التبولة عالأصول اللبنانية

[مامي نور]

السلام عليكم ورحمة الله وبركاته

الكل أكيد بيسمع على التبولة اللبنانية



والكل أكيد فكر إنو يجربا

والتبولة إذا مش معمولة عالأصول مش طيبة أبدا

لهيك كوني أنا لبنانية حبيت أعطيكون الطريقة الأصلية للتبولة



المكونات :

ربع كوب برغل ناعم

4 أو 5 حبات بندورة -طماطم-

4 أو5 باقات بقدونس

20 ورقة نعنع أخضر

1\2 بصلة مفرومة أو بصلة صغيرة مفرومة

2 ليمون كبير أو 4 ليمونات مصرية صغيرة

1 ملعقة شاي ملح

1\4 كوب زيت الزيتون وضروري يكون زيت زيتون

الطريقة :

نصفف البقدونس حبة على حبة بعدين منقطع الضلوع ومنغسلو كتيييييييير كويس -منيح-

بعدين منفرم البقدونس ناعم جدا بس مش شوربة

أول شي منحط البرغل بقاع الوعاء من غير ما ننقعو عشان نحط فوقو تماما البندورة - الطماطم - وضروري تكون الطماطم فوق البرغل

بعدين البقدونس المفروم ناعم

والبصل فوقو والنعنع مفروم ناعم

بعدين الحامض معصور والملح والزيت .

ومنزين التبولة بأوراق الخس

وألف صحة وهنا