أهلين خواتي العزيزات
اتمنى أنكم بأحسن حال ؟
متضايقه وودي افضفض عليكم شوي
فيه ناس مهنتهم يحطمون اللي قدامهم ويكبرون الموضوع ويصعبونه ولا يهونون عليك ابد
الله يهديهم
ابي اسأل الأخوات اللي عندهم طفلين وماعندهم شغاله كيف ممشين أمورهم يعني الطبخ والتنظيف والنوم ولنا تبين تطلعين او تروحين السوق وش تسوين مع عيالك
انتوا عارفين أنا عندي بنت سنه اولى ابتدائي واللي بولده بإذن الله بيكون الطفل الثاني وبيتي صغير شقه على قدي
والناس يصعبونها علي ويتعبون نفسيتي يعني الحامل خلقه نفسيتها مو تمام
وتحسين اننا شايله هم المستقبل وقلققانه على البيبي وتبي تتطمن عليه ويجون يشيلونها هم.
الله يعينك على بنتك بتصير تغار مره من المولود
وشو بتسوين بيت وعيال وشغل الله يعينك
حتى اذا بغيتي تطلعين ووش بتسوين
والله ماعاد تذوقين النوم
والطبخ الله يعينك عليه بنتك وزوجك بيجون ويبون غداء وانتي ماقدرتي تنومين
الغسيل والكوي والله مايمديك تلحقين هالمولد دايم يصيح ويبيك حوله دايم
والله حسيت من كلامهم ان بنتي عمرها سنتين بالعكس احس بنتي بتساعدني شخصيتها. مره حلوه وحبوبه ومتعاونه واجتماعية ودارسه تمهيدي ومتعوده على الدوام
وحسيت من كلامهم كل الناس عندهم خدم ومافيه احد معتمد على نفسه
تكفون ابي كلام يرفع معنوياتي وكيف ممشين أموركم بطفلين او اكثر
والله قاعده اكلم نفسي اقول اللي خلاني امشي أموري وانا عمري 19 سنه
وادرس الجامعه وبنتي توني والادتها يخليني امشي أموري اللحين وانا احس أني اكثر نضج من اول واكثر خبره وعندي بنتي وتساعدني
والله ماشفنا الخدم الا في مجتمعاتنا ولا روحي المجتمعات الاخرى والله ماتلقونها إحنا الخليجين فقط اما الاوروبين والأمريكان تكون عندهم بيبي سنتر وقت مايحتاجونها يتصلون فيها
ريحوني بكلام يدعمني ويرفع معنوياتي وويعني بعد الله سبحانه وتعالى *