من عندها اسلوب حلو لكتابة خطاب ...؟؟

[لمياء]

انا صار لبنتي امس (أول ابتدائي) موقف في المدرسه لاتحسد عليه

موقف قهرني وماادري وش اسوي

كنت ابي ارسل خطاب للمدرسات اللي صار الموقف معاهم

وماقدرت اركب كلمتين على بعض

اللي عندها اسلوب حلو بالخطابات لاتبخل علي والله انا في حاله مايعلمها الا الله

مممممممممممممم..كنت بأقول بارسل لها الموقف عالخاص

بس لا بأحكي لكم اللي صار ..وشوفوا لي حل





بنتي شعرها كثير وحلو ...واول مابدت تداوم من الحر تحك شعرها

راحت معلمتها وكلمت المرشده وقالت لها البنت اكيد بشعرها شي

حطتها على جنب هي ووحده ثانيه

وعطتهم اوراق لنظافة الشعر .....وسالت بنتي قالت في شعرك شي

ياعمري البنت مافهمت قالت لا

اللي قاهرني ان بنتي نظييييييييييييفه مره مافي شعرها ولا شي اسبحها يوم ورى يوم

قلت لها ليه ماتقولين فتشي شعري مافيني شي

انا مره مره انقهرت .....لان بنتي شعرها نظيف مافيه شي ومرتبه تفتح النفس

ماتوقعت في حياتي انو راح يصير لي هالموقف

من كثر ثقتي بنظافة عيالي .....بالذات انهم بيحطونها في بالهم انها مونظيفه

عشان كذا ابي خطاب للمرشده او معلمة الفصل

ابين لهم ان بنتي نظيفه وشعرها نظيف .....


الله يسعدكم بسرعه لاتبخلوووووون علي ....والله اني في هوس من هالسالفه قاهرتني