الرحم مفتوح 2سم لكن ؟

[عطور]

السلام عليكم ورحمة الله وبركاته
هذي اول مشاركه لي في المنتدى وماسجلت فيه الا لاني لاحظت انو كل ماابحث عن شي
يفتح معي هذا المنتدى واحس الكلام من خبره


الله يسهل علينا وعلى كل الحوامل يارب

انا جاتني الدوره الله يكرمكم تاريخ 23 - 9
واليوم المتوقع للولاده هو 8 -7

وهذا ثاني حمل لي

الحمل الاول كان قبل 3 سنوات وعليها وكملت التاسع زياده 7 ايام واخذت طلق صناعي

والله اني تعقدت منه ومابي اجربه من ثاني

قبل كم يوم حاولت ب اشياء تفتح الرحم وشربت خروع مرتين ولامن فايده بس لوعة الكبد
حتى الاسهال الله يكرمكم مايجيني


قبل امس آخر الليل حسيت ب عوار تبخرت ب حلتيت ويوووووه من ريحته بعدها تحممت بمويه دافيه بعدها صليت
وشربت كوب قرفه ونمت
وصحيت الصباح من بدري والا العوار مره والطلق رحت المستشفى وقالوا لي مفتوح 2 سم
وركبوا لي التخطيط
ويالله اني كملته من قو الألم عند صلاة الظهر جات الدكتوره وكشفت وقالت مفتوح من 3 إلى 4 سم



بعدها ماعدت احس بطلق ولا ألم


الين ب الليل جا الدكتور وقال مافيك طلق ليش جالسه روحي للبيت وكشف وقال 3 سم بس
اجلسي الين الصبح ولو ماتطور شي روحي ع البيت بدل مايعطونك طلق صناعي لانو باقي على موعد ولادتك


الساعه 12 ب الليل كنت داخله دورة المياه اللي يكرمكم وطلع معي زي الشي مطاطي وماهو بصغير والله وجاي عليه دم خفيف


المهم انا مشيت ومشيت ومشيت ولامن شي تغير

الصبح الساعه 7 جا دكتور ثاني وقال لي الرحم مفتوح 1 ونص سم الى 2 بس


والله انهم بكوني وتعبوني كل واحد يقول شي



لاتقولون ليش مستعجله والله ان الالم اللي جاني قووووي الصباح بس بعدها اختفى
كيف مدري

المهم انا طلعت من المستشفى بس تعبانه مره ويادوب اصلي والحين اصلي وانا جالسه
واحس البيبي نازل

بس الجو غبار ومقدر امشي لانو عندي ضيق تنفس


زوجي بيسافر بكره وتمنيت اني اولد قبل يسافر بس ما الله كتب

انا حاسه ان ولادتي قريبه اقرب من يومين وثلاثه وودي اني افرح ابو العيال وخلااااااص
تعبت وربي من الالم والثقل



يصير اتبخر ب حلتيت مره ثانيه والرحم مفتوح ؟ و لا ب كمون ولاقشر بصل
انا حاسه اني على وشك بس بس يبي لي دفعه لانو احيان احس البيبي يبي يطلع من تحت
واحس بألم زي السكين

ولا امشي وبس !

علما اني اكلت تمر عن سنه قبل وفي المستشفى بس ماسوى شي



وش يجيب الطلق تعبت مررره ونفسيتي تعبانه اكثر



تكفون يااهل الخبره شوروا علي