كليجا القصيم

[ام مرزوق]

المقادير
اربع كاسات طحين بر
1/2كاس زيت أو سمن
كاس ماء وقد تحتاجين زيادة شوي مو كثير
بيضة
أربع ملاعق حليب بودرة
ملعقتين سكر ناعم
1/2ملعقة صغيرة زنجبيل ناعم
1/2ملعقة صغيرة زعفران
ملعقة أكل خميرة فوريه
نجمع المقادير ونعجنها جيداً ونحرص تكون قاسيه نوعاً ما

ونخليها عشر دقايق تقريبا

أو حابه تقسمينها كور وتخلينها عشر دقايق ونغطيها بكل الحالتين بفوطه مبلله

وبعدها نجهز الحشو

مقاديرها

نصف كاس سكر
ثلاث ملاعق صغيرة ليمون أسود ناعم
ثلاث ملاعق صغيرة قرفة ناعمه
1/2ملعقة صغيرة زنجبيل
1/2ملعقة صغيرة هيل ناعم
1/3كوب عسل أو دبس التمر

وتخلط جيداً مع بعض
أنا أحطها بِ المكرويف 30 ثانيه وبعدها أخلطها عشان تكون أسهل
بِ الخلط
بعدها نجيب كوره من العجين ونفردها ونحاول يكون الاطراف أسخف من الوسط ونحط الحشو بالوسط كذا

بعدها نجمع الاطراف ونفردها برفق كذا

بعدين نجيب شبك مثل هذا ونضغط وجه العجين عليه برفق حتى ياخذ شكله ومتوفر آلة خاصه ب الكليجا

بعدها لاخلصنا نجيب صفار بيضة ونحط معه ملعقة صغيرة ماء وشوي هيل ناعم ونخلطه زين

نصفه بصينية الخبز مدهون بشوي زيت
وندهن الوجه ب البيض وندخلها الفرن

ونفتح الفرن ويكون حار مره ونخليه على الرف اللي تحت وافتح اللي فوق على نار هاديه

بعد ماتنتفخ نخفف النار تحته ونرفع النار فوقه شوي حتى تتشقر

بعدها نقدمها ساخنهـ مع قهوه ب الهيل

وهذي النتائج