ساعدونى فى مشكلتى بالله عليكم

[wesa]

السلام عليكم ورحمة الله وبركاته

انا فى اقرب الحاجة إليكم انا مقهورة عليا وعلى الحال اللى بنتى هتبقى فيه لو لاقدر الله حصل اى شئ
انا متجوزة من سنتين وعندى بنت سنها 9شهور والحمدلله هى اللى مصبرانى على اللى انا فيه انا زوجى كنت بحبه جدااااا وهو بيقول انه بيحبى هو كمان لدرجة الموت بس اللى هو بيعمله محسسنى العكس انا اكتشفت بعد سنة من حياتى معاه انه بيشرب ممنوعات مخدرة واللى زاد وغطى انه بياخد فلوس من معايا اكلمه واقوله انت اخدت فلوس من معايا يقولى لالالا وانا هاخد ليه؟ وحصل كده اكتر من مرة وبيسرق (وللاسف بقول بيسرق) مبالغ كبيرة واللى زاد وغطى انى كنت بايتة عند مامتى وهو كمان كان بايت معايا تانى يوم مشينا فيه اكتشفوا عندى فى البيت ان فى فلوس عندهم اتخدت وطبعا المنظر مبقاش حلو ابدا واجهته وقولتله انت بتشرب حاجة قالى لا رحت عملتله تحاليل دم وطبعا بعد معاناة انه يوافق لاقيته فعلا عنده نسبة مخدر فى دمه بنسبه عاليه وسبت البيت ساعتها لمدة شهرين وقالى انا هتعدل وهبقى كويس ومفيش حاجة هعملها تزعلك تانى وخلاص
رجعت البيت بعدها بفترة لاقيت الصدمة الكبيرة الذهب بتاعى مش موجود فى البيت اتخانقت معاه وقالى انه مخدش حاجة وحلف اااااااااد كده انه مخدش حاجة بس عندى احساس انى مش مصدقاه وخفت احكى لاهلى عشان المرة دى بأنفصال نهائى عنه
واللى ضايقنى اكتر انى حكيت لوالده قالى انا هجبلك ذهب تانى بدل اللى ضاع بس متقوليش لاهلك ؟؟؟؟ايه الحل مع شخص زى ده للاسف جوزى ساعدونى بالله عليكم