بويضاتي ماتتلقح وتقنية imsi

[حور 200]

السلام عليكم
انا لي 11سنه متزوجه وماعندي اطفال المشكله عند زوجي التشوهات 99 واحيانا توصل 100 والحركه صفر سوينا حقن مجهري 6 مرات مرتين لم تتلقح ولا بويضه وباقي المرات تلقح عندي بويضه واحده وتكون درجه ثانيه او ثالثه سمعت بتقنية imsi وانا مفيده لحالتنا
سؤالي من جرب هالتقنيه وكيف كانت النتيجه
وهل فيه مركز يعملها بالرياض

[غدير.]

عليكم السلام والرحمة
ولا مرا سمعت فيها حبيبتي بس الي اعرفه انه مع اطفال الانابيب تصير فرصة الاتجاب اكثر بكثير وخصوصا انه الحركة صفر عند زوجك
الله يسر امورك ويرزقك من واسع فضله

[حور 200]

جزاك الله خير يا غدير
حبيت اوضح ان تقنية imsi هي تقنية التكبير الفائق للحيوانات المنويه

[صدفة عمر]

حبيبي انت ربي يرزقك الذرية الطيبة

شوفي عيادات سمير عباس اذا عندهم التقنية هذي

وباذن الله تبشرنا بحملك

وعلى زوجك بالحجامة وباذن الله النسبه عندو تزيد

[بحــ العيون ــــــــر]

ماعندي علم ان شاءالله البنات يفيدوكي ياالغلا

ربي يرزقك ويرزقني وكل محروم

والبنات مااقصرو معك ربي يسعدهم

[راسيل]

السلام عليكم ياعمري انا جربتها
وزوجي مثل زوجك وسويت 5 عمليات بالرياض وكان يتلقح اكثر شي ثلاثه واخر مره واحد فقط وكانت درجاتهم بين الثانيه والثالثه
ولكن رحت للاردن وسويتها واستخدمنا هذي التقنيه وتلقحت كل بويضاتي الحمدلله وكانت اغلبها من الدرجه الاولى وجمدت كمان
بحثت عن هذي التقنيه بالرياض ومالقيت اي مركز موفرها لانها تحتاج لمتخصص فيها ويعرف لها مو اي احد يقدر يستخدمها رحت لمركز ذريه والحبيب وبنون وكلهم ماهي عندهم ،، انصحك فيها هي الحل بإذن الله في مثل حالتكم
واي سؤال ياقلبي انا حاضره ،،

[ام ياسمين*]

ما عند اي فكر عن هاده التقنية بس حبيت أدعيلك ياااااااارب يرزقك الذرية الصالحة عجلا غير أجل

[حور 200]

الله يجزاكم خير يابنات ماقصرتو
راسيل انا سمعت ان ذريه عندهم هالتقنيه

[راسيل]

لا ماهي عندهم وتواصلنا مع دكتور المختبر قالي ماهي متوفره عندهم قالنا اتصلو على مركز سمير عباس ممكن عندهم واتصلنا وماحد رد علينا ورحنا للاردن والحمدلله هو صح ماصار حمل ولكن فرحت بعدد الاجنة ودرجتهم

[محامية الغرام]

اختي في دواء هو محلول اسمه بروكسيد Proxeed خليه يجربه اعرف ناس مثل حالتكم و نفع معاهم كثير ما شاء الله