" أتعلمُ منكِ وتتعلّمي منّي "

[احساس أنثى]

الاسئلة :
ان شاالله اقدر اجاوب على كل اسألتكم بكل رحب وسعة صدر ^_^

1- نبذة مختصرة عن احساس انثى كما تحب أن تتكلم عن نفسها ؟
شابه فلسطينيه وكما هو معروف عنا جدعان اوي على قولة المصريين هههههه
عمري 23 سنه .. متجوزه عن حب ... عندي طفل اسمو زياد ... دارسه بكالريوس تربيه تخصص تاريخ وجغرافيا وعاطله عن العمل ^_^ متل حال كل الشباب عنا ... عايشه مع حماتي بنفس البيت وعايشه عيشه هنيه والحمد لله يكفي ^_^


2- ماهي العادات في الاكل بالنسبة للنفاس وماهي المشروبات المتعارف عليها بفلسطين
كنوع من العادات والتقاليد المتبعة ؟؟
الأكل بالنسبه للنفاس لحد الاربعين يوم والأفضل لحد مايفكو القطب تضل على الشوربات وخاصه الخضار عشان تبقى ملينه وتبعد عن الامساك .. ولو حبت تاكل تقلل من الخبز والاشياء يلي بتعمل امساك .. انا عن نفسي فترة الامساك ماكنت احب الأكل في ناس متل هيك يصير معها

أما المشروبات فترة الامساك الحلبة على رأس القائمه ... والزهورات هادي خلطه عند العطار مفيده ^_^


3- كيف يتم الاستعداد لاستقبال الطفل الأول ؟ وكيف كان استعداد احساس انثى لـ هذه التجربة ؟
الاستعداد بشكل عام عند الكل بيكون بكل لهفه خاصه بالمشتريات والتجهيزات للبيبي والأم .. لازم نشتري كل شي وعنا أول طفل جهازو على ستو أم أمو هيك عاداتنا ^_^
بالنسبه لالي كنت متحمسه كتيييييييييير لأشوف طفلي شبه مين أبوه ولا أمو ههههههههههه ...

4- هنالك عادات خاطئة قد تراها احساس انثى من وجهة نظرها بالنسبة للنفاس ؟
صحيح في عاده لفتت انتباهي كوني كنت بكريه انو لازم البكريه تلبس دافي يعني تقيل حتى لو كانت ولادتها بالصيف .. كانو يقولو بكون كل جسمها مفتح ..ويعقب عليها بالمستقبل .. لكن أنا ماكنت اعمل بهالكلام مابعرف اذا هالكلام صح أو لأ بس كنت اعمل يلي يريحني ^_^