افيدوني اثابكم الله

[خوخه طعمه]

السلام عليكم ورحمة الله وبركاته
كيفكم بنات؟
ابغى اعرضلكم مشكلتي واللي عندها معلومه او تعرف احد
نفس حالتي تفيدني وتريحني
انا متزوجه من سنتين ونصف تقريبا
حملت اول مره بعد زواجي ب7 شهور
وكان الحمل ماشي تمام
تفاجات في مراجعه لي في نهاية الشهر السادس
ان الجنين قد توفي وتوقف نبضه فجأه
وقتها الله كان اعلم بحالتي
الحمدلله على كل حال
المهم ولدت ولاده طبيعيه ولله الحمد
حملت بعدها ب6 اشهر
ونفس الشي توقف نبض الجنين في نهاية الثاني
ونزل طبيعي ولله الحمد من دون عملية تنظيف ولاشي
بعدها رحت للدكتوره سما ناظر في المركز الطبي بجده
واللي تعرفها تطمني اذا انها شاطره
المهم طلبت مني انا وزوجي تحاليل خصوصا انه ولد عمي
كل شي طلع سليم
اللهم فيه شي عندي ناقص يسبب تجلط الحبل السري
وعلاجه ابر كلكسان يوميا طوال فترة الحمل
غير انه الولاده تكون بتحريض اوقف الابر اليوم وبكره اروح المستشفى للتحريض عالولاده بالطلق الصناعي او عمليه
لان الابرمسيله للدم فخطر اذا جاتني الولاده فجاه وانا كنت ماخذتها قبل ساعات لتفادي خطر النزيف فلازم يعدي على اخذها 24س
وعطتني كمان جوسبيرين
وفوليك استخدمه قبل الحمل ب6شهورعالاقل
فسؤالي من مرت بنفس وضعي وتم حملها على خير بعد اذن الله
لاني قريت في بعض المنتديات انه بالرغم من اخذ الابر والاسبيرين الا انه حدث موت الجنين
انا بصراحه مره خايفه من فكرة الحمل
واخاف تتكرر على المشكله بالرغم من اخذ الاحتياطات والادويه
الله يسعدكم اللي عندها اي خلفيه عن هالحاله والابر تطمني
واسفه عالاطاله
ومشكووووووووووورين