حوامل السنه الجديده تفضلوا 2013 حصريا

[neven adel]

انا هقولكوا يا بنات قصتى بالتفصيل
انا متجوزة من شهرين ونص 9/2/2013 بس جاتلى الدورة بعد الفرح ب 10 كان يوم 19/2/2010 ايام وطبعا ده كان متوقع لان معاد التبويض فات قبل الفرح رحت لدكتورتى اللى انا كنت بروحلها يوم 20/2/2013 واديتنى ابرة تفجيرية 10000 واخدت كلوميد لمدة 10 ايام وقالتلى ان شاء الله الشهر الجاى تكونى حامل وجه الشهر التانى وفى اليوم 30 نزلت الدورة كان يوم 22/3/2013 طبعا كنت مدايقة جدااااااااااااااا بس الحمدلله على كل حال المهم رحتلها تانى يوم فى الدورة 23/3/2013 زى ما كانت قيلالى قالتلى انى اعمل سونار فى اليوم 12 من الدورة 2/4/2013 رحت عملت السونار لقيت عندى بويضتين واحدة مقاسها 8 وواحدة 10 طبعا صغيرين جدا ومينفعوش للحمل زعلت اوى بس الدكتورة ربنا يباركلها اديتنى حقنة مريونال 150 وقالتلى تيجى بعد بكرة 4/4/2013 تعملى سونار البويضة اللى مقاسها 10 دى عيزاها تبقى 16 وتيجى بعد بكرة تعملى سونار تانى انا بصراحة مكنتش مطمنة لانى كنت قريت على النت البويضة لازم تكون اقل حاجة 18 علشان يحصل حمل المهم فعلا عملت السونار والبويضة كبرت وبقت 16 يومها كتبتلى ابرة تفجيرية 10000 وقالتلى يحصل جماع بعد 12 ساعة وفعلا اخدتها يوم 5/4/2013 ورحتلها يوم 6/4/2013 عملت سونار واتاكدت ان البويضة خرجت وكله تمام بس لازم يحصل جماع لمدة اربع ايام ومش اقوم من السرير قبل ساعة ساعتها قالتلى كدة كله تمام باقى ارادة ربنا وان شاء الله الشهر اللى جاى تيجيلى تعملى سونار حمل خرجت من عندها وانا مبسوطة وكان باقى على دورتى اسبزوعين طول الاسبوعين دول وانا اطلب من ربنا انى اكون حامل والانتظار صعب وانتوا اكيد مجربين بس فضلت مستحملة لحد اليوم 30 لان انا دورتى كل 30 يوم اليوم ده عدى عليا بسنة عدى اليوم الحمدلله والدورة مجتش ده كان يوم 20/4/2013 صحيت تانى يوم 21/4/2013 عملت اختبار الحمل المنزلى بيبى تشيك وطلع فيه خطين خط تقيل وخط خفيف مكنتش مصدقة نفسى من الفرحة ورحت الساعة 10 الصبح عملت تحليل دم وطلع ايجابى الحمدلله دى حكايتى بالتفصيل ادعولى يا بنات ربنا يثبت حملى وعقبال كل المنتظرات ياااااااااااااااااارب