مساعده بخصوص امي

[tom]

السلام عليكم ورحمة الله وبركاته :

شحالكم شخباركم :

ماراح اطول عليكم بس والله محتاجه منكم نصيحه انا متزوجه من عمري 15 والحين صار لي متزوجه 14 سنه وعندي اربع بنات وولد و وابي اقولكم قصةي وابي مساعده هل انا غلطانه ولا لا :

امي تطلقة وهي حامل فيني وولدتني بيت يدتي وتربيت لين وصل عمري 15 ويا ابوي وخذني وزوجوني ولد عمي وامي ظلت في بيت يدتي خارج الدوله اللي انا فيها متزوجه وطبعنا امي ماربتني يدتي ربتني امي عصبيه وايد وماتتحمل اي شي :

وبعد ماتزوجة ولد عمي طبعا كنت ياهل ماعرف شي عن الزوج حملت بعد الزوج ويبت اول بنت لي وكنت فرحانه فيها وعشت بيت عمي احسن عيشه بس احب يدتي حب جنوني وامي احبها بس مب مثل يدتي :
بعد ثمان سنين من تزوجة ماتت يدتي الله يرحمهاااااااا
وبعد فتره مات يدي بقت امي مع اخوالي جان خوي يقول خلاص بنييب امي عندنا جان اقول اوكي وبعد مايبنها انا وزوجي طلعنا بيت بروحنا وخوي متزوج بنت عمي وقاعد معاهم بعد مماطلعت انا بيت بروحي مع عيالي وزوجي اخذت امي معاي "
ومن دخلنا البيت وامي كله مشاكل مع زوجي ومعا عيالي ماتحبهم عشان عياله وانا بعد كرهتني عشان ماكون وياها وانا تعبت هي امي وهذاك زوجي المهم عشنا 3 سنين على هذي الحاله كله مشاكل تتكلم على زوجي عند جيرانه هذا فيه وفيه وانا كله ساكته بس والله حريم انا نفسيني تعبااانه طول هالسنين : المهم قبل فتره انا حملت وبعد ماربيت ويبت بنت والله والله والله ماجذب على امي حتى بنتي ماحملتهاااااا واذا بجتت بنتي تقولها سكتي لج عند امي يعني موتي والله تعبانه من الاولاده وساكته وبعد ماطلعت من المستشفى اول ماوصلت البيت شفت امي وزوجي يتهاوشون وقوه جان اقط بنتي وروح اكلمهم بهوء خلاص انا تعبانه ارحموني حرام عليكم ولا امي تزيد على زوجي وهي الغلطانه وايد بعد مو شوي المهم قالت انتي كله معاه انتي نفسه وبناتج نفسه استغفر الله وخذت نفسها وراحت عند اخوي وخلتني وانا تعبانه من الولاده وراحت عند اخوي وقلت له اختي سوت جذي وجذي وانا والله كل للي قلته ارحموني انا تعبانه تعرفون خياطه وجذي حق الاولاده حدي تعبانه وراحت تقول اني طردتها وزوجي قالها مابيج في بيتي والله والله محد قالها جذي هي تسب زوجي وهو يقولها الله يجازيج خير مشكوره ماتقصرين وجذي والله والله هذي امي ماعتقد احد يحبها كثري بس والله تعبت بينهم وزوجي حده هادي مايحب المشاكل بس هي تخليه يعصب غصب حتى والله اذا عصب منها يقعد يضارب عياله ضرب مو طبيعي بنتي الكبيره للحين ماتتكلم وايد عمرها 12 سنه والله :
والحين تبي تسافر وقلت لي انتي مو بنتي خلاص حتى رقم تلفوني خلت حرمت اخوي تمسحه عشان ماتكلممني وانا قبل جم يوم دقيت عليها تصكره بويهي تبيني اكون معاها وخلي عيالي وزوجي :

الحين الي منكم تقولون انا غلطانه ولا لا اكون معاها وخلي عيالي وزوجي ولا شنو اسوي بليز ابي مساعده منكم :

تعياتي للجميع :