خمول وتعب وقلة حركة الجنين بعد ابرة الرئه

[جنون الحب]

السلام عليكم حبيباتي
شخباركم ....

بنات انا حاليا على اخر الشهر السابع الحمدلله

لما رحت موعدي يوم الأثنين كتب لي الدكتور ابرة الرئه على اربع جرعات لأن سبق وصار لي ولادات مبكرة واجهاضات ولأن عندي رحم ذو قرنين ومتوقعين اي وقت تضيق عليه المساحه وتجيني ولاده لاسمح الله ربي يتمم لي ولكم
المهم اخذتها كل 12ساعه واحس من بعدها وانا في تعب وخمول لدرجه مافيني على الوقفه البارح كانت اخر جرعه يوم الاثنين ماحسيت بحركة جنيني الا ضربات خفيفه البارح رحت باخذ اخر ابرا وانا بالسيارة تكور ع جنب والحمدلله تطمنت انه بخير كنت راح ادخل طوارئ بس يوم حسيت به كنسلت والبارح طول الليل الحمدلله رجع يتكور ويشد على جنب وفوق تطمنت مع اني اكلت شوكولاته بالعاده بس اكل لو اشوي يبقس ويتحمس ماشاء لله البارح مجرد تجمع وتكور وشد مدري هل لإبرة الرئه تأثير علي وعلى حركته هل تتوقعون شي طبيعي او احتاج اشيك اروح طوارئ
طبعا الدكتور قالي ان لسا راسه فوق مااستدار بس فيه فرصه حتى للشهر التاسع
بس علشان شكل الرحم فمتوقع انه مايستدير الله لايقوله ...
عندكم تجارب تقلبه تخلي راسه ينزل تحت احس براسه بضلوعي وحركته كانت دايم تحت واظحه رجوله وترفيساته مؤلمه لو عندكم حلول ارشدوني ...ودعواتكم ربي يتمم علي هالشهرين ويقر عيني وعين كل حامل ويفرحنا

[تيم الأحمدي]

ماعندي علم
ان شاءالله الأخوات يفيدوكي ياقلبي
والله يسهلك ويسهلي ولكل الحوامل يارب

[زوجي حيآتي ❤]

حبيبتي انا زيك أخذت الابرة على نهاية السابع الاسبوع الماضي وحسيت بتعب الايام الي بعدها وبتغييرات في الحركة وثقل عجيب ودوخة وكل شوي أوسوس و أبكي بس الكل قالوا أتوقع طبيعي من تأثير الابرة . لكن اذا لزم الامر راجعي الطوارئ انا كمان ناوية أراجع الاسبوع هذا أطمن . استودعنا الله ربي يحفظ لنا أجنتنا ويتمم حملنا على خير وعافية ☝🏻

[منيرة ام رفيف]

الله يسهل لنا يااااارب

[جنون الحب]

تسلمون حبايب

زوجي حياتي
عمري بعد اخر جرعه اليوم اللي بعده رجع كل شي طبيعي الحمدلله

حتى من زود النشاط شوفيني سهرانه
حاليا أحاتي في الجنين اللي ماقلب راسه الى الآن فوق
وعندي الرحم شكل قلب وخايفه يضيق عليه ومايقلب ويضطرون للقيصري

ربي يسهلها ياكريم

[ام مـيرال]

عادي هذا كله من أبره الرئه سبحان الله تسبب خمول للطفل وتحسي حركته تكون قليله
حتى انا اخذتها من قبل اربعه ايام احس نفس اعراضك تعب وخمول وكسسوووله وبس ابغا انام فا هشي عادي لانه من أبره الرئه لا تقلقي بس اهم شي انك تحسي بحركته الله يتمم لك ع خير ويفرح بشوفه ابنك

[جنون الحب]

مشكوووره حبيبتي

نورتي