وش رايكن يا بنات ..

[الجفول]

السلام عليكم ورحمة الله وبركاته

بنات أنا صار لي سنه ونص ما حملت ورحت أعالج ..
أخذت حمض الفوليك مع الكلوميد لمدة ثلاث أشهر وما صار عندي حمل .. بعدها بشهر أخذت كلوميد مع إبره تفجيرية وبعد ما صار عندي حمل .. قالت لي طبيبتي استمر مع حمض الفوليك لمدة ثلاث أشهر وإذا ما صار حمل أراجعها .. وأنا الحين في الشهر الثاني من بعد الإبره..
أنا قبل العلاج كانت دورتي مب منتظمه .. بس من بديت العلاج انتظمت عندي .. فكانت تتقدم بيوم قبل موعدها في كل شهر .. بس هذا الشهر تأخرت عندي 4 أيام وأمس أشتريت جهاز كليربلو وحللت اليوم الصباح بس النتيجه كانت سلبيه ..
شو رايكن يا بنات .. !!
متخوفه أروح احلل دم ويكون ما في حمل ..

اللهم هب لي من لدنك ذرية صالحة إنك سميع الدعاء
رب لا تذرني فردا وإنت خير الوارثين ..

[آح ــسآس]

ان شالله تكوني حامل كثري الاستغفار وقراء سوره مريم
وبعدين لاتفكرين بشي خلي تمر 10 ايام واذا ماجت حللي واذا جت الحمدلله ان شالله امر الله كله خييييييير وتدلعي يختي توكم عرسآآآن

ويارب ماتشوفيها الا ع البيبي بس انتي لاتفكري بالحمل ابداااا عشان الهرمونات ماتتلخبط عندك
ودعواتك لي

[ملكة الذووق]

يااااااااااااارب حامل وع قولت اختي احساس انتظري كم يوم بعدين حللي عشان ماتتعب نفسيتك يااااااااااااارب ارزقنا وارزق كل محرومه من الضنا يااااااااااارب

[هدوء انثى]

قلبي اذا فات ع موعدها اسبوع حللي دم اضمن لك ويارب حامل

[ريوف]

الله يرزق يارب الذريه الصالحه ويرزقني يارب