هل هذا طبيعي طمنوني الله يطمنكم!!!

[((*بــريــق ألــمــاس**))]

السلام عليكم ورحمة الله وبركاته
كيف حالكم ياكروشات إن شاء الله دائما بخير ؟

أنا ولادتي تقريبا 9/12 بإذن الله
وهذا أنا عند مامتي الله يخليها أنتظر البيبي يشرف وشكله
يبي يعيد جوا الكرشه خخخخخ ماعلينا

أبي أستفسر عن شي مقلقني وهو صغر حجم البطن
أمس أمي واختي يقولون نحس أن بطنك صغرت عن بداية التاسع وأنا هالحين
بالاسبوع الثاني من الشهر التاسع وبصراحة أنا ما حسيت بهالشي بس ولو وسوست
وحركة الجنين ممتازه ولا قلت عن أول بس موعارفة وش أسوي ومن أسبوع وأنا أحس الآم بسييييييطه ببطني وظهري زي الدورة أو أخف تجي شوي وترووووووح

ولما سألت قالوا عادي بالتاسع لازم هالآلام فياليت اللي تعرف سبب صغر البطن تقول لاني خاااايفه ولاتقولون روحي المستشفى لاني خوافه وماراح أروح لين أحس بألم ..........

بلييييييييز أبي ردود لاتهملوني والله يحقق أماني اللي بترد علي

[نبع الكوثر]

شوفي حبيبتي
صغرت بطنك لان الحين الجنين ينزل في الحوظ فشيء طبيعي جدا انه يصغر

والالم يعني اتوقع بداية الولادة اذا الالم يجي ويروح وكل مايقترب المده من الالم الى الالم معناها تبدي الولادة
حبيبتي الله يسهل عليك

[تراتيل]

الله يهون عليك يارب


قربتي من مرحلة الصفر ان شاء الله تبشرينا بولادتك يارب :)

[يارب عفوك]

انا والله بطني صغير حييييييييييييييل

بقد ماتتصوريه

يعني ااذاا وقفت تنمسح الكرشه

ولاااحد يفكرني حامل وبالتاسع

كأني توني بالسادس

بس الحمدالله عااادي جات بنوتي قمر

بس انتي لاتوسوسي..

وكل وحده ع حسب حجم جسمها

[سموة الشوق]

ماشاء الله الأخوات كفوا ووفوا

والله يسهلك حبيبتي
ويهون ولادتك ويرزقك الذرية الطيبة من عنده

[zo0oba]

زي ما قالوا لك الخوات
في التاسع الجنين ينزل الى الحوض
واذا كان اول حمل لك مو لازم يكون بطنك كبير
أنا الحين في الثامن واحس بطني مو مرره كبير
سألت الدكتوره قالت الي عادي لانك أول مررره
مو لازم ايكون مرره كبيره :)

[((*بــريــق ألــمــاس**))]

مشكورين الله يطمنكم بس أنا ما أقصد أنو حجمه صغير أنا عارفه أن كل وحده وتركيبة جسمها

بس أمي تقول أنه كان كبير وبدأ يصغر فهمتوا؟؟؟ وأنا خايفه أن المويات تتسرب مثلا وأكون أحسبها أفرازات بس إن شاء الله زي ماقلتوا الولادة قربت مع إني خاااااااايفة منها حيل بس أشتقت لبنوتتي وأن شاء الله أبشركم قريب ....

الله يحقق أماني كل من ردت علي ويفرج همها يااااارب

[zo0oba]

خيتووو
اذا لاحظي أن طلع منك ماااي وااااااايد لدرجه انه نزل بين رجليك هذا يعبر انك خلاص راح تولدين
لما افرازات هذي عاديه لان الحامل تجيها افرازات :)

[أإأم ع‘ـــزُوـوزُ]

أإنـآ بكريه وأول مره لي بس الاخوات قالولك

يالله الله يسهلك ولآدتك وتقومين بالسلآمه وتشوفين بنوتك أحلى عرووسه يـآرب ...

[مضيعة]

.
.

قلبي مثل ماقالت لك الاخت نبع الكوثر ان الجنين ينزل بالحوض ولذلك يظهر ان بطنك شكله اصغر لان فووووق خلاص فاضي ,, ان شاء الله فهمتي ولا تخافين ابد والله يتمم لك ع خير ..