السلام عليكم ورحمة الله وبركاته
كيف حالكم إن شاء الله دائما بخير ؟
أول شي بشكر اختي ثلج وردي وكنديه وكل اللي سالوا عني بغيبتي جزاكم الله كل خير حبيباتي وإن شاء الله بميزان حسناتكم يوم القيامه,,,,,,,,,,,,,,,,,
أما عن قصتي فهي قصه رحت اول امس المختبر وقلت لهم ابغى اسوي تحليل الدم الرقمي لاني متعوده عليه وهو ادق لانه حتى لو الحمل باول اسبوع يبين قال لي الجهاز خربان قال لي سوي تحليل الدم العادي قلت اوكي واخذ مني العينه وقال النتيجه بعد نص ساعه انتظرنا انا وزوجي وانا صراحه كنت متلهفه اكثر منه بصراحه زوجي فديته كلش ما يفكر في الحمل ولا يستعجل عليه الله يعطيني صبره المهم بعد نص ساعه استلمنا النتيجه وقال النتيجه
سالب
يعني مافي حمل وانا الدوره كانت متاخره علي اربعة ايام ، طبعا انتو تعرفون وش كثر هي الصدمه حسيت اني ابي اصيح وبكيت بكيت الحمدلله على ما اراد الله تدرون بنات الوحده اللي تكون حملت من قبل واجهضت ما تتخيلون وش قد هي تكون متلهفه على الحمل وانا من قبل اجهضت مرتين مات البيبي في بطني الحمدلله يارب تعوضني يارب وكل المحرومين الشي الغريب اني اقتنعت بالنتيجه وقلت ان شاء الله ربنا يعوضني الشهر الجاي بس لين اللحين الدوره ماشرفت وهي مو بالعاده تتاخر كل هالوقت والشي الغريب بعد اني بديت احس بثقل في صدري والم واحسه صار قاسي شوي وظهرت عليه خطوط زرقا ولين اللحين احس بالم ظهري لكنه خف شويوعندي حرقه ذابحتني موووت، وعند المجامعه المنطقه تكون ناشفه حيل ...ما ادري بنات انا ابي اطرد فكره اني حامل هالشهر بس اهي لين اللحين الدوره متاخره شورو علي ترى انتو خواتي ترى هالموضوع محد يدري عنه الا انتو وزوجي حتى امي واختي ما حكيت لهم ارجوكم ساعدوني،اسفه اني طولت عليكم