بس ماأعرف بالعملات الأخرى وهو كلير بلو بيقولو ممتاز ويساعد كثيييير
ربي يكتب لنا الحمل هاذ الشهر وأنصحك بخلطة بذور البصل أنا رح أجربها لهذا الشهر فيه كثييير حملو عليها بعد رب العالمين

[بنت الذوق]

حتى انا ابغى اجربه هالشهر بس متردده شوي هل استخدامه على طول والا كم مره يستخدم؟؟؟

والله دنيا وش دراني اول بهالاشياء !!! ):

[مادونا سعوديه]

ايوه انا جربته ثلاث مرات وهو دقيق واويد بنات استفادو وحملو بعد استخدامه بعد الله واستخدامه مكتوب داخل العلبه وحسب طول الدوره وبعد مكتوب الي دورتها 28 يوم تبتدي استخدامه باليوم 11 وهكذا وكل وحده تشوف طول دورتها

[ندى الوردة]

مثل ماقالت مادونا والعلبة فيها 10 تحاليل كل يوم واحد
الله يعيينا ونحمل عليه يارب

[حلم-الامومة]

حبيبتي انا استعملت جهاز كلير بلو ديجيتال لتحديد ايام الاباضة

صرااحة كلمة روووعة قليلة في حقه وجدا سهل ودقيق يجي فيه 7 شرائح

مو نفس اللي يطلع خطين ويخربطج ما تعرفين تقرينه...واااضح

اذا ماافي تبويض يطلع دائرة فاضية..واذا في تبويض يطلع هابي فيس(وجه مبتسم)

شريته ب245 ريال تقريبا انا في قطر...ما ادري بكم يكون عندكم

ادعيلي ما اشوف الدورة واطلع حاامل

[× عَينَاءُ مَرضِيةُ ×]

بنات انا جربت هالشهر جهاز ثاني مو شرايح اسمه geratherm ovu control
هالجهاز تقدروا تستعملوه على طول بس تحافظيه علية طبعاً
انا استخدمة صراحة هالشهر وبشوف النتائج توني مخلصة التبويض

‫أفضل جهاز لكشف خصوبة التبويض عن طريق اللعاب شاهد الوصف‬‎ - YouTube


وهذا رابط يوتيوب توضيحي للجهاز سعرة 200 ريال سعودي
ولو شفت نتيجة هالشهر راح اسوي موضوع واخبركم ان شاء الله