السلام عليكم خواتي ..
الله يرزقنا وياكم بالحمل السليم
بقول لكم قصتي من البداية ؟ و بلييييز اذا عندكم خبر ساعدوني و اشرحوا ليي السالفه لاني بصراحه ضعت .
زوجي يبغي عيال من فتره و اني مر على زواجي سنه و ما صار حمل
و قررت اروح المستشفى اشوف وضعي لانه الدوره بعد الزواج اتخرطبت عليي و ما قامت اتجيني في موعدها احيانا اتغيب شهر و نص او شهرين و اتظل بس 3 ايام
صرفت لي الدكتوره دوا دوفستون لمده خمسه ايام و بعد هالفتره ظليت يومين و يوم ثالث نزلت الدوره غزير و رحت للدكتوره مره ثانيه عشان كان عندي موعد معاها بعد ثلاثه ايام من الدوره
و سويت بعد تحليل دم للهرمونات لانها طلبتها مني
طبعا عطتي الدكتوره بعد قراءه التحليل ادويه و قالت ليي عندك نقص في هرمونات معينه
الادويه هي :
حبوب فيتا فول بعد الفطور حبه في اليوم
حبوب الكلوميد حبه في اليوم لمده خمسه ايام
حبوب جلوفوكاج 1000 لمده ثلاثه شهور
حبوب نوربرولك لمده ثلاثه شهور
و عندي فحص سونار بعد اربعه ايام
اني خايفه من وضعي و من كثر الادويه و ما ادري شفيني بالضبط
على الرغم انه الدكتوره طمتني و قالت في امل بس تحتاجين شويه علاج
في احد مر بحالتي او عنده اي معلومات ... بليييييز لا اترودني ساعدوني