ماهو الشىء الذى لايعجبك فى نفسك وشخصيتك

[جيرا]

اكيد كل واحده فينا مش عاجبها شىء فى شخصيتها وصفه كان نفسها تكون موجوده فيها اوصفه ماكنتش حابه انها تكون فيها
اوفى اى اختيار من الاختيارات اللى مرت بيها فى حياتها سواء كان عمل او فى دراسه او زوج او صديقه مااستحقت هذه الصداقه
انا عن نفسى اكيد عندى صفات مش حباها مش صفه واحده
زى القلق
والخوف
والتفكير الكتييييييير فى كل شىء حتى وانا نايمه بفكر
والتردد

وفيه صفه بحبها او القريبين منى بيحبوها فيا انى مااقدرش احس انى غلطت فى حق حد واتغاضى عن خطأى و اقول ان كرامتى ماتسمحش انى اتنازل وفى نفس الوقت احب المواجهه فى اللى بسمعه لو سمعت ان حد قال شىء فى حقى لازم انى اواجه اللى قال الكلام واللى بلغنى وبعدها اقرر

وبالنسبه لاختياراتى الخطأ كانت لاصحابى عملت عشانهم كتييير جدا مش كلهم طبعا بس كتير منهم وماوجدتهمش فى لحظه واحده
ودراستى كمان ماكنتش بحبها كان اختيار خاطىء منى
بس قدر الله وماشاء فعل
كل واحده فيكم بقى يااحلى بنات وكروشات وامهات تدخل تقول ايه اللى كانت تتمنى انه يكون فى شخصيتها؟واللى مش عاجبها فيها؟واحسن صفه عندها؟
واختيار كان خاطىء ندمت عليه؟


مستنيااااااااااااااكم