السلام عليكم ورحمة الله وبركاته
اخواتي العزيزات قبل شهر ونصف صار اجهاضي للمره الثانيه على التوالي
وبنفس الوقت اول ماظهر النبض بعد اسبوع وقف
لكن المختلف في حملي الثاني انو تعبت من الاشعات والمراجعات باين متأخر
مافي جنين لكن بالنهايه طلع حملي متأخر اسبوعين ولمن بدأ النبض فضل اسبوع وتوقف وكان الموضوع لي صدمه نفسيه كبيييييره جلست فيها اعاني ليومكم هذا
لانو ولدي الله يحفظو كمل 7 سنين ومن سنييين وانا نفسي اجيب له اخوان
لكن قدر الله وماشاء فعل والحمدلله على كل حال
اعذروني لكن حبيت افضفض لانو نفسيتي في الحضيض
المهم عزيزاتي اول يوم بدأ ينزل مني دم خلاص ايقنت انو انتهى حلمي السعيد
وكنت مابغى عملية تنظيف لانو خايفه بعدها اتأخر عن الحمل زي المره الاولى لمن ساويتها
ولمن قرأت بقوقل عن ( عشبة المدينة ) توكلت على الله واكلت ملعقه صغيره منقوعه بفنجال ماء حار
وبعد مامر نص اليوم والدم لساتو ينزل عليا وبكثافه وصار معاه ينزل قطع
وجاني مغص الطلق كل بين ربع ساعه يجيني حيقطع بطني من قوته
وفضلت مصره على قراري مابغى عملية تنظيف وزاد حالي للاسوء والدم صار غزير غزير لدرجة انو بس اوقف يصب مني كنو مويا دم احمرررررر
وكل شوي ينزل قطع كل وحده اكبر من الي قبلها وفضلت اروح واجي ع الحمام الله يكرمكم كل شوي مع نزول الدم احس قطعه تبغى تنزل مني وكل ماروح اشوف
الاقيها قطع دم كبيرررره مرر ررا قد كف يدي
لكن للاسف لا الجنين ولا الكيس نزل وزاد عليا الدم اكثر بس اوقف ولاامشي
دمي رااااايح وانا ليا ثالث يوم على هذا الحال وفي نفس اليوم الثالث مع زيادة الدم
حسيت بهبوط وراسي يدور روحت الله يكرمكم ع الحمام عشان برضو فيه قطعه نزلت بالكلوت مع الدم قلت خلاص الجنين اكيد طلع لا مو هو طلعت قطعة دم متجلطه كبيييره
صاحبني معها مغص طلق قوووي جداااا ونزيييييف شديييد للدرجه الارض البيت الموكيت كلللو دم حتى جدران الحمام الله يعزكم مع نزول اخر قطعه تلطخت وبعدها ماعاد اشوف شي خرجت لعتبة باب الحمام ماعاد احس بنفسي طحت واغمي عليا من شدة النزيف
ساعتها زوجي طلب الاسعاف لانو على قولتو صرت زي الميته وجسمي كلوو ملطخ بالنزيف مع العلم انو زوجي كان يحاول فيا اروح قبل يصيرليا مضاعفات لكن انا اصريت وقولت مابغى عملية تنظيف راح ينزل بالبيت وصار الي ماكان ع البال
ولله الحمد والمنه والشكر حمدت ربي انو ماصار لي شي على تساهلي وتأخري
وهذا كلوووو حصلي بس من ملعقه صغيره من عشبة المدينه
عشان كذا حبيباتي سامحوني ع الاطاله لكن حبيت اوضح لكم بالتفصيل واحذركم
من مخاطر عشبة المدينه
واعذروني على التأخر لانو نفسيتي تعبانه
واتمنى تدعولي ربي يعوضني بالحمل المعافى الثابت والذريه الصالحه