حركة الجنين

[عذبهـ]

السلام عليكم أمهات المستقبل " بإذن الله " ...
الله يتمم لنا على خير ويرزقنا اطفال أصحاء بدون زياده او نقصان..
.
.
سؤالي هو ..
متى تبدا الأم تحس بحركة الجنيين ..؟؟؟
انا في بداية الرابع وهذا أول حمل لي ومب عارفه اميز لو في حركة أو لا ...
ومنو مثلي تحس هالاحساس .. خاطري بين كل فتره وفتره اسير اسوي سونار
بس عشان اشوف البيبي يتحرك وكل شي تمام ولا 🤔
يمكن يوم ابدا احس بهالحركة يخف عني هالهاجس 🙈..

في حد مثلي ؟؟؟؟

[حياتي توأمي]

وعليكم السلام

عادةً البكريه تتأخر شوي في انها تحدد اذا هذي حركة البيبي او لا وعدةً مع البكريه تحس بالحركة من بعد الشهر الرابع للخامس

وهو في البداية تكون الحركة مثل الرفرفه ركزي فيها لأنك قريب بتحسي فيها ان شاء الله

وبعدين مع تقدم الحمل بيكون ماشاء الله رفس هههههه

ربي يتمملك ع خير

[υм вtℓαα]

وعليكم السلام
الحركه بالبدايه بتكون مثل الرفرفه وبعدين ضارب ومضروب ههههههههه
الله يتمملك ع خير

[فداك الكون]

حبيبتي بالبداية صعب تميزيها عن حركة الامعاء
بس بعدين بتصير ضرب هههههه

[كتكوته سعوديه]

مافي الا الخير ان شاء الله على اخر الرابع بتميوي ان شاء الله ولا توسوسي مثلي
توكلي واستودعي جنينك وماعليكم الا العافيه

[نوت "̮]

كلنا كدا قلق و وسوسة الين نحس بالحركة الفعليه للبيبي .
انا عن نفسي حسيت فيها من الاسبوع ال21 و5 ايام الحمدلله
وكانت حركة البيبي واضحة سبحان الله .. واليوم اللي بعدو نفس الشي
بعدين ماحسيت بالحركة تقريبا يوم ونص مررره قلقت
بس بعدها نومت وصحيت وحسيت فيها .. عرفت انها كانت نايمه
ومن الاسبوع ال23 وفوق الله لا يوريك حلبه مصارعة ف بطنك ههههههه المشكلة انها تضحكني واقعد امسح عليها الين تهدى .. الحمدلله ع نعمة الأمومة الله يديمها علينا ويرزق كل محروم ي رب

[هدا حملي الاول]

انا متلك اختي لو الاقي اجيب جهاز السونار بالبيت حتى اشوفه كل يوم ..... انامستنية اول حركة ليه نيالك والله يكملك على خير