كرهت زوجي ولامجال لإستعادة حبي له من جديد

[المتفائلة دوماً]

مرااااااحب للجميع ...

أعرف اني ماأدش غير لما أكون بمأزق ...

بس وش أسوي طبعي ماحب أفضفض لحد غيركم.... ماريد أمي تتضايق إذا عرفت ان بنتها آخر العنقود مامرتاحه بحياتها ولاخواتي ماريد حد يتعاطف معي ويرحم حاااالي

قد يبدو لكن أن مشكلتي لا أساس لها لكن ربي الشاهد انني أمر بضروف نفسية صعبة .. نفسيتي انهاااااااارت خلاااااص ما صااار فيني .. تصدقو بنات صرت أكره زوجي بشكل بعد ماكنت أحبه ...

كرهته بس مافي سبب قوي جايز لأني ف بيت أهلي كنت متدلعه كثيييييير وتعودت ع الدلع بشكل مباااالغ فيه ... أحس أن زوجي صااار مايهتم فيني كالسابق ... أنا دوامي الصباح وهو دوامه المساء ... أحياناُ يعصب علي ع أمور تافهه جداً وبنفس الوقت أنا من النوع العصبي وأكره الواحد اللي يريد يفرض شخصيته علي بالأخص أن زوجي أصغر مني بسنتين فلما أحس انه يفرض علي شخصيته أستحقره استغفر الله .. بديت أحس انه لايعتمد عليه خصوصاً ف الامور المادية يعني تصورو أنه مستعد يصرف راتبه كله ف يوم واااحد ف أشياء تافهه جداً ...

نحن تعودنا أنا زوجي ع المزاح والضحك حياتنا كانت كله مزاح ولعب أغايره ويغايرني ونطنز أحياناً ع بعض وكان أمورنا طيبه .. بس سبحان الله بهاليومين صرت أتحسس من كل كبيرة وصغيره أحسه مايمزح المزاح صار جد حتى لما يجلس يطنز أحس من خاااطره !! ويلمح كذا مره أن البنات حساسات وبسرعه ينجرحن ويقصدني أنا ف الحقيقة بس بطريقة غير مباااشرة ..

ومايهتم فيني ولابصحتي ماتهمه حتى مرة ونا جايه من الدوام خبرته اني تعبانة ولاقدرت آكل شي يوم بحاله .. تخيلو !! كأنه ماسمع شي .. ع فكرة كل ماأشكي من شي مايهتم يكون عااادي عنده

صرت أكرهه بشكل كبييير.. بالأخص انه وقت النوم يتغير يصير حنون ورومانسي ويبدأ يدلعني ليش كل هذا طبعاً عااارفين ... مايحتاج أوضح!! حتى آخر مره سوى فيها هالحركة انا صرت كأني جماد صرت ماأحس برغبه جنسيه معاااه أبداً ماتتحرك فيني ولاذرة مشاااعر!!

من يومين انا تغيرت ف طريقة تعاملي معاه صرت ماأكلمه غير ف الأمور الجادة فقط كأمور الخدامة والأمور اللي من مسؤوليته هو .. ولاصرت أضحك كله مكشره معاه عشان شوي يتأدب ويحس فيني يحس اني زوجه ومحتاجة رجل بمعنى الكلمة يكون جنبي .. صرت أهتم بنفسي وبصحتي أكثر صرت أكشخ زود عن قبل .. وكله هذا ولااااااااااااا فارقة عنده يااااادوبك أمس بس حس وقال انتي متغيرة معي وع كلااامه انه ماجاه نوم بس مااااعلي هو ماجاه نوم عشان ماصار بيننا ... !! قبل النوم وهو هالشي الوحيد اللي ينومه يعني إذا ماسوى صعب أنه ينام ... مشكلتي صرت ماأشتهيه أبد أبد أبد حتى صرت أكره ريحته مع أنه مافيه ريحة كريهه بس هذا من زود كرهي له...

كرهت حياتي وين أنا قبل ووين صرت الحين انا اللي ضحكتي ماتفارق وجودي صرت مهمومه وحزينه ومضااايقة بس أحاول أتغلب ع هالضيق عشان مايأثر ع صحتي ويبان ف شكلي

قبل كم يوم نفسيتي واجد منهاااره وتعبااانه بس الحمدلله الحين صرت قويه وبراويه من أكون ! ماأنا اللي يتسوى فيني كذا ..

وما تتصورو نفسي أدورله زوجه ثانيه عشان ضميري يرتاح وأرتاح من همه الكبير ع قلبي بس ماأخبي عليكم اللي يهمني كلاااام الناس وااااجد بتأثر لما أسمع الحريم يتكلمو فيني بالأخص ان نحن صارلنا سنتين زواج وش راح تقول الناس علي ...

للعلم أنا ولله الحمد ملتزمه بديني وأذكر ربي بس ماعااارفه وش اللي صااااير والله همي كبيييييييير وخااايفة العواقب تكون وخييييييييمه.. وما أتصور اني راح أرجع أحب اللي يقولو عنه زوجي للأسف ..

جايز مايكون فيه حل لمشكلتي بس والله حابه أفضفض وحد يخفف عني

والحمدلله والشكر ع كل حااال