اسئلة في بالي بعد الولادة

[w-gh]

السلام عليكم ..

خواتي انا ولدت لي 21 يوم الحمدلله .. قبل موعدي ب 25 يوم

وعندي اسئلة ليت تفيدوني خصوصاً لاني بكرية وماعندي احد أسأله

1- شلون اعرف ان الخيوط انفكت .. قالوا لي اذا ماحسيتي بألم وصرتي تتحركين عادي وتجلسين عادي وتقدريت تجلسي متربعة تكون فكت .. وانا امس شفت مثل الخيط بيدي مو طويل كأنه عقدة وحدة هو هذا الخيط ابي طريقة اعرف فيها اذا انفك او لا ؟؟
خصوصا انا استخدم المر مع زيت الزيتون - مرهم ميبو مع الفوسيدين الاحمر - بودرة سيلفيا واعمل مغطس من الارطا احيانا واحيانا مغطس من القرض

2- انا مو معتمة باكلي ابدا .. الحلبة هذي ماذقتها والرشاد ماعرفته الا هاالايام ولا فلفل ولا حليب ولا شي تقريبا .. ونزل عندي الدم وصفت لي الدكتورة فيتامين ابر وحبوب .. تتوقعون هالشي يضر بعد النفاس ؟؟

3- الدم تعبني بس نزل اول 6 ايام ووقف .. وبعدها كل اسبوع ينزل مره ويوقف واخر مره قبل يومين نزل مثل دم الدورة بأول يوم وبنفس وجعه .. هالشي عادي ؟؟

4- انا من بعد الولادة وعندي الم شديد باسفل ظهري مثل الشرخ اسفل الظهر فوق فتحة الشرج .. مااقدر اجلس في احد مثلي . وكيف تعالجت منه ؟؟

واخر سؤال .. انا رحت لدكتورتي وتناقشت معاها على وسيلة منع الحمل .. نصحتني باللولب وانا ماابغا لولب لان بنت خالي حملت عليه وشي ثاني انا مالي خلق كل شهر اروح للدكتورة تكشف علي فوصفت لي حبوب رضاعة اسمها cerazette وقالت استخدمها اول يوم بعد الاربعين
بس قالوا لي ان هالحبوب تستخدمينها بس اذا ترضعي 100% وانا ارضع طبيعي وصناعي . استخدمها اولا ؟؟ وهل هي تسمن وتعصب مع العلم فصيلتي b- ??

اسفة اني طولت عليكم بس ليتكم تساعدوني لان والله محتارة وتعبت من التفكير بهالاشياء
الله يسعد اللي ترد ويرزقها من حيث لاتحتسب

[wow]

الله يكون بعونك والله ماعندي خلفيه عن الموضوع

[حجــآزيــۃ]

وعليكم السلآم ~
الله يساعدك يا قلبي
وان شاء الله اللي عندها خبرهـ تفيدك
للاسف انا بكريه وباقي ماجربت شي ولا اعرف شي

وياليت تجي وحده خبرهـ وتساعدها ونستفيد

[خـلـود]

حبيتي اولا الحمدلله عالسلامه
المر عقميه وبليه في مويه وصفي مويتو وكل مادخلتي الحمام غسلي الخياطه راح تستفيدي حاجتين تنشف الخيوط وتتفتت في الحفاظ لالالالالاتقربيها بيدك ابدااا وراح يضيق المر المنطقه ويعقمها لانه عباره عن مضاد حيوي طبيعي من شجرة البيلسان وممكن تاخذاسبوع اسبوعين ثلاثه عادي على حسب عددها لوكانت رتب كثيره هطول اهم شي لاتشدي اعصابك عادي خليكي واستخدمي المرهم والغسول لاتهملي واشربي المجلب وبالنسبه للمانع الافضل حبوب ياسمين تحياتي

[ام ميسومة]

اختي لازم تهتمي لصحتك واذا رحتي الحمام تبخري بكمون وقشر بصل ومر ويازين ريحتك
خخ اهم شي غسول الملح والماء الدافي خليه دايم بالحمام
اما على الجلسه لاتجلسي متربعه نهايا الخيوط تنفك
اما بالنسبه للشرخ اشربي ملينات واشربي كمان مغلي اللكمون والزنجبيل والشمر واليانسون والقرفه وخليه مشروبك اليومي

[w-gh]

الله يعطيكم العافية يارب مشكورين على ردكم
الله يسعدكم يارب

بس انا جلست مرتين متربعة في الايام الاخيرة من العشرين الاواى ماحسيت بنفسي غير جالسة كذا لان ماكان فيه الم

[تعبنا نشرب الغربة]

أختي الخيوط تذوب في الجلد انا صار معي كذا
وبعضها تنفك من حالها بس استمري على المر
والزيت زيتون والميبو عشان يلتئم جرحك و تنفك خيوطك بإذن الله
والخيوط تختلف من حرمة لأخرى بس إذا صرتي تمشين طبيعي ولا فيه ألم إلا ألم بسيط هو ألم الجرح كذا تكون انفكت خيوطك
الشي الثاني حبيبتي لازم تهتمي بأكلك يعني لازم تشربين قرفة بدون سكر وحليب بزنجبيل وحلبة وقشر قهوة مع زنجبيل أخضر ولازم تكثري من المشروبات الحاااارة حتى يتنظف رحمك وبطنك
وحطي في غرشة موية فاضية مر و عليه مويه وخليه يتنقع واشربيه وكلي لك ملعقة عسل طبيعي على الريق وخلي مامتك تسوي لك في الفطور فته بالتمر والسمن البري مع حليب بالزنجبيل وتداركي عمرك لإنك راح تندمين بعد الأربعين إذا جاك هوا و قعدت تنزل عليك مويات وخرابيط
والبلاط لاتمشي عليه حافيه تدفي زييييين وتبخري بالمرة والكمون وقشر البصل
و مرة تبخري بالخوا جوا
زبعد ماتتبخرين البسي شرابات وطرحة و روب يدفيك وناااامي في مكان مافيه مكيف والرشاد ماانصحك فيه لإنه يفكك الظهر وريحي ظهرك زيييين والفترة هذي مهمممممة جدآ لازم تريحي فيها
والله يقومك بالسلامة يآآآرب