قصة وخلطة حملي الحمدلله ...تفضلوا ..

[السنوايت]

السلام عليكم ورحمة الله وبركاته


كيفكم يا بناات


حبيت اقولكم من بعد الله كيف حملت


طبعاا انا لي 3 سنوات ماحملت ماخليت مداوية ومستشفي ومستوصف مارحت له كان فيني ضعف تبويض مرره وتكيس التكيس تعالجت منه بسس بقت مشكلة الضعف معي وبديت بالعلاج وعمري 18 ..والحين عمري 22

استخدمت تنشيط وكلوميد وابر وجرعات قويه ماربي كتب لي حمل

وسبحان الله ذاك الشهر متجهه بروح للمستوصف عشان ابدا تنشيط وكان امطار لان انا اسكن بقرية قريب من الرياض وماقدرت اوصل للمستوصف من الامطار


ورجعت وقلت بيني وبين نفسي انا دايم متعلقه بالعلاجات ان هي سبب حملي

وكان هذا عيبي كنت لما استخدم ادعي واصلي واتصدق بسس قلبي متعلق باللعلاج ان هو الي بيخليني احمل

والشهر هذاك وابدا استخدم خلطة غذا الملكات رحت جبتها من وادي النحل هو خلطها لي تقريبا كلفتني اذا ماني غلطة 320ريال لان علي حسب العسل ونوعه


وطبعا انا كنت مستخدمه قبل لاتنزل الدورة علي باسبوع ونزلت الدورة واستمريت عليها

كل يوم الفجر ملعقة كبير عسل مع كوب ماء زمزم ورقية الشرعية

والمغرب نفسس الكلام ملعقة مع كوب ماء زمزم والرقيه

وانا جبت كلوميد واستخدمته مدة 5 ايام

وكنت والله العظيم ماني متعلقه بالعلاج كثر ماتعلقت ان ربي بيرزقني لان ايقنت ان كم مرة استخدم


ومايجيب نتيجة لي لان متعلقه بالعلاج اكثر


وصلاة الليل وادعي ربي الكريم....

وسبحان الله شفت مقطع للنبيل العوضي واستمريت علي نصيحته


والله يابنت من ثقتي بالله ان جهزت فستان الي بحتفل فيه مع زوجي بخبر حملي وخططت للفندق الي بحجزه بالرياض وجهزت اكسسواراتي وكعبي وجربتها وانا بالبيت من كثر ما كنت واثقه اني بكون حااامل طبعا كنا بنروح للرياض نجلس عند اهلنا وكنت مرره مخططه وكل شي ان بيوم الخميس الاسبوع الجاي بكلم زوجي افاجاه بالفندق والخبر



والله عشاني وثقة بربي ربي رزقني بالحمل


وسبحان الله ربي يعطي وياخذ وربي رزقني بالحمل بسس مافاجات زوجي ولا احتفلت معه بالحمل لان وقت خبر حملي يوم جاء هو طلقني فيه ....

وبعد 5 شهور سقطت وبعد ربع ساعه من ولادتي ماتت بنتي ...الحمدالله شفتهااحلم حياتي وتحقق حملت وشفتهاا الحمدالله ان ما ماتت بالشهور الاولى ...شفت جسمها وشعرهاا الله يرحمهاا يارب


مع هذا كلهاا والله اكيد خيره لي وها انا اليوم ابدا حياتي من جديد وكلي ثقة بالكريم ...والله من بعد الله ثم علاجي وطلاقي صاار عندي يقين بالله وحسسن ظن والله تتجي الحين مشاكل وتتعكر امور لي اعلم انها خيره لي ...وصار نفسيتي حلوووه ليش لان الدنياا كل الي يصير لي فيهااا الخوف من الاخره وش اعددت لهاااا...


الحمدلله والشكر لله علي كل حال

نصيحتي لكم الثقه بالله والاستغفار وصلاة الليل واحسان الظن بالله وفعل الاسباب


وهذا المقطع لنبيل العوضي

http://m.youtube.com/results?q=%D9%8...?v=6vgb5Jav3MI

وهذا قصصصه عجيبه مرره ....تاملوها بقلوبكم ...
‫قصة سيدنا زكريا (مثال للصبر) - الشيخ د. محمد العريفي‬‎ - YouTube




والله يرزقكم يارب الذرية الصالحه عاجلا يارب