حلا باسكن روبنز بالصور

[ماﺀ السماء]

بسم الله الرحمن الرحيم

حبيت أحط لكم طريقة هذا الحلى..
الصراحة طعمه لذيذ ..
ودايماً يطلبونه مني..

في البداية نحتاج نجهز خلطة الجالكسي..والتوفي..
عشان يبردون شوي..

التوفي أنا كنت مجهزتنه من قبل

وهذه خلطة الجالكسي..



.نذوب 2 جاكسي مع ملعقتين زبدة على النار حتى يمتزجون..
2.نضيف علبة قشطة ونحرك بسرعة..
3.شكل الخلطة على النار..
4.شكلها النهائي بعد ما بردت..

نجهز الخليط الأبيض وهو عبارة عن..
2 قشطة+ ظرف دريم ويب+3 ملاعق طعام حليب بودرة+ربع علبة حليب بودرةأو علبة صغيرة..

ونحتاج بسكويت شاي مكسر ومبلل بخليط نسكافيه مع ماي..
ونحتاج مكسرات ملبسة بالكراميل((استخدمت اللوز بالكراميل))

نجي للتطبيق والصور..



.مكونات الخليط الأبيض..
2.نضع طبقة خفيفة من الخليط الأبيض في قاع الصينية..
3.نضع القليل من خليط التوفي..
4.شويه من خلطة الجالكسي..
5.نرش شوية مكسرات..
6.نوزع البسكويت بشكل عشوائي..
7.نضع طبقة ثانية من الخليط الأبيض..(مب لازم نغطي كل الجوانب)
8.نكرر نفس الخطوات السابقة..ونرجع نغطي بطبقة بيضاء مع تغطية الجوانب..

الخلطة البيضاء تطلع أسمك من اللي مبين في الصور..
بس أنا مضاعفة الكمية والظاهر إني زيدت شي بالغلط..

في النهاية نزين بالهيرشي والتوفي وشوية مكسرات..ونخليه في الثلاجة عشان يتماسك..






وبالعااااااااااااااااااااااافيه
وللامانه الموضوع منقووووول
كثيييير حبيته فنقلته لكم ....
واللي تجرب الوصفه تقولنا كيف
طلع طعمهاااا