ديوانية البحرين - دردشة حوامل البحرين - البحرينيات

[شمس الصباح]

ويش اخباركم

اكيد نايمين اني قاعده من تسع الصبح قلت بسوي الصالونة ما دام ملاك نايمة وسويت بس الحمصة وطلع ان طماطة الصلصة مخلص بنتظر الي الساعة 2 لين يجي ابو الشباب

طف طووف وحشتيني جان جبتين صحن قيمان له يا الرزيلة امس ما سويت قيمات وسويت سمبسة واعترضو اليهال وين اللقيمات وبخصوص الكريم كراميل اني احط الحليب بدون مقادير يعني اقدر بمخي والشكر اذا احط بس كفشه ما يصير حالي

اي طلعت مهلبية النارجيل حلووووووه واهم شي تكون باااااردة زوجي يقول انها تذكرة بايسكريم سوريا
وهذة مقاديرها
المقادير :

1 كاس جبن صغير سميد
1 كاس جبن صغير نارجيل
4/3 كاس جبن صغير سكر ( واللي يحبها حالية يحط كاس كامل )
بيضة واحدة
لتر واحد حليب سائل ( أو كاس حليب بودرة + 4 كاسات ماي )
1 علبة قيمر
ملعقة شاي فانيلا
كأس ماء ورد

الطريقة :
توضع جميع المقادير في القدر وتحرك ثم توضع على نار متوسطة وتحرك باستمرار الى ان نصل للكثافة المطلوبة للمهلبية ثم تترك لتبرد قليلاً وتخلط بخلاط العصير الكهربائي وتوضع في الكاسات وتزين حسب الرغبة وتغلف بالنايلون مباشرة حتى لا تتكون طبقة سميكة في الأعلى او توضع في اكواب بلاستيكية ونضع غطاءها مباشرة
تقدرين تحطين دراسين فوق بدل المكسرات حسب الرغبة او تحطين بدل النارجيل عصير مانجو او دريم ويب بس تضيفينهم في مرحلة الخلاط

ام عمار تقدرين تروحين الخاص وتقدرين بعد تروحين المركز الصحي اللي تبغين اهم شي ترتاحين

سول روز تعالي اكو كشتي مضايقة منها خاطري اكشخ بس لا الوقت ولا ملاك تخليني ومن تشوفني فاله الشعر تجوده وتمشع فيه